Cristiano Ronaldo uchun o'tgan mavsum ancha omadli keldi. Ayniqsa Chempionlar ligasida. Ham chempionlik, ham shaxsiy rekordlar...

Portugaliyalik to'purar Chempionlar ligasining 51 yillik tarixida bir mavsumda eng ko'p gol urish bo'yicha mutlaq rekord o'rnatdi. Ilgari bu rekord 14 ta gol bilan belgilangan bo'lsa, Ronnygol bu safar naqd 17 ta gol urdi. Bundan tashqari u musobaqa tarixida eng yaxshi to'purar bo'lish uchun ham katta imkoniyatga ega bo'ldi.

Hozirda Cristiano hisobida ushbu yevrokubok doirasida 66 gol mavjud (shundan "Real" libosida 50 uchrashuvda 51 ta gol urgan). Afsonaviy Raul to'purarlar ro'yxatini 71 gol bilan boshqarmoqda. Keyingi o'rinda Leo Messi (67). Ronaldoda esa 66 ta.

Bundan tashqari "zambarak" jami 66 goldan 32 tasini pley-offda darvozalarga aniq yo'llagan, bu Messining natijasidan 1 taga ko'p. Shunday qilib CR7 Chempionlar ligasining eng yaxshi snayperi bo'lishga ancha yaqin keldi.

www.real-madrid.uz

Fenómeno