Ajoyib uchrashuv yakunidan so'ng Carlo Ancelotti matbuot anjumanida o'yin haqidagi berilgan savollarga batafsil javob qaytardi...

Bugungi uchrashuvning eng yorqin holati:

- Biz kuch qo'shdik. O'tkazib yuborilgan goldan so'ng biz aqlimizni yo'qotib qo'ymadik, aksincha, o'z o'yin g'oyamizni o'yinimiz hayotiga tadbiq etdik, barchasi bundan ortiq bo'lmas darajada amalga oshdi. Menga jamoamning ko'plab harakatlari yoqdi; o'yin ritmi yetarlicha yuqori bo'ldi, biroq biz chorshanba kungi Chempionlar ligasi o'yinidan keyin yaxshi tiklana oldik.

Himoya chizig'i haqida:

- Men har doim ishonganman, himoyadagi muammolar professionalizmning kamchiligi tufayli yuzaga kelmaydi, o'zini qurbon qilishdagi kamchiliklardan kelib chiqadi, ba'zan futbolchilar ko'p yugurishni istashmaydi. Lekin bizning jamoa juda jiddiy va professional; bu futbolchilar "Real Madrid"da o'ynash nima ekanligini bilishadi va uning uchun ko'p narsani qurbon qilishadi.

G'alabadagi kalit haqida:

- Biz hujum qilishni istadik, to'pni nazorat qilishga intildik, qanotlardan yaxshi foydalandik. Ikkinchi bo'limda yuta boshladik, chunki g'alaba qilishni juda xohlagandik.

Isconing harakatlari haqida:

- Ha, Isco fantastik ishladi, lekin "Barcelona"ni bo'lib qo'yish uchun har bir futbolchimizga kuch kerak edi. Barcha yuqori darajada o'ynadi, bu esa "Liverpool"ga qarshi kechgan o'yindan ikki yarim kun dam olgandan so'ng oson bo'lmadi.

Benzema haqida:

- Men har doim u haqida gapirganim singari, gol uradigan Isco, Ronaldo, Pepe haqida ham gapirishim mumkin. Benzema boshqalar kabi o'yinga ajoyib tarzda qo'shildi.

G'alabaning ahamiyati haqida:

- Bu g'alaba so'zsiz muhim, bizning raqibimiz juda kuchli edi, ammo biz undan uzoqlashib, maqsadimizni qisqartirishga erishdik. Shunday ekan biz mamnunmiz.

Orzusidagi o'yin uslubi haqida:

- G'oya o'tgan yildagi kabi qoladi, lekin biz uni rivojlantirishga harakat qilamiz. Jamoa bu falsafa bo'yicha o'ynashga ko'nikib qoldi.

"Madrid" o'z uslubini to'la o'zlashtirib oldimi?

- Hozir jamoa o'yinlari rejasi bo'yicha juda yaxshi lahzalarga kirib bormoqda. Bilmadim, futbolchilar bu o'yin uslubiga to'liq moslashdimi yo'qmi, to'gri, istalgan vaqtda qandaydir qiyinchiliklar kelib chiqadi, ammo mening g'oyam biz shunday o'yin o'ynay olishimizga qaratilgan. Men o'z futbolchilarim bilan juda faxrlanaman, chunki ularning professionalligi va javobgarligi shunchaki noyobdir.

Bale qaytsa Isco va Jamesni zaxira olish qiyin boladimi?

- Bale – bu jamoaning fundamental bo'lagidir, u o'ynaydi, lekin o'ylashimcha, menda 11 futbolchidan boshqa ko'plab muhim imkoniyatlar bo'ladi. Bu butun tarkibning foydasiga o'ynaydi.

"Madrid"ning o'ta quvvatli jamoa ekanligi haqida:

- Ha, jismoniy jihat juda muhim. Biz buni "Liverpool"ga qarshi kechgan o'yinda, shuningdek bugungi o'yinda ham ko'rsata oldik. Biroq futbolchilarning jismoniy holati o'yinda barchasini hal qilavermaydi. Jamoamiz ruhiy tomondan ham qilayotgan ishiga juda ishonadi.

Madridistlarning mahorati haqida:

- Men jipslik haqida tez-tez gapiraman, futbolchilar doim harakatlanishdan oldin mening qo'llanmam bo'yicha o'yin strategiyasiga ergashishi uchun har doim o'ylashi lozim bo'ladi. Albatta, buni boshqa klub bilan taqqoslash qiyin, mening hozirgi jamoam o'z ishiga o'ta javobgarlar.

www.merengues.ru

Fenómeno