Asosiy » 2013 Aprel 10 » O'YIN TAHLILI: "GALATASARAY" vs "REAL MADRID"
20:58 O'YIN TAHLILI: "GALATASARAY" vs "REAL MADRID" | |
 Bu ikki mamlakatning grand jamoalari tun bo'yi muhlislar oromini o'g'irlashdi. Og'ir, asabiy va to'qnashuvlarga boy keskin uchrashuv umumiy hisobdagi "Real" g'alabasi bilan yakun topdi. Futbolchilarga tavsif berishdan oldin bir shaxs sifatida aytmoqchimanki, Madrid super klubi 1-bo'limda yaxshi o'yin o'tkazdi, ammo turklar klubi futbolchilari bilan nihoyatda ko'plab xavfli qoidabuzarliklar oqibatida o'yinning ikkinchi yarmi buzildi, madridliklarning har bir futbolchisi kamida 2 martadan aziyat chekdi. Bu holatdan esa sarayliklar unumli foydalandi, tan olish kerakki 3 ta bir-biridan chiroyli gollar o'tkazib yuborildi. LOPEZ. Bir narsaga e'tibor qaratishni istardim, Jonli efir loyihasida anchagina muhlislarimiz Diegoni tanqid qildilar! Lekin negaligini tushunmadim. Xo'sh ajoyib seyvlar namoyish etgan darvozabon 3 ta to'p o'tkazsa, ayb undami? Qaysi to'pni qaytarish mumkin edi? Eboue bergan zarbani yopishga Coentrao yetib bormadi chunki u boshqa futbolchini qo'riqlayotgandi. Natijada raqib bergan zarba Fabioning oyoqlari yonidan o'tib to'qqizlikka joylashdi, keyingi golda Sneijder ajoyib texnikasi bilan Varane va Arbeloa kutgan to'pni yulib ketgan holda Lopezning qarama-qarshi burchagiga joylab qo'ydi, Drogbaning golichi? Bu ivuarlik hujumchining yuksak mahorati evaziga sodir bo'ldi, Pepening kechikishi Varanening to'pni yopa olmasligiga sabab bo'ldi, to'p uzoq burchakka qadarldi, bunda ham Lopez aybormi? Kim qanday fikrda bilmadimu, lekin men Diegoni qo'llayman, katta xatolik esa himoya chizig'ida sodir etildi. COENTRAO. Himoyada faqat shu portugalga maqtov berardim. Ko'plab raqib hujumlari aynan uning qanotidan sodir etildi, bir necha bor u xatarlarni yo'qqa chiqardi. Faqat 16'da Sneijderni qo'yib yubordi, lekin vaziyat ijobiy yakunlandi. VARANE. Yosh yulduz bu kecha yomon harakat qilmadi, lekin unga Ramos yetishmayotganligi ko'rinib qoldi. Ikkita raqib tomonidan kiritlgan golda uni yaqqol aybdor hisoblash mumkin emas-u, faqat shu vaziyatlarda sustkashlik ko'zga tashlandi. Boshqa hollarda Rafa o'z ishini bajardi, turklarning yana bir kiritgan golida Varane raqibini o'yindan tashqari holatga tushirgan holda yo'qqa chiqardi. Mourinho huddi shu vaziyat uchun himoyachini maqtadi va vaziyat gol bilan tugaganda "Real" 4:1 hisobida mag'lub bo'lishi mumkinligini ham yashirmadi. PEPE. Balki ko'pchiligingiz Keplerni tanqid etarsiz, qaysidir ma'noda siz haq. Lekin bir narsaga e'tibor qilishingizni istardim. Esingizda bo'lsa, o'yin boshlanishi oldidan ertalabki mashg'ulotlarda u chap oyog'ida og'riq sezib, tayyorgarlikni tugatgan, bu haqda Pepe maydonga tushmaydi deya xabar ham chiqargandik. Keling Pepeni aybdor emas, balki, matonat ko'rsatgan futbolchi emas, haqiqiy klubni o'ylagan jangchi deb hisoblaylik. ESSIEN. Michel o'yinni ajoyib boshladi. O'z qanotida hujum chizig'ida ham texnik mahorat ko'rsata boshladi. Mezbonlarning qo'polliklari evaziga u sonining orqa qismidan jarohat olib, safdan chiqdi. ARBELOA. Bitta savol bizni qiziqtirdi, bu aniq! Shu Alvaro Arbeloamidi??? Nahotki, zaxiradan sherigi Essienning joyini yopa olishi kerak bo'lgan himoyachi raqibning gollarida xatolik ko'rsatsa, kamiga qo'pollik ishlatib, hakamnining tentakligini 2 bora ishora qilib ko'rsatsa? Arbeloa butun madridistlarni xunob qildi... Bir deganda 2 ta sariq va qizil kartochka, tag'in shunday muhim o'yinda? MODRIC. Luka tinib-tinchimas