Ispaniya Super kubogida "Altetico" bitta omilga umid qiladi. Jamoa o'tgan mavsum ularga ancha ish bergan pozitsion holat va himoya chizig'iga e'tibor qaratadi. "Matraslar" bu uslub bilan chempionatni yutdi va Chempionlar ligasida finalga qadar bordi.

Mavsumoldi o'rtoqlik o'yinlarida Simeone shogirdlari atigi 1 ta to'p o'tkazib yubordi. U ham bo'lsa jamoaga yangi qo'shilgan Antuan Griezman xatosi bilan "Wolfsburg" gol urib ketdi. Shubhasiz, himoyadagi "toza" va xushyor o'yin "Atletico"ning asosiy quroliga aylanadi hamda bu juda xavfli kuchdir. Shunday ekan, "Real Madrid" ziyraklik bilan raqibni sindirishi kerak. Murabbiy Diegoning mahoratiga tan berish kerak!

"Atletico" himoyadan hujumga shiddat bilan o'tadi va ishonchli o'ynaydi. Ehtimol raqibning chap qanotidan hujum qilish madridliklarga ish berar. Chunki bu chiziqda o'ynovchi Felipe Luiz jamoani tark etdi. Juanfran, Miranda, Godin esa joyida. Shuningdek, maydonga markazida ham so'roq bor. Bu yerda sardor Gabiga sherik kerak. Mario jarohat olgan, jamoaga qaytgan Thiagoga aniq ishonch bildirilmagan. Arda Turan esa aniq o'ynamaydi.

vk.com/rmadrid

Fenómeno