Asosiy » 2013 Aprel 10 » RonaldMadrid! 1-qism.
21:32 RonaldMadrid! 1-qism. | |
| Futbolchilarimizni tanishtirib boruvchi loyihamiz davom etadi. Bugungi qahramonimiz Ronaldo. Ronni haqida ma'lumotlar juda ko'pligi uchun maqolamizni 3-qismga bo'lib saytga joylamiz. 1-qismda Ronaldu Madridga kelgunga qadar olib borgan faoliyati hamda terma jamoadagi yutiqlari yoritilgan. Cristiano Ronaldo dos Santos Aveiro (talaffuzi: Krishtianu Ronaldu dush Santus Aveyru) — 1985-yilning, 5-fevralida tug’ilgan, Real Madrid futbol klubi va Portugaliya milliy futbol jamoasi uchun o’ynaydigan professional futbolchi. Futbol tarixidagi eng qimmat futbolchi — uning Manchester United futbol klubidan Real Madridga o’tishi 83 mln funt sterlingga tushgan. Bugungi kunning eng yaxshi futbolchisi hisoblanadi. 2011-yilda Ronaldo Real Madrid tarkibida mavsumni 53 ta gol bilan yakunlab, klub tarixidagi bir mavsumda eng ko’p gol urgan futbolchi bo’ldi. Oltin butsa yutib, ikki turli chempionatda bu mukofotni qo’lga kiritgan birinchi sportchi bo’ldi. Shaxsiy ma’lumot To’liq ismi; Cristiano Ronaldo dos Santos Aveiro Tavallud sanasi; 5-fevral, 1985 (28 yoshda) Tavvalud joyi ; Funshal, Madeyra, Portugaliya Bo’yi; 185 sm Laqab: Ronny, Ron, Krishtina Ampluasi: qanotdagi yarimhimoyachi Yoshligida a’zo bo’lgan klublar 1993–1995 CF Andorinha 1995–1997 CD Nacional 1997–2001 Sporting CP 2001– Sporting CP 31 (5) 2003—2009; Manchester United 292 (118) 2009— Real Madrid 191(194) Portugaliya tj 102(38) TARJIMAI HOLI Cristiano Ronaldo Potugaliyaning Madeyra, Funshal shahrida tug’ilgan. Onasi — Maria Dolores dos Santos Aveiro, otasi — José Dinis Aveiro. Ota-onasi uning ismini AQSH prezidenti Ronald Reagan sharafiga qo’yganlar, chunki u otasining eng sevimli aktyori bo’lgan. Dastlabki karyerasi. U uch yoshidan futbol o’ynaydi, va olti yoshida boshlang’ich maktabga chiqqanida uning sportga bo’lgan muhabbati yaqqol ko’rina boshlanadi. Uning sevimli o’smirlar jamoasi Benfika klubi bo’lgan, lekin shunga qaramay keyinroq ularning raqibi Sportingga qo’shiladi. 8 yoshida u otasi murabbiy bo’lgan Andorinha jamoasi uchun to’p suradi, 1995-yili, atigi o’n yoshida Cristianu Ronaldoning shuhrati butun Portugaliya bo’ylab tarqaladi. Madeyraning ikki yetakchi jamoalari, Marítimo va Nacional u bilan shartnoma tuzishga qiziqib qoladilar. Kattaroq jamoa bo’lgan Maritimo, Andorinhaning menejeri Rui Santos bilan hal qiluvchi uchrashuvni qo’ldan boy beradi, va natijada Ronaldo Nacionalga qo’shiladi. Nacionaldagi yutuqlaridan so’ng Ronaldo Lissabonga otlanib uch kun vaqtinchalik Sportingda o’ynaydi, va natijada Sportingda qoladi.. Sporting Ronaldo Sportingning Alcochete «futbol fabrikasi»da tayyorgarlik o’taydigan boshqa yosh o’yinchilariga qo’shiladi. Bu yerda u yuqori malakali maktabni o’taydi. Ronaldo o’z debyutini Lissabon Sportingi uchun Moreirensega qarshi o’yinida 2 gol urib boshlaydi. Shu jumladan u Portugaliya tarkibida UEFAning U-17 chempionatida to’p suradi. Uning UEFA U-17 chempionatlarida ko’rsatgan o’yinlari dunyo futbolining nazarini tortadi. 