---

Avvalom bor assalomu aleykum qadrli fanatdoshlar! Sizlarni yana bir bor Hayit ayyomingiz bilan saytimiz nomidan qutlaymiz!!!

Ushbu maqolani yozish-yozmaslik haqida bir necha oylardan buyon o’ylanib kelaman, buni barchaga ma’lum qilsam to’g’rimi yoki noto’g’ri? Axiri shu ishni qilishga jur’at etdim, chunki boshqa iloj yo’qdek ko’rindi.

Maqolada anchagina fikrlar bor, bilaman vaqtingizni "o’g’irlayman”, biroq, haqiqiy madridist sifatida meni, to’g’rirog’i saytning jonkuyar boshqaruvchilarini ich-ichidan biroz dilxira qilayotgan masalalarga to’xtalmasak bo’lmaydi. Yaxshimi-yomon, ozmi-ko’pmi faqat sizlar uchungina biz imkon qadar tez, shiddatliroq ishlashga harakat qilmoqdamiz.

REAL-MADRID.UZ sayti asta-sekin o’z nufuziga ega bo’lib bormoqda. Saytimizga kiruvchilar soni ham bir talay bo’lib qoldi, qisqa vaqt ichida bu ancha yaxshi natija, BIROQ …

Quyida og’riqli tuyulayotgan muammolar haqida yozmoqchiman:

Har kuni qayta-qayta saytdagi mehmonlarni va ro’yxatdan o’tganlarni kuzatamiz, masalan bizda bir vaqtda saytda o’rtacha 140-150 kishi kirib turadi, shulardan faqat 15-20 kishigina ro’yxatdan o’tgan xolos. Shu sababli siz muhlislik qiluvchi "Real Madrid” jamoasi saytidan ro’yxatdan o’tmaganlar ro’yxatdan o’tishini xohlardik. Mayli, shu 140-150 kishi orasida boshqa klub fanatlari ham bor, shunday bo’lsada, bemalol ro’yxatdan o’tishingiz mumkin ("Barcelona” muhlislaridan tashqari albatta, sababi ikki klub fanatlari orasida qarama-qarshi fikrlar kuchayib ketadi).

Masalan saytda bir vaqtning o’zida 40-50 kishi ro’yxatdan o’tganlar kirib turgan bo’lsa, qolgan 100 tacha mehmon bo’lsa bu ancha normal holat bo'lar edi

Hurmatli mehmonlar ! ! !

To’g’ri orangizda anchangiz ro’yxatdan o’tishda qiyinchilikka duch kelishingizni ma’lum qilgansiz. Biz saytga yangidan "DOSTUP” beramiz va mehmonlar ham xabarlarda fikrlarini qoldirib, saytdan o’tishda yordam so’rashlari mumkin. Qisqasi aziz fanatlarni FAOLLIK va yana FAOLLIKKA chorlaymiz. Saytimizda ro’yxatdan o’tishga shoshiling, o’z fikrlaringiz bilan o’rtoqlashing, loyihalarimizda ishtirok etib, g’olibimiz bo’ling!!!

Endi ro’yxatdan o’tganlar haqida …!!!

Har oyning ma’lum qismida ro’yxatdan o’tkazish ishlarini olib borish uchun mehmonlarga fikrlari o’qish va ro’yxatdan o’tishda yordam berish maqsadida "DOSTUP” beramiz. Shaxsan kamina har oy kamida 15-20 ga yaqin mehmonlarni ro’yxatdan o’tkazib beraman. Shu sababli ularning ancha-munchasini taniyman, LEKIN…!!!

Ular orasida ba’zilar ro’yxatdan o’tgan, ammo xabarlarda birorta fikr qoldirmagan fanatlar ham bor…! Lekin nega bunaqa???

Siz ro’yxatdan o’tdingizmi, demak saytda qo’shimcha imkoniyatga egasiz. Fikr bildirasiz, loyihalarda qatnashasiz va yangiliklar ham kiritishingiz mumkin.

Ana shu umuman fikr yozmaydigan va juda kam fikr qoldiruvchi foydalanuvchilarimizdan ILTIMOS qilgan bo’lar edik. Siz madridistmisiz, saytda ham faol bo’ling. Bu hech qanaqa MAJBURIYAT emas, bu shunchaki, saytimiz nomidan qilingan ILTIMOS ! ! ! Saytimizda faol bo’ling, fikrlar bilan ularni boyiting, xabarlarga munosabatingizni bildiring, mayli tanqid qiling.

