Karim Benzema jamoadagi yagona sof hujumchi. Unga raqobatchi ham yo'q. Fransiyalik hujumchi yaqinda shartnomasini 2019-yilning 6-avgustiga qadar uzaytirdi. Benzema "aldamchi to'qqizlik" egasi, aslida u hujumni tashkil qilish va jamoadoshlarini to'p bilan ta'minlashda ko'p ter to'kadi.

Lekin u gol urishi shart. Iloji bo'lsa, bu gol "Atletico" darvozasiga qayd qilinsa juda ajoyib bo'lardi. Negaki, Karim gol kiritishni unutib qo'ydi. Terma jamoa safida Mundialda u to'purar bo'ldi, biroq, "Real Madrid" uchun oxirgi marta 23-mart kuni "Bernabeu"da "Barcelona" darvozasiga ikki to'pni joylab qo'ygan edi. Shuningdek, yana bir muhim o'yinda "Bayern" darvozasiga yagona golni kiritdi.

Benzema 5 oylik tanaffusdan so'ng "namlangan o'qlari"ni oldinda turgan o'yinlarda yaroqli holatga keltirishi kerak. Benzegol gol urish u yoqda tursin, hatto darvozaga zarba berishni ham unutib qo'ydi. Hozirda Benzemaning "quruq seriyasi" 571'ga yetdi. Esingizda bo'lsa, Fransiya terma jamoasi tarkibida juda uzoq muhlat gol ura olmagan (1.222'), lekin keyinchalik ketma-ket gollar ura boshlagan edi.

Benzema klub tarixidagi to'purarlar ro'yxatida hozirda 16-o'rinda bormoqda. U 237 rasmiy uchrashuvda 111 ta to'p kiritdi. O'rtacha bitta o'yinga 0,46 ta gol. Bu biroz past ko'rsatkich.

vk.com

Fenómeno