16 yoshida u bilan Liverpul FKning menejeri Gérard Houllier qiziqib qoladi. Ammo, keyinchalik Liverpul uni rad etadi, chunki Ronaldo juda ham yosh edi va uning yetakchi futbolchi sifatida namoyon bo’lishi uchun ko’p vaqt talab qilinardi. Aynan shu paytda, 2003-yil yozida, Lissabondagi Alvalade XXI stadionining ochilish marosimi, Sporting Manchester Unitedni 3-1 hisobi bilan yutganida esa Ronaldo Ser Alex Fergusonning diqqatini tortadi. Ronaldo ikkala qanotda o’ynay olish qobiliyatini namoyish etadi. Matchdan so’ng Unitedning o’yinchilari katta qiziqish bilan yosh isteʼdod haqida gapiradilar va kelajakda u bilan o’z jamoalarida o’ynashni xohlashayotganini bildiradilar.  Manchester United Ferguson yosh futbolchini o’z jamoasiga qo’shishni aniqlaydi, unga David Beckhamning Real Madridga o’tib ketganidan so’ng o’ng yarimhimoyachi kerak edi; Cristianoni 2003-yili $12.24 millionga sotib oladilar. U Manchester United uchun debyutini 2003-yil 10-avgust Old Traffordda bo’lib o’tgan Bolton Venderersga qarshi o’yinning 60 daqiqasida maydonga zahiraga tushib boshlaydi. United ohirgi daqiqalarida 1-0 yutadi, bunda Ronaldo Ruud Van Nistelroy Jussi Jaaskelainendan olgan penaltini uradi. Shundan so’ng u Britaniya OAVlari tomonidan olqishlarga sazovor bo’ladi.  Lekin uning barcha yutuqlariga va qadamlariga qaramay, Ronaldo bu raqamdan (7) kutilgan natijalarga erishishni hohlamaydi va boshlang’ich paytlarda Sportingda «kiygan» raqami — 28ni so’raydi. Karrington tayyorgarlik maydonida bo’lib o’tgan u bilan Ruud Van Nistelroy orasidagi kelishmovchiliklar ularning klubdagi rollari haqida juda ham ko’p mish-mishlarga sabab bo’ldi. Ferguson esa 2010-yilgacha qo’shilgan Ronaldoga katta umidlar bog’laydi. Ronaldo «Manchester Evening News» tomonidan shunday iqtibos qilinadi: «United meni qarashlarimni qattiq himoyalamoqda va men unga huddi shunday yaxshilik bilan qarzimni uzmoqchiman». Ronaldo o’yinlar davomidagi harakatlari bilan ko’p muammolarga duch keladi. U Manchester Cityga qarshi o’yinda maydondan chetlashtiriladi va 2005-yil dekabr UEFA Chempionlar Ligasi paytida Benfikaning muhlislariga korsatilgan «bir barmoqli harakat» uchun UEFA tomonidan keyingi o’yinga tushirilmaydi. Portugaliya — Lyuksemburg do’stlik uchrashuvida esa Ronaldoga Jeff Strasserni bo’ynidan ushlab qo’poruvchi harakatlari uchun sariq kartochka berilgan. Felipe Skolari unga Jahon Kubogi birinchiligida o’z kayfiyatini ushlab turishni maslahat beradi. 2005-yilning 29-oktabrida Ronaldo Manchester Unitedning birinchilikdagi 1000-sonli golini uradi. Fevralda u ketma-ket 2 dubl gollar uradi, ikkitasini Fulhem bilan uydagi uchrashuvda, qolgan ikkitasini Fretton Parkda, Viganga qarshi o’yinda uradi va birinchilikdagi gollari sonini 8taga yetkazadi. 