mashina. U o'yinni yuqori tempda o'tkazgan 4 futbolchidan biri. Alonsoning o'rnini munosib tarzda yopa oldi deyish mumkin. Solishtirish maqsadida aytish joiz, u sherigi Khediradan ancha faol edi. Qoyil qolish kerak, ham himoya, ham tayanch zona, ham hujumni to'p bilan ta'minlash juda og'ir mas'uliyat. Bitta vaziyatda Luka o'ziga xos uslubda chap qanotdan jarima maydonchasi sari o'ng oyog'ining tashqi yuzasi bilan kuchli zarba bilan uzatma amalga oshirdi, bir qarashda osondek, lekin bir urunib ko'ringchi! KHEDIRA. Bitta ajoyib sahna esingizda Ozil+Khedira+Ronaldo=gol! Bu holatda Sami CR7 uchun assistent bo'ldi. O'rta chiziqda pahlavonimiz ko'pkurash jangchisi bo'ldi, aksar hollarda to'qnashuvlardan aziyat chekdi. Xulosa qilib aytganda nemis futbolchisi qo'pol xatolarga yo'l bermadi, yomon emas. DI MARIA. Tanqidga duchor bo'lgan futbolchilardan biri. Nega? O'sha Ronaldoning uzatmasini gol bilan yakunlay olmaganligi uchun. Lekin Angel ham Ronaldoga yetkazgan to'pni darvozaga joylay olmagandi. Balki esingizdan chiqmagandir, qarshi hujum vaqtida Angel jamoasini deyarli golli vaziyat qutqargan jonboz yigit hamdir. Angelning stabil o'yin ko'rsata olmasligini hammamiz yaxshi bilamiz, shuning uchun xayron qolmaslik kerak. OZIL. Qani o'sha Ozil? Afsus, undan yorqin o'yin kutdik. U yomon o'ynamadi, shunchaki o'z imkoniyatini maydonda portlash qila olmadi. 1-bo'limda bir maromda to'p surdi, lekin 2-bo'limda... Bir narsaga guvoh bo'ldim, o'yin boshlarida u o'ng qanotdan raqibga qarshi ishga solgan tezligi meni xayratga soldi, darhaqiqat u o'sishda davom etmoqda. Asli kelib chiqishi turk bo'lgan Mesutning turk muhlislari tomonidan xayqiriq va xushtakbozlik bilan qarshi olinishi dilini xira qilgan bo'lsa ham ajablanmaymiz. Olg'a Mesut! HIGUAIN. Mazkur uchrashuvda jamoa sardori sifatida maydonda harakat qilgan hujumchi kamnamo bo'lib qoldi. Balki o'yini chiqmagandir, balki raqib himoyasi yaxshi mudofaalangandir. Nima bo'lganda ham Gonzalo biroz ertaroq Karim Benzemaga joyini bo'shatib berishi kerak edi. Yarim finalda Pipitadan fantastik o'yin kutib qolamiz! RONALDO. Yo'q, yo'q, yo'q. CR7 muhlislar xayqirig'idan o'zini yo'qotib qo'ymadi. Bu holatda komaga tushgan futbolchi dubl qayd etish qobiliyatiga ega emas! Agar aniq harakat qilganda Ronigol yana 2 ta to'p kiritishga erishardi. ChL musobaqasida 11-golni kiritish va yakkapeshqadam to'purarga aylanish maqtovga loyiq. Ko'z tegmasiz! BENZEMA. Shunchaki ofarin Karim. Higuain va Benzemaning afzalliklari ham shunda, agar birining o'yini qovushmasa, ikkinchisi albatta ishonchni oqlaydi. 20' ham maydonda bo'lmagan, zaxiradan tushgan hujumchi o'ta faol harakatda bo'ldi, uning maydonga tushishi raqib hujumini qaysidir miqdorda cheklab qo'ydi. Karim o'z nomiga 1 ta golli uzatma yozib qo'ydi. Bu haqiqiy "COME BACK". ALBIOL. Ozil bilan joy almashgan Raulning asosiy vazifasi "Galatasaray"ning hujumini to'xtatishga bel bog'lash bo'ldi. Qariyb 10' ichida ko'zga tashlanuvchi vaziyat ichida ko'rinmadi. O'yin qahramoni: ular 2 nafar: "Real"dan Ronaldo, "Galatasaray"da Sneijder. O'yin omadsizi: ular esa 3 nafar: Arbeloa (xato va qiz. kar. uchun), Essien (o'yinni barvaqt tugatganligi uchun) va Lopez (aybsiz aybdor, 3 gol o'tkazgan ojiz posbon). RM_CRISHTU_7 | |
|
| |
| Barcha fiklar: 26 | 1 2 » | ||||||||||||||||||||||||||||||||||||||||||||||||||||||||||||||||||||||||||
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 10 RO'YXATDAN O'TMAGAN FOYDALANUVCHILAR: 10 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||
0
