Asosiy » 2013 Aprel 4 » Futbolchilarni baholaymiz
14:31 Futbolchilarni baholaymiz | |
 Kecha Madriddagi ajoyib spektaklga guvoh bo'ldik. Qiziqarli to'qnashuvdan futbol ixlosmandlari ajoyib taasurotlarga ega bo'lishdi. Biz ham "Real Madrid" - "Galatasaroy" uchrashuvida harakat qilgan futbolchilarga baho berishga harakat qilamiz. D.LOPEZ - 7.0 . Kecha darvozabonimiz 2 vaziyatda jamoamiz joniga aro kirdi. Axir Ebu'e tomonidan tepilgan to'pni qaytarishda ko'pchilik darvozabonlar ojiz qolishi tabiiy edi. Kundan kunga sport formasini takomillashtirib borayotgan Lopezga qarshi raqobatda bo'lish Ikerga ham ancha qiyin bo'lishi oydinlashmoqda. COENTRAO - 7.0. Fabio kecha ajoyib harakat qildi, doimgidek Ronalduning o'rnida paydo bo'lib, hujumlarni rivojlantirdi. Lekin ba'zi hollarda Galatasaroy futbolchilarini o'z qanotidan qo'yib yubordi. Deyarli u ijrosida esda qolarli holatlar yuz bermadi. RAMOS - 6.5. Ramos haqiqiy yetakchi, Ikerni o'rnini bildirmaydigan o'yinchidir. Himoyada ajoyib harakat qilib, Drogba va Yilmazlarni "xizmat doirasidan tashqarida" qoldirdi. Ammo bir vaziyatda Burakni jarima maydoni ichida bosib o'tib ketdi. Bu vaziyatda Sven Moen penalti belgilashi mumkin edi, lekin bu vaziyatni ko'rmay qolgan arbitr Burakka simulyatsiya uchun sariq kartochka berdi. O'yin oxirlarida esa qiziqqonligi oqibatida o'zi ham sariq kartochka bilan siylandi hamda keyingi o'yinni tribunadan kuzatadigan bo'ldi. VARAN - 8.5. 19 yoshli yulduz o'zini ko'rsatishda davom etmoqda. Uning Drogba oyoqlari ostidagi to'pni o'ziga xos "podkad"i orqali olib qo'ygani hali ham ko'z o'ngimda. "Galatasaroy" hujumchilariga umuman "non qoldirmadi". Rafadan butun Madridistlar mamnun. Har kim ham kimsan Pepeni zahiraga o'tkazib qo'ya olmaydi, lekin Varan bu ishni uddalay oldi. Balli Rafael. ESSEN - 7.5. U universal, istalgan pozitsiyada o'ynay oladi. Maur Essendan Arbeloaga haqiqiy raqobatchini yarata oldi. U kecha juda yaxshi o'ynadi. Snayder oyoqlari orasidan to'pni ohista olib o'tishini ispan tv mutahassislari zavq bilan bir necha marta takror ko'rsatdi. Bitta golga assistentlik qildi. X.ALONSO - 6.5. Markazni Xedira bilan o'z nazoratiga ola bildi. Galatasaroyning ba'zi hujumlarini maydon markazidayoq " buzib" tashlayverdi. Iguainning goliga hammualliflik qildi, sariq kartochka ham ishlab oldi. Natijada, Turkiyadagi o'yinda u Ramos bilan yonma yon o'tirishadigan bo'ldi. HEDIRA - 7.5. Bugun tug'ilgan kunini nishonlayotgan bu tunislik yigitga ushbu g'alaba jamoadoshlari tomonidan berilgan eng ajoyib sovg'a bo'ldi, adashmasam. Doimgidek qora mehnatdan qochmaydigan yigit o'z ishini a'lo bahoga bajardi. DI MARIA - 5.5. Dimariya doimgidek o'ng qanotda juda faol o'ynadi, bir vaziyatda Xabining to'p oshirishini kuchliroq zarba bilan yakunlaganida tabloda uning ismi ham yonib turardi. To'p bilan Galatasaroyning 2-3 o'yinchisini "ko'rdim demay" aldab o'tyapti, ammo oxirida to'p oshirishda noaniq harakat qilmoqda. Bugungi kunda jamoamizda undan yaxshiroq o'ng qanon yarim himoyachisi yo'q ekanligini isbotlashda davom etmoqda. OZIL - 7.5. O'zil haqiqiy "zargar". Ko'z tegmasin. Jismoniy jihatdan ham ancha kuchaygani o'yini davomida bilinmoqda, bitta golli uzatmani oshirdi, o'zi ham darvozaga zarba berib ko'rdi. Haqiqiy maestro ! RONALDO - 7.5. 9-o'yinining 9- daqiqasida o'zining musobaqadagi 9 golini urib 9 ballga loyiqligini isbotladi. U kecha gol urish uchun juda ko'p harakat qildi, hujumlarda ochilib turdi. Ko'p hollarda jamoadoshlari to'pni unga uzatmay, Ronalduni to'psiz qoldirishdi. 2-3 marta Muslera darvozasiga havfli zarbalar yo'llab turdi. BENZEMA - 7.5. Kecha u o'zini hujumchi ekanligini eslab qolib gol urdi... Raqib jamoa to'pni egallagandan so'ng pressinglarda ishtirok etdi, juda faol harakat qildi, lekin madridistlar uchun bu kamdek. HIGUAIN - 6.0. Ikkinchi taymda maydonga tushib gol urdi, yashshavor Pipita. MODRIC - doimgidek Ozil o'rniga maydonga tushib, o'yinga faol kirishib keta oldi va darvozaga zarba ham berdi. Bu vaziyatda Muslera o'z o'rnida edi. PEPE 5.0 - kecha markazga yaqin joyda harakat qilib, himoyaga ham yordam berib turdi. O'yin qahramoni: Varan Har bir o'yinchiga 10 baldan bersa ham arzirdi. Ajoyib o'yin va g'alaba uchun jamoamiz o'yinchilariga tashakkur aytmoqchiman. Omad siz-u bizni va jamoamizni aslo tark etmasin. JAMSHIDSHOH | |
|
| |
| Barcha fiklar: 13 | ||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 12 RO'YXATDAN O'TMAGAN FOYDALANUVCHILAR: 12 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||
0
