CaughtOffside bugun "Manchester United" Qirollik klubi bilan yashirin muzokaralar olib borayotganligi haqida shok xabar tarqatdi. Bu kelishuv Cristiano Ronaldoni Manchesterga qaytarish bilan bog'liq deyilmoqda. "Qizil iblislar" esa portugaliyalik futbolchi uchun 70 mln funtdan voz kechishga tayyorligi bayon etilgan...

Mazkur manba go'yoki Florentino Perez kolumbiyalik ikki futbolchi - James Rodriguez va Radamel Falcaolarni jalb qilish uchun Ronaldoni sotishga tayyorligini yozmoqda. Ronaldoni qurbon qilinishiga sabab sifatida moliyaviy feyr-pley masalasi qilib ko'rsatilgan.

CR7ning Manchesterga qaytish ehtimoli haqidagi gap-so'zlar har yozda keng tarqaladi. Bu narsa yana davom etmoqda. MUFCLatest muxbiri Den Green futbolchining opasi bilan uchrashib, savol bergan:

- Ukangiz "United"ga qaytishi mumkinmi?

Javob esa shunday bo'ldi:

- Bizning hali ham Manchesterda uyimiz bor, ba'zan o'sha yerda bo'lamiz, lekin aniq javob bera olmayman.

"Real Madrid" kolumbiyalik juftlikni jalb etmoqchi bo'lsa, FIFA qoidalariga muvofiq Ronaldodan voz kechishiga to'g'ri keladi. Ayni vaqtda "Qizil iblislar" moliyaviy jihatdan faol bo'lgan 200 mln funtga ega, ulardan faqat 60 mln funti sarflangan. Ronny yana ingliz klubi libosini kiyishi mumkin.

Ronaldoning Madriddan ketishi siz va biz uchun be'manilikdir. Lekin shunisi aniqki, madridliklar jamoasi rahbariyati haqiqatdan ham James va Radamel bilan jiddiy qiziqmoqda.

www.caughtoffside.com

Fenómeno