Carlo Ancelotti "Rayo"ga qarshi o'yin oldidan matbuot-anjumanida intervyu berib o'tdi.

Ronaldoning jarohati haqida:

- Ronaldo kichik noqulaylik sezmoqda. Jiddiyligi yo'q. Ertaga maydonga tusha oladi. Masalan, bugun u mashg'ulotlarda umumiy guruhda hech qanday cheklovlarsiz shug'ullandi. Unda jarohat yo'q. Avvaloga biz unga kichik tanaffus bermoqchi edik, ammo keyin bu niyatimizdan qaytdik. Uning o'zi nima yaxshiroq ekanligini biladi. U o'z ishi bajaradi va hech narsadan arz qilmaydi. Hammasi joyida. Bu ko'p e'tibor qaratadigan jiddiy muammo emas.

Casillas va Lopez haqida:

- Casillas mavzusi aktual muammo emas, hech qanday yangi narsa aytmoqchi emasman. Yaqindagina buni aytganim, lekin qaytarishim mumkin. Lopez - sog'lig'i bilan hammasi joyida bo'lgan inson, chempionatda darvozani egallab qolaveradi. Diego qancha foyda keltirgan, Iker ham. "Rayo" bilan Lopez, "Borussia" bilan Casillas o'ynaydi.

Alonso haqida:

- Xabi Alonso so'nggi o'yinlarda u qadar kuchli obrazda o'ynay olmagandir, ammo u jamoa uchun muhim futbolchi. U bizning o'yin uslubimizga to'g'ri keladi. Har kim ham xato qiladi, barchada cho'kish bo'ladi. Lekin qaytaraman - u biz uchun juda muhim. Men unga dam olish kerakligini ko'rsam, albatta shunday qilaman.

Primero bahsi haqida:

- Primeroni yutish imkoniyatini yo'qotmadik. Yanada sermahsullik keltirish uchun ishlashda davom etamiz. Biz juda yaxshi natijalar qayd etdik, keyin o'zimizga bir qancha xatolarga yo'l qo'ydik. O'z ustimizda ishlashga harakat qilamiz. Xatolar hozirgi kunda juda qimmatga tushadi. Qudratimizni ko'rsatish uchun o'zimizni yig'ib olishimiz lozim.

"Rayo" haqida:

- "Rayo Vallecano" - juda yaxshi o'ynaydigan jamoa. Bunday jamoadan har doim ochiq futbol kutishadi, ular hech nima yo'qotmaydi. Ko'pchilik Primero - faqat ikki jamoa kurashadigan chempionat deyishadi, bu yerda yaxshigina raqobat bor, har bir jamoa seni yutishi yoki sen bilan kurasha olishi mumkin. Bu chempionat darajasini ko'rsatib beradi.

Luka Modric muammosi haqida:

- Luka Modricda kichik muammolar bor. U betob va o'yin oldidan yakuniy mashg'ulotlarda ishtirok eta olmadi. Biz qimmatga tushgan kichik xatolarga yo'l qo'ydik. Motivatsiya va yig'inchoqligimiz uchun hech qanday muammolar yo'q. Shunchaki to'lashimiz kerak bo'lgan xatolarga yo'l qo'ydik.

Jarima zarbalari ijrosi haqida:

- Cristiano - standartlar bo'yicha birinchi. Agar Gareth Bale uni bajarsa, demak ular o'zaro kelishib olishgan bo'ladi.

Chempionat taqdiri haqida:

- Bilmadim, chempionatni yutish uchun qancha ochko kerak. La Ligani yutish juda zavqli. Barchasi so'nggi turda hal bo'ladi. Agar sen 90 ochko to'plasang, unda sovrinli o'rinlardan biriga tushasan.

Jamoaning o'yin uslubi haqida:

- Har bir jamoada o'zining takrorlanmas o'yin uslubi bo'ladi. "Rayo" - bundan mustasno emas. Bu jamoaning o'ynashi menga yoqadi. "Madrid" ham o'ynovchi jamoa deb o'ylayman. "Rayo Vallecano" - juda tezkor va jo'shqin futbol o'ynaydigan hujumkor jamoa.

OAV tanqidlari haqida:

- Diego Lopezning so'nggi vaqtlarda tanqid qilishayotganlariga befarq emasman. Lekin bu faqat OAVda bo'ladi, bizning jamoada bu muammo muhokama qilinmaydi va rivojlantirilmaydi.

Mourinhoning so'zlari haqida:

- Mourinhoning "Madrid"dan ko'p narsani kutganligi haqidagi so'zlari? Bu uning fikri. Uning ham ishlari talaygina: u, masalan, o'tgan yili ("Real" bilan) zabt eta olmagan unvonlari uchun kurashadi.

Bale haqida:

- Baleda barcha jamoa his qilayotgan muammo bor. Unda jismoniy hech qanday muammolar yo'q, hozir biz uni jamoa va maydonda o'zini ishonchli his etishi uchun ishlamoqdamiz.

www.realmadrid.com

Fenómeno