Bugun sizga "Real Madrid" bilan biroz aloqador bo'lsada, lekin nisbatan chekinish qilgan holda Siz uchun futbol tarixidagi eng qimmatbaho futbolchilarning o'n birtaligi bilan tanishtirmoqchimiz (eslatma, transferlar yuqoridan pastga qarab qimmatlashib oradi):

1. Ganluigi Buffon. 2001-yil "Parma"dan "Juventus"ga 52,5 mln yevro. O'z vaqtida bu tirik afsonaviy darvozabon butun jahonni xayratga soldi, lekin transferni oqlashda hamon davom etmoqda.

2. Neymar. 2013-yil "Santos"dan "Barselona"ga. Sobiq klubiga 35 mln va o'zi, otasi uchun 40 mln, jami: 75 mln yevro. Lekin bugungi kun uchun u qadar ulkan narx bo'lmasa kerak. O'rtacha transferga ketgan summa 50 mln yevroga baholanmoqda. Ha, u pul emas, "futbol uchun" o'tgan futbolchi... 

3. Hernan Crespo. 2000-yil "Parma"dan "Lazio"ga Buffongacha shov-shuvli savdo bo'ldi, narxi: 55 mln yevro. O'sha davr uchun bu sensatsiya edi. Bugungi kunga taqqoslasa 100 mln dan oshsa neajab!

4. Fernando Torres. Bu ob-havo, ammo muhim o'yinlarda o'zini ko'rsatib turuvchi hujumchi 2011-yil "Liverpool"dan "Chelsea"ga 58,5 mln yevroga transfer qilingan.  

5. Hulk (Xalk). 2012-yil "Portu"dan "Zenit"ga Rossiya futboli tarixida "javohir" futbolchiga aylangan braziliyalik hujumchi 59,5 mln yevroga olib ketilgan. Hulk yangi klubga pul uchun o'tganligini yashirmagan, bugun unga to'lanadigan katta maosh mahalliy futbolchilarga yoqmayapti.

6. Radamel Falcao. 2013-yil "Atletico"dan "Monaco"ga. Bu kolumb hujumchisi Fransiya futbol tarixiga kirishga erishdi. Rasmiy manbalarda Falcao uchun 45 mln yevro berilgan deyilmoqda, ammo "orqavarot"da jami 60 mln ketganligini ma'lum bo'ldi. Ex, pulga yon bosgan iste'dod...

7. Zlatan Ibrahimovich. 2009-yil "Inter"dan "Barcelona"ga 61 mln yevroga xarid qilingan. Aytish mumkinki, sarson-sargardonlikda yurishni xush ko'radigan yulduz futbol tarixida Zlatan boshqa bo'lmasa kerak. Boz ustiga u yana Italiya (Turin)ga o'tishni xohlamoqda. Sayyohsan, Zlatan...

8. Ricardo, ya'ni Kaka'. 2009-yil "Milan"dan "Real"ga 64,5 mln yevroga olib kelindi. O'z vaqti uchun super transfer. Bu hujumkor yarim himoyachi narxini oqlay olardi, faqat o'sha jarohat bo'lmaganda edi...

9. Luis Figo. F. Perezning "Barcelona" devorini "pulga qulatishi". Odatda br-biriga futbolchi ravo ko'rmas azaliy raqiblardan 2000-yilda Figoga 70 mln yevroga qaymoqrang libos kiydirildi.

10. Zinedine Zidane. 2001-yilda "Juventus" hamyonini 74,5 mln yevroga to'ldirib, "Real"ga o'tdi. Bu Figodan keyingi eng katta summa bo'ldi.

11. Cristiano Ronaldo. 2009-yilda "Man Utd"dan "Real"ga tashrif buyurgan portugaliyalik yulduz, "qizil iblislar" g'aznasini naqd 94 mln yevro (80 mln funt)ga boyitdi. Albatta, 4 yildan buyon jahonning eng qimmatbago futbolchisi bo'lib turibdi.

Qirollik klubi endilikda Gareth Bale transferiga yaqin turibdi, agar bu amalga oshsa, eng qimmat transferlar o'ntaligidan joy oladi, kutamiz...

RM_CRISHTU_7