Asosiy » 2014 Yanvar 12 » ERTANGI KUN OLDIDAN... BUGUN XAYAJON...
14:43 ERTANGI KUN OLDIDAN... BUGUN XAYAJON... | |
 Cristiano Ronaldo haqida Dmitriy Zelenovning maqolasini tarjima qilib, sayqallab saytga kiritishgaku kiritdik. Keling, o'zimizning jonajon REAL-MADRID.UZ saytining ertangi kun oldidan o'z maqolasi ustida biroz so'z yuritaylik. Axir bu marosim bir yilda bir kelsa, Ronaldo esa 2013-yil fantastik mavsum o'tkazgan bo'lsa, bugun har qancha Ronnygol haqida yozsak arziydiku! Siz ham shaxsiy munosabatingizni qoldiring...  Shaxsan men aynan 2013-yilni "Ronaldo yili" deb atagan bo'lar edim. Chunki yakuniy yilda hech qaysi, na Messi, na Ribery, na Ibrahimovic va na boshqasi Cristiano qayd etgan natijalarni zabt etishni uddalay olmadi. Fikrimcha, bu yil eng zo'rlar uchligi, Ronaldo, Ibra va Suarezlar bo'ldi. Bunga ortiqcha ta'rif bermoqchi emasman. Bu masalaning bir tomoni... Ikkinchi tomoni shuki, bu Ronaldoning po'lat irodasi, barkamol inson ekanligini, haqiqiy futbol "farzandi" ekanligidan ishoratdir. Nega unaqa deyapman? Bir o'ylab ko'ring, 7 yil ketma-ket "Oltin to'p" nomzodlari orasida final uchligiga kirgan, ammo faqat bir boragina sovrinni qo'lga kiritgan, hatto "Manchester United"dagi o'yinlaridan ham yildan-yilga kuchli xarakter ko'rsatayotgan rekordchi uchun bu alam qilmaydimi?  To'rt yildirki ko'z oldida Lionel Messining kuchli deb topilishi, ovozlardagi soxtalashtirishlar, OAVning Ronaldoga nisbatan ayovsiz va tinimsiz tanqidlari har qanday asabi mustahkam insonning hayotini izdan chiqarishga qodir, lekin Ronaldo...  Kaminani xayratga soladigan narsa ham shu, qanday qilib Ronaldoda bunchalik kuchli iroda paydo bo'lgan? Uning o'zi aytgan edi, unga qilingan har qanday tanqid va nohaqliklar faqat o'z ustida mehnat qilishga sabab bo'ladi xolos: - Tushunaman, odamlar meni nima qilsam hammasini tanqid qilishadi. Ularga jahon chempionati boshlangandan buyon bu narsa yoqib kelmoqda. Lekin meni bu xavotirga sola olmaydi. Men maydonga chiqishda va futbol o'ynashni sevishda hamda barcha kuchimni jamoamning o'yinlari uchun sarflashda davom etaveraman. Bu mening maqsadimdir. Cristiano Ronaldo.  653 o'yinda 400 ta gol har kimga ham nasib etadigan natija emas. Balki bu darajaga erishish uning o'z ustida ishlash uslubidadir. To'g'ri trenajor zalida har kun umumiy og'irligi 20000 kg bo'lgan toshlar bilan ishlash har kimni kichli qilar, lekin uning mashg'ulotlarida o'zgacha uslub bor. Ronaldo yoshligidan ko'plab yulduzlarga havas bilan qaragan, ular kabi buyuklikka intila boshlagan, biroq hech qaysi futbolchining o'yin uslubini ko'chirib olishni istamagan, "Ronaldocha metod"ni rivojlantirishda, futbol tarixini yangidan yozishda davom etdi... Maydonda u kabi jonkuyar futbolchini har doim ham uchratmaysiz. Jamoaning o'yini chiqmasa, g'oyat g'azablanadi, jamoadoshlarini tetiklikka chaqiradi. Bu mavsum "Barcelona"dan qabul qilingan mag'lubiyat juda alamli bo'ldi, chunki Undiano Mallenco kataloniyaliklar tomonidagi 12-futbolchi bo'ldi. Uning penaltilarni belgilamagandagi holatidan so'ng, Crish hakamni maydon markazida ayovsiz tanqid qildi. Qanchalik g'azab otiga minganligi esa Jesega qilgan assistentligi oldidan ko'rsatgan shiddatli super tezligidan bilish qiyin emasdi. Ha mayli, bu o'tmishda qoldi...  Portugaliyalik futbolchi yil davomida 10 dan ortiq o'yinlarda o'z jarohatini yashirib, jamoasiga yordam berishga harakat qildi. Hatto buni boshqalar sezmadi, birgina "Borussia" bilan bo'lib o'tgan Germaniyadagi o'yinni eslang. "Levante" bilan o'yinda qoshi yorilib, ikkala ko'zi xiralashib qolgan holatchi? Ha, uni bir necha mikrotravmalar biroz qiynadi, lekin bu qadar "muskulli inson" bo'lmaganda Gareth Bale kabi tez-tez jarohat olarmidi, tag'in kim bilsin?! Professional faoliyatda barchada ham pasayishlar kuzatiladi, bu futbolning ajralmas bir qismidir. Futbol shunday, ba'zan sen uchun kutilmagan mukofot keladi, ba'zan mehnatingga yarasha javob olmaysan. Chunki futbol o'z nomi bilan O'YIN!!!  Xullas, bugun madridistlar uchun alohida kun. Bugun "Espanol Barcelona" bilan o'yin. Kecha "Barcelona" Madridning ikkinchi klubini yenga olmadi, aksincha mag'lubiyatdan qutulib qoldi. Endi esa o'ylaymizki, Kataloniyaning ikkinchi jamoasini safarda mag'lub etish "Real Madrid"ga nasib etadi. Mazkur tur Cristiano uchun ham juda muhim. U qahramonlarcha ertangi marosimga kirib borish uchun barchasini qilsa ajab emas. Jamoaga va "inCRible"ga faqat va faqat muvoffaqiyat tilab qolamiz!!! ¡HALA MADRID! ¡HALA RONALDO! WWW.REAL-MADRID.UZ Fenómeno | |
|
| |
| Barcha fiklar: 13 | ||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 18 RO'YXATDAN O'TMAGAN FOYDALANUVCHILAR: 18 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||
0
