O'yinoldi press-konferensiyasida "Real" bosh murabbiyi Carlo Ancelotti "Madrid" tarkibida qandaydir syurpriz qilishi mumkinligini tan oldi, bir necha futbolchilar o'yinini muhokama qildi va yana uning Cristianoni almashtirish haqidagi gapi Luiz Enrique uchun javob bo'lmaganini ma'lum qildi.

"Barcelona" haqida

- Ularda yangi murabbiy va yangi futbolchilar, ular o'tgan mavsumda birorta sovrin yuta olishmadi - hozirda ular kuchli motivatsiyaga ega. Ammo ular o'zlarining ko'proq verkital va kuchli himoya bilan o'ynash uslubida qolishadi.

Pepe

- Pepeda xuddi Ramosdagi kabi hammasi a'lo darajada - ular o'yinga qaytishdi: o'ylaymanki, ikkalasi ham asosiyda chiqishadi.

Maydon markazi haqida

- Bizda qandaydir ustunlik bor, deb o'ylamayman: "Barca"da maydon markazida doimo kuchli, iste'dodli va tajribali o'yinchilar bo'lgan.

Cristianoning almashtirish javob emasligi haqida

- Bu javob bo'lmagan - men Luiz Enrique va boshqa hamkasblarimning ishini hurmat qilaman: kimdir shunday o'ylagan bo'lishi mumkin, unda ular adashishgan. 

Jamoaning o'zgarishi haqida

- Jamoa o'zgardi, biz "Atletico" va "Sociedad" qarshi yo'l qo'yilgan xatolarni tushundik: ish natijasida biz balansni topdik, jamoa ishlashni boshladi. Bizda oldinda kuchli jamoa bilan imtihon turibdi, ammo "Levante" va "Liverpool" bilan o'yinlar ham imtihon bo'lgandi. 

O'zining "Real"ga o'tganidan beri namoyish etilgan eng yaxshi oyin haqida

-  Bilmayman, lekin jamoa ishidan mamnunman.

Luiz Suarez haqida

- Bu mening muammolarim emas - men uning iste'dodini hurmat qilaman. Biroq uning qatnashish yoki qatnashmaslik sababli o'yin ideyasini o'zgartirmoqchi emasman. Bu ajoyib o'yinchi, uning yana o'ynashi La Liga uchun yaxshi yangilik.

To'p nazorati haqida

- Bunday bahsga tayyorlanish oson - biz bir-birimizni yaxshi bilamiz. Biz yuqori darajada himoyalanish va hujum qilishni bilganimizdek yaxshi o'ynashimiz lozim - g'alaba uchun a'lo darajada o'yin o'tkazish zarur.

Isco va James o'zgartirilish haqida

- Eng asosiysi, ular o'z iqtidorlaridan jamoa manfaati uchun foydalanishdi - ularga moslashish qiyin emas, chunki ulardan nima kutishimizni bilishadi va buni qilishadi. Hozir ularga juda effektli bo'lish mumkin bo'lmoqda, chunki ular formaga kirishdi, Isco esa terma jamoa o'yinida juda yordam berdi. James haqida nima deyish mumkin: biz undan mamnunmiz, u qayerda o'ynash kerak bo'lsa, o'sha yerda o'ynamoqda va "El Klasiko"da ham "Andield"da o'ynagan joyida harakatlanadi.

Bosim haqida

- Bu odatiy hol - o'tgan mavsumda biz "Barca"ga qarshi La Ligada unchalik yaxshi o'ynamagan edik. Bu safar hammasi zo'r bo'ladi, degan umiddamiz: biz o'tgan yilgiga qaraganda juda yaxshi formadamiz va natijaga erishamiz, deb o'ylaymiz.

Himoya haqida

- Dunyoda bunday iste'dodlarga ega boshqa o'yin yo'q, shuning uchun yaxshi himoyalanish kerak va Luiz Enrique himoya yutuq olib keladi deb hisoblaydi.

Messining qanday to'xtatish haqida

- Reja oddiy: hujumchilarga bo'shliq bermaslik. Buning uchun bitta o'yinchi kam, ikki chiziq bilan himoyalanish zarur.

"Barca"ning kuchsiz tomonlari haqida

- Ideal jamoaning o'zi yo'q, biz ham ideal emasmiz: mening ishim jamoani tayyorlash uchun raqibning kuchsiz tomonlarini topish, agar ular bo'lmasa, men o'ylayman. Men butun dunyo tomosha qiladigan bu bahs haqida ko'p o'yladim - menga Klasikoga tayyorlanish yoqadi. menda bosim yo'q. Menda tarkibda syurpriz qilish uchun reja bor: o'tgan yilda natija eng yaxshi bo'lmadi, ammo hammasi tez sodir bo'ladi - asosiy tarkibda syurpriz bo'ladi.

Syurpriz haqida

- Agar men kimnidir qo'shsam, kimnidir olishim kerak. Men himoyada hech narsani o'zgartirmayman, Biz doim 4 himoyachi bilan o'ynaganmiz, hech qachon ularni 3 taga almashtirmayman. Men biror yarim himoyachini olib hujumchini o'rniga tashlashim mumkin, yoki aksi bo'lishi ham mumkin.

"Barcelona"dan ko'ra kamroq dam olish haqida

- Cristiano aytganidek, biz o'yin nega 21:00 da emas, 18:00 da ekanligini tushunmaymiz, lekin bahsga yaxshi tayyorlanamiz deb o'ylayman.

Jamoa yig'ilishi haqida

Biz uchrashuv ertaligi uchun oldinroq yig'ildik: 11 da ertalabki nonushtani va o'yinga uch soat qolganda tushlik qilishimiz kerak.

O'yinoldi hissiyotlari haqida

- Biz a'lo formadamiz, ikkala jamoa ham mavsumdagi yaxshi vaziyatga kelmoqda. Men chorshanba kungi o'yindan keyin jamoamga ishonaman

Himoyadagi o'yin haqida

- Biz yaxshi mudofaalanishni o'rgandik, oxirgi vaqtda gol o'tkazmayapmiz.

Gareth Bale haqida

- Unda o'tgan haftada jarohat bor edi va bugun u o'ynay olmaydi. Bale - jamoa uchun muhim o'yinchilardan biri: u "Real"da birinchi mavsumni juda yaxshi o'tkazdi. Hozir u La Ligani o'tgan mavsumga qaraganada yaxshiroq biladi.

Manba: vk.com

Madridismo