Rossiya terma jamoasi bosh murabbiyi Fabio Capello Yevropa futbolida hozirgi kunda "Real Madrid"ni eng kuchli jamoa deb hisoblaydi. Bu haqda Cadena SER xabar qiladi:

- Men uchun "Real" Yevropada ayni paytning eng kuchli jamoasidir. Ularning hujumi tezkor va xavfli. Bu yil jamoa himoyani jiddiy kuchaytirdi. "Bayern" ham yaxshi jamoa, biroq "Real" - eng kuchli.

"Chelsea" ham xavfli, chunki g'alabaga juda chanqoq. Hozirda ular uchun yetishmagan Diego Costa bor, darvozaboni ham ajoyib. "Barcelona" Chempionlar ligasi yarim finaligacha borishi mumkin, lekin ko'p narsa Luis Enriquening 3 hujumchini qanday joylashtirishiga bog'liq.

Neymar, Messi va Suarez yaxshi harakat qilishi mumkin, ammo Messining qayerda o'ynashini aniqlash juda muhim. Uni darvozaga yaqin pozitsiyaga joylashtirish lozim. Luis Suarez bu kompaniyada 60% kuchini ko'rsata oladi, ammo uni 4 oylik diskvalifikatsiyadan so'ng kerakli talablarni egallashini kutish kerak bo'ladi.

vk.com/rmadrid

Fenómeno