Asosiy » 2014 Mart 24 » BU HAQIQIY "EL CLASSICO" EMAS
08:43 BU HAQIQIY "EL CLASSICO" EMAS | |
 Yaqin orada bo'lib o'tgan "classico"larda darvozalarga 7 ta gol kiritilmagandi. Yaqin oradagi azaliy to'qnashuvda jamoalarning har biri ikki martadan hisobda oldinda bormagandi! Yaqin orada bitta "El classico"da 3ta penalti belgilanmagandi! Yakunda esa g'alabani ko'proq istagan, sovuqqonlikni yo'qotmagan "Barcelona" 3:4 hisobida g'olib chiqdi. Lionel Messi xet-trikka erishdi va gollarining ikkitasini penaltidan urdi. Uning "el clasico"lardagi gollari soni 22 taga etdi va bu mutlaq rekorddir. Ushbu bahsda Ronaldo - Messi to'qnashuvi bo'lishi kutilgandi. Cristiano ham maydonni golsiz tark etmadi, o'zi penalti ishladi, o'zi gol urdi. Ammo bugun Leo undan yaxshiroq, samaraliroq o'ynadi. Aksincha, "Madrid" safida Di Maria va Benzema juftligi ancha yaxshi o'yin ko'rsatishdi. "Santiago Bernabeu" egalarining dastlabki ikkita goli mana shu juftlik hisobiga yozildi. Karim bu o'yinda xet-trik, poker muallifiga ham aylanishi mumkin edi, agarda biroz aniqroq harakat qilganida. "Real" raqibdan aslo qolishmadi. Jamoa Ancelotti ishlab chiqqan taktika asosida harakat qilishdi. Ular tezkor gol o'tkazib yuborishganiga qaramay, 20-daqiqa kelib, hisobda oldinga chiqib olishdi. Ikkinchi bo'lim boshida ikkinchi marta oldinga chiqib olishdi. Ammo, lekin, biroq... Tengma-teng ketayotgan o'yinning burilish nuqtasi sifatida Messining chiroyli pasi, Neymarning darvozabon bilan birga-bir vaziyatga chiqib borishi va Sergio Ramosning qizil kartochka olishi bo'ldi! Bu voqea uchrashuvning 64-daqiqasida sodir bo'ldi. Hisobni tenglashtirib, maydonda bir kishi ko'p bo'lib qolgan "Barcelona" ruhiy ustunlikka ega bo'lib oldi va o'yin tugashiga 6 daqiqa qolganida g'alabani o'z tomoniga og'dirib oldi. Iniesta jarima maydonchasi ichida Varane va Carvajal orasidan o'tib ketayotganida, yarim himoyachini mudofaa chizig'i vakillari o'rtalarida siqib yiqitishdi. Undiano Mallenco o'yinda uchinchi marta penalti belgiladi. Messi esa tavakkal qilib o'tirmadi va kuchli zarba bilan Lopez darvozasini ishg'ol qildi. Buyog'iga "Madrid"da kuch ham, ishtiyoq ham, vaqt ham qolmagandi.... Endi, "Atletico" — 70, "Real" — 70, "Barcelona" — 69 ochko holatida Ispaniya chempionati davom etadi. Ispaniya chempionati, 31-tur Real Madrid – Barcelona 3:4 (2:2) Gollar: 0:1 – 7 Iniesta, 1:1 – 20 Benzema, 2:1 – 24 Benzema, 2:2 – 42 Messi, 3:2 – 55, penalti Ronaldo, 3:3 – 65, penalti Messi, 3:4 – 84, penalti Messi. "Real Madrid": Diego Lopez, Carvajal, Pepe, Ramos, Marcelo, Alonso, Modric (Morata, 90), Di Maria (Isco, 85), Bale, Benzema (Varane, 66), Ronaldo. "Barcelona": Valdes, Dani Alves, Pique, Mascherano, Alba, Buquets, Xavi, Iniesta, Fabregas (Sanchez, 78), Messi, Neymar (Pedro, 69). Ogohlantirishlar: Di Maria (35), Pepe (43), Fabregas (43), Busquets (66), Alonso (85), Ronaldo (86), Modric (88). Chetlatish: Ramos (63) Manba: www.realmadrid.com SAMANDAR | |
|
| |
| Barcha fiklar: 22 | 1 2 » | |||||||||||||||||||||||||||||||||||||||||||||||||||||||||||||||||||||||||
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 10 RO'YXATDAN O'TMAGAN FOYDALANUVCHILAR: 10 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||||
0
