Cristiano Ronaldo Samsung kompaniyasining yangi smartfonini taqdim qilgan holda jurnalistlar savollariga javob berib o'tdi.

"24-may fantastik kecha bo'ladi va men g'alabaga umid qilaman. "Atletico" - yaxshi jamoa, ular chempionatda yetakchilik qilishmoqda. Bu qiyin raqib va bizning bahsimiz ham shunday bo'ladi, biroq "Madrid" g'alabasiga ishonaman".

"Bir necha marta ta'kidlaganimdek, Chempionlar Ligasi startidan boshlab har o'yinga qadamma-qadam o'tdik va aynan shu finalga yetib borishimizga yordam berdi. Bizga bir qancha yaxshi klublardan o'tish nasib etdi. Endi bizni Lissabonga chipta olgan yana bir ajoyib raqibga qarshi bo'ladigan final kutmoqda. "Atletico" chempionatda yetakchilik qilmoqda va ularning finalda qatnashishi bir vaqtda bo'lmaydi. Bizga juda qiyin bo'ladi".

"Finallar doimo murakkab va kim kimga qarshiligi muhim emas. Imkoniyatlar teng, 50 ga 50. Albbatta, biz yutishni istaymiz. Muxlislar bu ajoyib turnirni qo'lga kiritish imkoniyatini his qilishmoqda va so'zsiz men ham. Finalda 2 ispan jamoasi to'p surishidan xursandman, axir bu La Liganing bor kuchini isbotlaydi".

ChLda gollar soni bo'yicha rekord haqida:

"16 gol - katta ko'rsatkich. Men bu bilan juda ham faxrlanaman, lekin buni ortda qoldirdim, barcha diqqatim bugungi kunga qaratilgan. Hammasi yaxshi kechmoqda va mavjud bo'lgan topshiriqlarni bajarishga kirishganman. ChL finalida gol urishni xohlayman. Agar bu menga nasib etmasa, buni boshqa sheriklarim amalga oshirishiga umid qilamiz, axir kim natijani olib kelishi muhim emas. Men hamma vaqt ko'prog'ini istayman. Men fantastik rekord o'rnatdim, ammo Chempionlar Ligasini yutishni xohlayman, chunki bu eng muhim turnir".

"Jamoa o'zini juda yaxshi his qilmoqda, biz yaxshi formadamiz. Bir nechta jarohat olganlar bor, biroq bu normal holat, chunonchi bunday holat Yevropa va butun jahondagi har bir klubda yuz beradi. Hammada 24-sanagacha tiklanish uchun vaqt mavjud. Biz final bahsiga yaxshi tayyorlanishimiz lozim".

Imkonsiz narsaning o'zi yo'q:

"Biz Ispaniya chempionligi uchun kurashamiz, bu turnirni yutish qiyin bo'lishini bilamiz, lekin imkonsiz narsaning o'zi yo'q va biz kurashni davom ettiramiz. Biz Qirollik Kubogini yutdik va Chempionlar Ligasi finalchilari hisoblanamiz. Joriy mavsum - ham individual, ham jamoaviy darajada ajoyib o'tmoqda. Men hamma turnirlarda g'alaba uchun kurashishimizdan baxtliman".

Jahon Chempionati haqida:

"Men bir necha marta aytganimdek: Portugaliya bosimni his qilmaydi va Jahon Chempionatini yutishi mumkin hamda biz bunga bajarishga urinamiz. Ispanlarga, braziliyaliklarga, argentinaliklarga, nemislarga ko'proq bosim tushadi. Biz bunday katta turnirda qatnashishdan rohatlanishga harakat qilamiz va har bir uchrashuvga finaldek tayyorgarlik ko'ramiz. So'zsiz, bu g'alaba qozonishni istaymiz, biroq bu oson bo'lmasligini tushunamiz".

Manba: www.realmadrid.com

Madridismo