Carlo Ancelotti yangi mavsumda o'zgacha atmosferaga ega yangi taktikani ishlab chiqishiga to'g'ri keladi. Jamoa safiga yangi kelib qo'shilgan futbolchilar (James, Kroos va b.) va jamoadan ketgan hamda ketishi mumkin bo'lgan futbolchilarning imkoniyatidan kelib chiqib, jamoaga mos taktik tizim ishlab chiqishiga shubha yo'q

O'tgan mavsum endigina jamoani qo'lga olgan italiyalik mutaxassis mavsumoldi va mavsum davomidagi o'yinlarda bir necha marta taktikani o'zgartirdi. "Real" dastlab taktikani o'zlashtirishga qiynaldi, biroq keyinchalik yo'lini topgan "mashina" singari manziliga tushib oldi.

Ancelotti asosan 4-3-3 taktik tizimidan foydalandi. "Bayern" bilan o'yinda Carlo Ota jamoani 4-4-2 tizimiga joylashtirdi. Ba'zi o'yinlarda esa 4-2-3-1 (Mourinhoning sevimli uslubi) taktik tizimidan ham foydalanib ko'rdi.

Shuni aytish mumkinki, Ancelotti jamoani qanday qilib bir yo'nalishga biriktirishni uddalaydi. Bunda u psixologik, matematik va turli omillardan ustalik bilan foydalana biladi.

Ance avvalo ixtiyoridagi futbolchilarning o'ziga xos ajralib turuvchi yuksak qirralarini inobatga oladi. Joyi kelsa, istalgan futbolchini yangi nuqtada kashf eta oladi. Birgina Angel di Marianing noodatiy pozitsiyadagi muvofaqqiyatli o'yinlarini eslash kifoya.

vk.com/rmadrid

Fenómeno