E’tibor berib boramiz, saytimizda loyihalar ishga tushganda (masalan ulardan biri "KIM TOPQIR” loyihasi) xabardagi fikrlar sozni 100 tadan oshib ketadi, lekin odatdagi boshqa xabarlarda 10 tadan nari borsa 30 ga yaqin fikrlar ko’raman. Agar ro’yxatdan o’tgan har bir fanat o’z fikrini yozsa, kamida 50-60 ta fikr qoladi.

Buni nimaga aytayapman ? ? ?

Saytda kim bo’lishidan qat’iy nazar, uning yangiligi saytga chiqdimi, demak u inson vaqtini ayamay, izlanib, mehnat qilib yaratadi, unda esa atigi 10 tacha fikr qoldirilsa, yangilik egasi "Nahot yangiligim hech kimga yoqmadi?”, degan umidsizlikka tushadi, agarda fikrlar qalashib ketsa, u holda yangilik kirituvchi yanada faol bo’ladi, ko’proq ishlaydi, ana unda unumdorlik oshadi!!!

Ana shunaqa gaplar, ana shunaqa qiynoqli tomonlar aziz fanatdoshlar, o’ylaymanki, siz meni juda yaxshi tushundingiz va bu haqda boshqa kuyunib yozishga xojat qolmaydi deya UMID QILAMIZ ! ! !

Yana bir bor sizlar faol bo’lishingizni so’rayman. Qolaversa, shu saytda o’z vaqti, fikrlarini ayamaydigan doimiy faol yuzerlarimizga ALOHIDA MINNATDORCHILIK bildiraman. Ular shunchalik yaqin bo’lib qolganlarki, bir kun saytda ma’lum sabab bilan ko’rinmay qolsalar albatta eslaymiz. Orangizdagi o’nlab fanatlar bilan har kuni aloqaga chiqamiz, fikr almashamiz, saytning rivoji haqida suhbatlashamiz va hokazo...

Saytda mehmon bo’luvchilar diqqatiga ! ! ! 

Saytimizda yana ro’yxatdan o’tkazish ishlarini olib borish maqsadida tez orada yana "DOSTUP” beramiz. Shoshiling, siz ham rasman saytimiz a’zosi, ajralmas qismiga aylaning!!!

Yaqin kunlar ichida sizlarni yanada qiziqtirish maqsadida yangi loyihalarni ishga tushiramiz. Ular orasida adminimiz RonalMadrid boshchiligidagi "Jahon futboli yangiliklari” (unda jahon futboli haqida yangiliklar kiritiladi) va kamina olib boruvchi "Siz qayerliksiz?” nomli kichik loyihamiz ish boshlaydi. Unda saytimizdagi barcha fanatlar o’zlari haqida ma’lumot berishadi, shu orqali saytimizda ahillik, do’stona munosabatlar kuchayishini istadik. Shu orqali hamshaharlar, bir-biriga yaqin yashovchilar aniq bo’ladi. Masalan kamina Surxondaryoning Termiz shahridanman, ammo bu saytda qancha vohadoshim yoki hamshaharim borligi va ular kimlar ekanligidan yaxshi ma’lumotga ega emasman. Bu loyiha saytda faollikni oshirishga yana bir yordamchi faktorlardan biridir!!!

O’ylaymizki, siz endi saytda ancha faol bo’lasiz va bizni mehnatlarimizni qadrlaysiz, sizning e’tiboringiz bizni ko’proq ishlashga chaqiradi ! ! !

Sizlarga sovg’a sifatida yangi mavsumda saytda katta o’zgarishlar amalga oshiramiz, ayniqsa sayt dizayni butkul o’zgaradi va o’ziga xos ko’rinish kasb etadi. Qulaylik ortadi.

Hurmatli fanatdoshlar agar sizning do’stlaringiz ham "Real Madrid”ga ishqibozlik qilsa, bizni saytdan bexabar bo’lsa, ularni saytga jalb qiling, bu saytga kirgan mehmonlar unga o’rganib qolishiga shubha qilmaymiz.

Yuqorida yozilgan fikrlarni unutmaysiz degan umiddamiz va to'g'ri xulosalar chiqarishingizga ishonamiz...!

E’TIBORINGIZ UCHUN RAXMAT!!! AGAR NOO'RIN YOZGAN BO'LSAM OLDINDAN UZR SO'RAYMAN!!! BARCHANGIZGA OMAD TILAB QOLAMIZ!!!

RM_CRISHTU_7