Carlo Ancelotti hozirgi tarkib uni to'la qanoatlantirishi va hech kimni jamoada qo'yib yubormasligini aytib o'tgandi. Lekin Marca gazetasi madridliklar safini bir nechta futbolchilar tark etishiga sha'ma qildi.

Manbada yozilishicha, klubdan Morata va Casemiro, shuningdek, di Maria, Khedira va Coentraolar ham tark etishi mumkin. Florentino Perez ularning hech birini sotishga rozi emas, ayniqsa oxirgi 3 futbolchini. Prezident jamoa futbolchilarini arzimagan pulga sotishdan charchagan. Endi esa u futbolchilarning agentlari qo'liga kelib tushgan takliflarga javoban yangicha transfer siyosatidan bormoqchi.

Perez Morata va Casemironi qaytarib olish sharti bilan sotmoqchi. Agar boshqa klublar transfer huquqini to'la xarid qilmoqchi bo'lsa, unda summa anchagina oshiriladi. Masalan, Moratani sotishdan Madrid klubi qaytarib olish sharti bilan 18, to'la transfer qilingan taqdirda 30 mln yevro ishlab olmoqchi.

Agar di Maria, Khedira hamda Coentraolar boshqa klubga o'tishni istasa, rahbariyat ularni saqlab qolish uchun futbolchi va ularning agentiga mulozamat qilib o'tirmoqchi emas. Florentino ularni klub tarixiga kiruvchi qimmatbaho transferlar ro'yxatiga qo'shib qo'yadi. Qaysidir klub ularni jalb etishni istasa, marhamat, "bir uyum" pul bilan Madridga yetib kelsin!

www.merengues.ru

Fenómeno