Gareth Bale transferi OAV tomonidan bir qator futbolchilarning ketishiga sabab bo'lishi dunyo bo'ylab "portladi". Ular orasida klubdan ketishi mumkin deya aytilganlardan Mesut ham bor edi, ammo u jamoada qolishini ma'lum qildi. Xo'sh, agar "Real" uni qo'yib yuborsa, nimaga katta xato deb baholanadi? Shu haqda qiziqarli faktlar keltiramiz...

Özil har mavsum o'z natijalarini rivojlantirmoqda, qolaversa, uni dunyo futboli eng yaxshi pleymeykerlaridan deya tan oladi, hatto raqiblari ham. Dastlab futbolchining bahosi 15 mln yevro edi, hozirda esa biror bir yaxshi mavsum o'tkazgan futbolchini sotib olish uchun 25 mln atrofida xarid qilish mumkin, albatta bu bahoni Mesutga teng qilish ahmoqlik.

Bugunga kelib Ancelotti nemis iste'dodining harakatlaridan qoniqadi, faqat bitta kamchiligini e'tirof etdi. Bu - Özilning himoyaviy o'yin ko'nikmalariga ega bo'lmaganligi. Bu juda to'g'ri fikr, lekin Özil shunday futbolchiki, kamchiliklarini to'ldira oladigan va o'z ustida qattiq ishlaydigan mehnatkash futbolchilardan biridir. Lekin bu borada ham garchi katta bo'lmasada, futbolchida o'tgan mavsumdagiga nisbatan o'sish bor. Masalan, hozirda "podkat" tashlash bo'yicha uning natija 0,9 koefitsentga ega, o'tgan mavsum esa bu 0,6 ga teng. Lekin himoyaviy uslubni o'stirish uchun unga bir narsa kerak bo'ladi, bu - vazn. Özil jismonan baquvvat emas, 90' to'la bir tekis harakat qila olmaydi. Shu sababli Carlo undan bu kamchilik ustida ishlashini so'raydi.

Bundan tashqari, murabbiy so'nggi fikrga ko'ra Özilni yana hujum ortiga qaytarib qo'yishga qaror qildi va o'ng qanot unga mos emasligini tan oldi. Jamoada CR7 murabbiy tomonidan himoyadan ozod qilindi va unga faqat shiddatli hujumlar yaratish vazifasigina qoldirildi. Demak, bir jamoada 2 nafar himoyadan holi futbolchi bo'lishi ko'plik qiladi.

Statistik ma'lumotlar futbolchining sermahsul ekanligini ko'rsatadi, ammo bu o'yinning so'nggi 20 daqiqasida sezilarli darajada pasayadi. Lekin shu ilk 70 daqiqada keng kolamdagi ishni bajarib ketadi. Endi esa qolgan 20'ni ham to'ldirishdan iborat. Uzatmalar ustasining o'rtacha o'tgan mavsumdagi ko'rsatkichi 10 ballik sistemada 7,41 ballni tashkil etadi, bu ancha yaxshi ko'rsatkich.

Juan Riquelme hazilomus tarzda shunday degan edi: "Özilning kamchiligi? Bu juda yaxshi yigitligida", - deya javob qilgan edi.

Özil so'nggi ikki La Liga o'yinlarida 30 ta golli uzatma berdi, bu har qanday futbolchiga nasib etadigan natija emas. Bu futbolchi "kalit" vazifasini bajarishidan darak beradi. Albatta ko'rsatkich ajoyib futbol malakasi va bilimlari evaziga yuzaga keldi, tag'in bu "Real Madrid"dek buyuk jamoada...!

Özil shunday futbolchiki, hatto Bale va Iscolar jalb etilgan taqdirda ham, u klubdan uzulib qolmas darajada "yopishib" ketgan. Isconing o'yinlar Özilnikiga o'xshab ketsada, "yangi davr" futbolchilari uning tajrimalariga suyanadi. Oxirgi ikki mavsumda u har bitta o'yinda o'rtacha 2,9 ta hal qiluvchi uzatmalar bergan. Bu fantastik natija desa yolg'on bo'lmaydi. Özilning ushbu natijasi klubning qolgan barcha futbolchilarinikidan ancha baland. Bundan tashqari, Mesutning tezkor qarshi hujumdagi uzatmalari ham jamoaga suv va havodek zarur.

Ancelottining o'yin uslubi to'pni nazorat qilishga qaratilgan. Nemis maestrosi esa to'p bilan deyarli bir tegishda hal qiluvchi uzatmalar berishga ko'nikkan va bu borada top o'yinchidir. Lekin yangi o'yin uslubida undan ko'proq kichik paslar talab etadi, shunday bo'lsada, uning iste'dodi ushbu talabni bajara oladi. Mesut Iscoga nisbatan joyni tanlashda kam adashadi, eng muhimi maydonni juda yaxshi ko'ra oladi, bu borada u ideal futbolchidir.