2006-yil 26-fevralda Ronaldo Kardiff, Millenium stadionida Karling kubogi uchun kurashda yana Vigan bilan uchrashuvda darvozaga to’p kiritadi va mavsumdagi gollari sonini 10taga yetkazadi. U FIFPro Special tomonidan, muhlislar tanlovchi yagona unvonga — «2005-yilning eng yaxshi yosh o’yinchisi» nomiga sazovor bo’ldi. Shu jumladan u FIFAning 2005-yil o’yinchilari reytingida 20-o’rinni egallaydi. Jahon Chempionatidagi mojaroga qaramay, Ronaldo Manchester Unitedning ko’pchilik muxlislari orasida sevimli o’yinchilardan biri bo’lib qoladi. 2006-yil Jahon Chempionatidan so’ng ingliz birinchiligining dastlabki o’yinida Manchester United muhlislari tribunalarning har hil joylaridan aniq-tiniq «faqat Ronaldo birinchi» degan qo’shiqni tinglaydilar. Bu vaqtda Manchester United Fulhem FK ustidan 5-1 hisob bilan g’alaba qozonadi. O’shandan buyon, BBCning habar berishicha Ronaldo Manchester Unitedni boshqa tark etishni hohlamaydi va klubga qaytishdan bahtiyor. U Berkleyning 2006-yil noyabrdagi eng yaxshi o’yinchisi unvoniga sazovor bo’ldi. 2006-yil dekabrida Ronaldo liganing 3 o’yinida 6ta gol urib, o’zining hisobini 12ta golga yetkazadi va Unitedning eng muhim o’yinchilaridan biriga aylandi. U Vigan Atletik bilan uchrashuvning ikkinchi yarmida zahiradan o’yinga tushib, shu zahotiyoq bir necha daqiqa ichida 2 gol urib matchga yakun yasaydi. Manchester Unitedning treneri Ser Alex Ferguson portugal bilan uning shu mavsumda 15ta gol ura olishi haqidagi parisini yutqazdim deydi. Skott shunday deydi: «U uchun hursandman, chunki unga juda qiyin bo’ldi. U o’yinni ko’zini biladi. Uning to’p bilan oldinga o’ta olishi bu mavsumda unga qo’l keldi. Bu uning yetilganligini ko’rsatdi. U eng zo’r bo’ldi va kelajakda bundan ham oshadi».  2006-yil 8-iyun kuni, Jahon Chempionati-2006 doirasidagi Angliya va Portugaliya o’rtasidagi chorak-final uchrashuvida Unitedning o’yinchisi Wayne Rooneyning maydondan chetlashtirilishidan so’ng, ingliz OAVlarida Ronaldoning Rooneyga qizil kartochka berilishiga sababchi ekanligi haqida muhokamalaridan so’ng, Ronaldo jurnalistlarga, Manchesterda o’ynash uchun unga mihit to’g’ri kelmasligi sababli ketishini aytadi. «Men o’z agentimga ketishga tayyorligimni aytdim. Men buni mumkin bo’lgan eng yaxshi yo’l bilan qilmoqchiman. Men Real Madrid tarkibida o’ynamoqchiman», — go’yoki Ronaldo ispan sport gazetasi «Daily Marca»ga shunday deydi. 9-iyulda, u Portugaliyaning TV kanali SICga haqoratlarni, nega unga qarshiliklarni tushuna olmayotganini aytadi. Ronaldo Portugaliya Angliyani xonavayron qilganida haq yo’l tutganini, va o’z yurti bayrog’ini himoya qilgani uchun haqoratlanishi mumkin emasligini eʼlon qiladi. U odamlar uni yomon ko’radigan joyda yashay va ishlay olmasligini aytadi, va Angliyani qanchalik tezroq tark etsa shunchalik hursand bo’lishini qo’shib qo’yadi. Bir necha axborot manbalari Cristiano Ronaldoning Manchester Uniteddan ketishi yaqin, deb hisoblashadi. Lekin Ronaldo Unitedda qolishni tanlaydi. Uning qaroriga Ser Alex Fergusonning hissasi katta. U yordamchisi Carlos Queirozni Portugaliyaga yosh futbolchining hayollarini o’zgartirish uchun yuboriladi, va jamoadoshi Ueyn Runi Ronaldodan komandani tark etmaslikni va bo’lib o’tgan kelishmovchiliklarni unutishini so’raydi. 