"Real Madrid" AQShdagi musobaqa finalida o'ynamaydi. Shunday ekan madridliklar uchun bir necha qo'shimcha bo'sh kunlar bo'ladi. Jamoa an'anaviy tarzda har yili o'tkaziladigan Santiago Bernabeu kubogi bahsini keyingi haftadayoq UEFA Super kubogiga qadar o'tkazishni rejalashtirmoqda.

Lekin o'yinning o'tkazilish vaqti va raqib aniq emas. Shunisi ma'lumki, Argentinaning "River Pleyt" klubi prezidenti Madrid klubi bilan uchrashuv o'tkazilishi kutilayotganligini aytgandi. O'tgan yili madridliklarga Raul Gonsalezning amaldagi jamoasi "Al-Sadd" raqib bo'lgan va unda mezbonlar qo'li baland kelgandi (5:0).

Masalaning boshqa tomoni bor - jamoaga Bernabeu kubogi o'yini halal berishi ham mumkin. UEFA Super kubogi va "Atletico" bilan safar-uy maqomdagi Ispaniya Super kubogi o'yinlari avgust oyiga to'g'ri kelmoqda. Shu sababli Qirollik klubi rahbariyati an'anaviy kubok uchrashuvini sentabr oyiga qoldirishi ham mumkin.

Avgust oyida taqvim juda tig'iz joylashgan. Jamoa "Sevilla" (12-avgust), "Fiorentina" (16-avgust)", Atletico" (19 va 22-avgust), "Cordova" (25-avgust) bilan jami 5 uchrashuvda maydonga tushishiga to'g'ri keladi.

vk.com/rmadrid

Fenómeno