Carlo Ancelotti o'yindan so'ng intervyu berdi.

O'yin haqida

- Bizda gol urish uchun ko'p imkoniyatlar bo'ldi. Hujumni yakunlashda sifatliroq bo'lishimiz kerak edi, ko'proq gol urishimiz mumkin edi. O'yin boshida sodir bo'lgan voqealarga qaramat, o'yindan qoniqdim: biz yana standart vaziyat gol o'tkazib yubordik va bu holatimizni og'irlashtirib qo'ydi. Lekin bizning javobimiz munosib bo'ldi: jamoa hujumda ochildi, o'yinning bu qismlarida jismonan juda shijoatli ishladik. Darvoza tomon ko'plab imkoniyatlar yaratdik va oxir oqibatda ularni golga aylantirdik. Munosib tarzda g'alaba qozondik.

Raqibga noto'g'ri baho berildimi?

- Yo'q, hech qanaqa passivlik bo'lmadi. Biz "Ludogorets"ni o'yinning boshlanishiga qadar yuqori baholagandik. Bu jamoa juda quvvatli va qarshi hujumlarda xavfli edi. Bizda o'yin davomida ularning shijoatini bo'lib qo'yishda u qadar ko'p muammolar sodir bo'lmadi, lekin 1:0 bilan boshlangan o'yin hech qachon oson kechmaydi.

"Liverpool"ning "Basel"ga mag'lub bo'lishi haqida

- Meni "Liverpool"ning mag'ubiyati biroz taajjubga soldi, biroq bu Chempionlar ligasi, bu yerdagi barcha o'yinlar yetarlicha qiyin va har biri uchun kurashish lozim. Lekin shaxsan biz uchun guruhdagi vaziyat juda yaxshi kechmoqda.

Chicharito haqida

- Men hozirgi vaqtgacha ko'p o'ynagan Karimga dam berishni istagandim. Chicharito yaxshi o'yin o'tkazdi; u gol urmadi, ammo uning ishtirokidagi o'yinlar yaxshi bo'ldi.

Standart vaziyatlardagi muammolar haqida

- Biz bu o'yin komponentlarini oshirish uchun ishlashda davom etamiz.

"Ludogorets" muxlislarining Ronaldo manziliga xushtakbozligi haqida

- Ha, shunday, lekin bu Chempionlar ligasi, kichik klublar o'z hayotida katta o'yinda "Madrid"ga qarshi o'yinamoqda. Biz bunday munosabatni hurmat qilishimiz kerak. Barchasi shunday sodir bo'lishi o'yindan oldin bo'lishi ayon edi. Biz buni yengib o'tdik.

Ronaldoning jarohati haqida

- U to'pig'idan zarba qabul qilib oldi, biroq bu jiddiy deb o'ylamayman... Cristiano kichik og'riq sezmoqda, ammo bu jarohat emas.

Carlo Ancelotti bolgariyalik jurnalistlarga ham intervyu berdi.

O'yin tahlili haqida

- O'yin boshida gol o'tkazib yuborishimizga qaramay o'yin biz uchun yaxshi kechdi. Shundan so'ng yuqori darajada pressing qila boshladik, tez harakat qildik va imkoniyatlar yaratdik... Ba'zan qarshi hujumga o'tishga imkon qidirdik, bu normal holat. Bu qadar yaratilgan imkoniyatlardan so'ng munosib tarzda g'alaba qozonganimizdan mamnun bo'ldim.

Raqib strategiyasi haqida

- "Atletico" va "Real Sociedad" bilan bo'lgan o'yinlardagi kabi gol o'tkazib yubordik. Yaqin burchakni ko'proq yopish kerak. Bu vaziyatda Cristiano va Bale ham qo'shilib barchamiz birgalikda himoyalandik, ammo baribir o'tkazib yubordik. Buning ustida ishlashda davom etishimiz kerak. Mazkur masalaga ko'proq e'tibor qaratamiz.

Taktik sxema haqida

- Biz 4-4-2 sxemasi bo'yicha harakatlandik, Baleni ko'proq himoyaga qo'yib yuborishga to'g'ri keldi. Qachonki g'alaba uchun hujum qilsang, senda qarshi hujumlarda doim xatar bo'ladi. Oxir oqibatda Ikerni jamoani qutqarishga to'g'ri keldi.

"Ludogorets" va hakamlik haqida

- "Ludogorets" "Enfild"da ham o'z qirralarini namoyish qila oldi: u agressiv va shiddatli o'ynagandi. Hakam borasida gapirilsa, qaror qabul qilish oson bo'lmagan ko'plab vaziyatlar bo'ldi. Hakam to'laligicha barchasini to'g'ri baholadi.

Asosiy tarkibdagi o'zgarishlar haqida

- Birinchi sababi, bu o'zgarishlar shu paytgacha Kroos, James va Karim kabi ko'p o'yin o'tkazgan futbolchilarga dam berish maqsadida amalga oshirildi. Boshqa sababi esa Isco, Illarra, James, shuningdek, butun jamoaga ko'proq turtki berishdan iborat edi.

www.merengues.ru

Fenómeno