12-iyul kuni United «Klub Cristianoni sotilishini hayoliga ham keltirmaydi. Yaqinda Cristiano 2010-yilgacha bo’lgan shartnomaga imzo chekdi va klub bunga juda ham g’ururlanmoqda. Klub Cristianoga bo’lgan hamma takliflarni rad etadi», degan eʼlon beradi. Va 17-iyul kuni Ser Aleks Fergyuson: «Cristiano orqaga qaytadi», — deydi, huddi shu paytda Chelsining treneri José Mourinho: «Agar u Angliyada qolsa, men u vaziyatlarni orqaga qaytara oladi deb o’ylayman», — deydi. Cristiano Ronaldo barcha muammolar hal etilganidan so’ng Unitedga qaytadi. Angliya insidentidan so’ng Ronaldoga ingliz ommaviy axborot vositalari «hujum» qilishadi. «The Sun» uning suratini, 1998-yilgi Jahon Chempionatidan so’ng «Daily Mirror» chiqazgan David Beckhamning rasmi kabi, darts nishoni qilib chiqaradi. Ronaldo Rooney uning do’sti ekanligini va unga qizil kartochka ko’rsatishga harakat qilmaganligini aytadi. Rooney esa, men Cristianoga yomon hislarni tutmayman, ammo uning bunga aralashganidan ranjidim, deydi. Wayne Rooneyning Jahon Chempionligining chorak-finalidagi maydondan chetlatilishi FIFAning tartiblik komissiyasi tomonidan o’rganilib chiqib, unga 5,000 shveysar franki ($2,207) miqdorida jarima solinadi va Rooney ikki match davomida o’yinga tushish huquqidan mahrum etiladi. Matchdan so’ng Ronaldo Real Madrid u bilan qiziqib qolganligi haqidagi mish-mishlarni tasdiqlaydi, va hozir, yozgi transferlar paytida ispan klubiga yoki boshqa klubga o’tishga moyilligini aytadi. 5-iyul, Fransiyaga qarshi yarim-final o’yinda, Portugaliya 1-0 hisob bilan yutqazganda Ronaldo har gal unga to’p tekkanida ingliz va fransuz tomoshabinlari tomonidan uzoq hushtaklarga tortiladi. Uchrashuv ohirida u ko’p vaziyatlarni o’tkazib yuborganligi uchun mag’lubiyatga uchraganiga ko’z yosh to’kadi. U match davomida eng yaxshi o’yinchilaridan biri deb hisoblanishiga qaramay, ayrim OAVlar Ronaldoni (va yana bir nechta jamoadoshini) simulyatsiyada ayblaydilar. Shunga o’xshash ayblovlar yana bo’lib o’tadi va Ronaldo Angliya Chempionatida ko’plab haqoratlanadi. Eng Yaxshi Yosh O’yinchi onlayn tanlovida Ronaldo ikkinchi o’ringa tushib ketishidan ozgina o’tib, BBC Sport bu qisman Angliyaning e-mail kampaniyasi orqali bo’lganini, odamlarni Ronaldo g’olib bo’lmasligi uchun Luis Valensiyagaovoz berishga undalganligi haqida habar beradi. Agar tanlov noqonuniy deb sanalganida ham, FIFAning Maxsus O’rganish Guruhi Germaniyaning g’ururi Lukas Podolskini taqdirlaydi. 2007-08 yilda esa Ronaldu boshchilligidagi MU CHL ni yutib oladi. O’sha yili bir qator nominatsiyalarda yilning en kuchlisi deb tan olinadi.  