Asosiy » 2013 Mart 23 » DUEL: DIEGO LOPEZ & IKER CASILLAS
14:58 DUEL: DIEGO LOPEZ & IKER CASILLAS | |
 Hammani o'ylantiradigan savol bor: "Real" darvozasini endilikda kim qo'riqlaydi? Bu borada asosiy bosim Iker tomonga o'tadi, buning uchun bir talay asoslar bor, masalan: - Iker "Real" sardori, jamoani boshqaruvchi yetakchi; - tajribali posbon klubning, muhlislarning ko'z oldida haqiqiy jamoa ramziga aylangan; - Casillas mana 10 yildan oshdiki ham klub, ham terma jamoa sharafini ishonch bilan qo'riqlamoqda va boshqalar. Diego Lopezda esa haqiqatga aylangan ustunlik paydo bo'ldi: - u o'z darvozasidan faqat 1 tadan ortiq to'p olib chiqmadi, faqatgina "Mallorca" 2 ta gol urishga erishdi, biroq bularda uni ayblash mumkin emas. TO'gri bunda himoyachilarning ham xizmati katta; - Lopez 1 o'yinda 9 ta seyv bilan rekord ham o'rnatishga ulgurdi; - "Man Utd" ustidan qozonilgan g'alabada uning juda katta hissasi bor, birgina Vidicning ketma-ket bosh bilan bergan zarbalarini qaytardiki, bu holatdan xayratda qolish kerak va boshqalar. Endi bizda posbon tanlashda kichik muammo bor, lekin uni yengish oson emas. Gap shundaki, Lopez Ikerdan kam o'yin ijro etmayapti, uning joyini bildirmayapti, ba'zi hislatlari, to'pni va joyni tanlashdagi aniqligi tahsinga sazovor. Ikkinchi tomondan esa Casillas jamoada sardor sifatida, o'yinda boshqaruvchi sifatida namoyon bo'ladi, "Real" o'yiniga esa uning ko'rsatmalari, qo'llab-quvvatlashi va tanqidchiligi ijobiy ta'sir ko'rsatadi. Lekin katta muammo bor! Psixologik ustunlik bera oladigan Ikerni hali formada bo'lmay turib asosiy tarkibga kiritish mumkinmi? Agar u maydonga tushsayu o'zini yomon his etsa butun jamoa ruhan tushkunlikka yuz tutmaydimi? Qirollik Kubogi finali, Chempionlar Ligasi final o'yinlari, Primerodagi so'nggi kurashlarda birorta bahsni qo'ldan boy berish mumkinmi? Bu tavakkalchilik bo'lmaydimi? Achchiq tomoni, biz ko'pchiligimiz Iker Casillasga o'rganib qolganmiz, aqlimizni tanibmizki, Madrid darvozasida shu afsonaviy posbon ko'z oldimizga kelaveradi, afsuski, Diego Lopez emas. Vaholangki, Diego Casillas yuqori sport formasida bo'lgan darajada emas deb aytish mumkinmi? U kutganimizdan ko'proq jasorat ko'rsatdi yo noto'g'rimi? Balki kimdir uning kamchiligini ko'rsatishga urinar, lekin kamchilikdan kim holi, Ikermi? Albatta yo'q! Xato-kamchilik hammada bor, lekin qaysidir hislatlar bilan barcha charm to'p ustalari o'ziga xosligi bilan hurmat qozonadilar. Masalaning yechimi qanday bo'lishi mumkin? "Real"ni o'ta muhim o'yinlar kutib turibdi. Klub juda katta bosim ostida, Muhlislar butun boshli dengiz, u birgina xato uchun Madrid klubini o'z qa'riga tortib ketishi mumkin, chetda turgan nashriyotlar, telekanallarchi? Bundan qutulishni yo'llari faqat va faqat g'alabali xarakter namoyish etishdir. Ko'rdingiz, himoyada bu mavsum katta muammolar paydo bo'ldi, Marceloning jarogati Coentraoga, Pepening jarohati esa Varanega imkoniyat bo'ldi. Raphael shu qadar fantastik o'yinlar o'tkazdiki tajribali Pepe joyini 19 yoshli yulduzchaga topshirib qo'ydi, Mourinho boshini ko'p qotirib o'tirmay Pepeni tayanch zonaga joylashtirdi, ya'ni himoyachining ampulasi tubdan o'zgarib ketdi. Asosiy tarkibda bu mavsum Diego Lopez faoliyat ko'rsatishi kerak. U bir darvozabonchalik tempga ega. Ikerchi? U zaxirada qolsa, formasini qayta tiklay olishi qiyin masala! Buning uchun nima qilish mumkin? Shu holatda yangi posbon birinchi navbatda Chempionlar Kubogi uchun bahsni oxirigacha olib borishi lozim. Qirollik Kubogi finalida ham shunday qilish o'rinli bo'lar. Jose Mourinho tomonidan beriladigan Iker uchun o'yin amaliyoti Primeroda berilishi o'rinli, Casillas o'zini ko'rsata olsa, ehtimol "Bernabeu"dagi Qirollik Kubogi finalini "Atletico"ga qarshi asosiy tarkibda boshlar, faqat ChL da emas. Xullas ChL va Ispaniya Kubogi finali Diego Lopezga, Primerodagi turlar esa har ikki darvozabonga taqsimlab berilsa maqsadga muvofiq bo'lardi! Aziz muhlis, bu mening shaxsiy fikrlarim! Siz qanday munosabatdasiz? Bu bizga qiziq, chunki hammaning o'ziga yarasha muhokamali g'oyalari bor. Ishonchim komil izohlarda siz muhlislar katta bosim bilan fikr almashasizlar, ko'tarilgan mavzu esa bunga munosib masala. RM_CRISHTU_7 | |
|
| |
| Barcha fiklar: 15 | ||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 85 RO'YXATDAN O'TMAGAN FOYDALANUVCHILAR: 85 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||||
0