Terma jamoadagi karyerasi Ronaldo xalqaro debyutini 2003-yil avgustda, Qozog’istonga qarshi o’yinda qildi. U 2004-yil Yevropa chempionatini ochib beruvchi matchda Portugaliya Yunonistonga 1-2 yutqazganida yagona golni va yarimfinalda Gollandiyani 2-1 yutishganida birinchi golni uradi. Final esa ochib beruvchi o’yinning revanshi kabi bo’lib, bu gal ham Gresiya g’olib bo’lib chiqadi. 2004-yilgi Olimpiya o’yinlarida Ronaldo Portugaliya uchun o’ynaydi, va FIFA jahon kubogida Yevropa mintaqasi boyicha 7 gol bilan ikkinchi yuqori natijani ko’rsatadi. 2005-yil 17-iyungacha Portugaliya tarkibida 25 o’yin ichida 11ta gol uradi. Jahon Kubogi uchun musobaqada Ronaldo o’zining birinchi golini Eronga qarshi uchrashuvda penaltidan uradi. 2012 yilda esa Ronaldu terma jamoasi bilan EVRO12 ning yarim finaliga qadar yetib kelishda va turnirning bo’lg’usi chempionlariga imkoniyatni boy berishdi hamda musobaqaning bronza madallariga sazovor boldi.  Hozirgi kunda JCh 2014 sarlash bosqichida oz guruhida Rossiya terma jamoasidan keyingi 2-o’rinda bormoqda.  Shaxsiy hayoti Uning otasi Dinis Aveiro 2005-yil 7-sentabrda vafot etadi. Bu payt, xabarni eshitgan Ronaldo atigi bir-ikki soatdan keyin Jahon Chempionatining saralash bosqichi doirasida o’tayotgan Rossiyaga qarshi o’yinga chiqadi. U Ser Alex Fergussondan Manchester Unitedning Manchester Sitiga 10 sentyabr kungi uchrashuvini o’tkazib yuborishlik bilan mukofotlanadi. Hamda, u o’zini Manchester Unitedning UEFA Chempionlar Ligasidagi navbatdagi uchrashuvi Villareal FKga qarshi o’yiniga chiqishini aytadi. Cristiano avvaldan Merche Romero (ispan TVsining Portugaliyada ishlaydigan xodimi. Ajrashgan, Ronaldodan 9 yosh katta) bilan bog’liq edi; u portugal matbuotida Ronaldoga erga tekkan, deyilgandi, lekin Ronaldo bu haqida hech narsa demagan, chunki u har doim o’zining shaxsiy hayotini professional hayotidan ajratgan. Keyinroq, portugal ommaviy axborot vositalari ularning ajralganligi haqida xabar beradilar. Ammo na Cristiano, na Merche bu haqda qandaydir mulohaza qoldiradilar; shunga qaramay bir jurnalist ispan OAVlariga munosabatlar yakuniga yetganini va Merche bir o’zi qolganini aytadilar. 20-sentabr 2006-yil esa Merche Cristiano bilan ajralganligini tasdiqlaydi. Ronaldo shuningdek ingliz modellari Alice Goodwin va Gemma Atkinson bilan uchrashib yurgan, 2010-yil boshidan esa u rus modeliIrina Shayk bilan uchrashmoqda.  2010-yil avgustida Ronaldo Facebook'da 10 million muxlis yig’ib, bunday muvaffaqiyatga erishgan ilk noamerikalik bo’ldi. Manba: wikipedia.org JAMSHIDSHOH | |
|
| |
| Barcha fiklar: 53 | 1 2 3 » | |||||||||||||||||||||||||||||||||||||||||||||||||||||||||||||||||||||||||
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 21 RO'YXATDAN O'TMAGAN FOYDALANUVCHILAR: 21 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||||
0
