Asosiy » 2013 Aprel 2 » Real Madrid - Galatasaroy. Prevyu
16:53 Real Madrid - Galatasaroy. Prevyu | |
 Barchamizning diqqatimiz markazida turgan musobaqa qizg'in pallaga kirmoqda. Bugun tunda Yevropa Chempionlar Ligasi 1/4 final bosqichidan o'rin olgan ikki o'yin: PSJ - Barselona hamda Bavariya - Yuventus o'yinlari bo'lib o'tadi. Bu bahslar ham biz madridistlarni bee'tibor qoldirmasligi tabiiy. Jamoamiz esa ertaga bahslarga kirishadi. Raqimiz Yevropa klublari orasida o'ziga xos mavqega ega bo'lgan, ushbu bosqichga yetib kelgan jamoalar orasida eng kuchsizi deb e'tirof etilayotgan "kamtargina" Galatasaroydir. Bu bahs ikki jamoa o'rtasidagi to'qnashuv bilan cheklanib qolmaydi, balki eski qadrdon tanishlar to'qnashuvi hamdir: Real - Snayder, Mauriniyo - Snayder, Mauriniyo - Drogba, Real - H. Oltintop. JAMOALAR. Real Madrid: Chempionat doirasida jamoamiz oxirgi turni Saragozaga qarshi mehmonda to'p surib kutilmagan natija, durangni qayd etdi. Ushbu o'yinda Maur ko'pchilik futbolchilarga dam berib, Galatasaroyga qarshi o'yinga saqladi desak mubolag'a bo'lmaydi. Futbolchilarning kayfiyati esa oxirgi turda durrang qayd etilgan bo'lsa ham ajoyib tarzda. Galatasaroy: jamoa Turkiya chempionatida so'ngi turda Istanbul BSB jamoasini o'z maydonlariga qabul qilib, 2:0 hisobida g'alaba qozonishdi. Demak turk klubi Madridga ajoyib kayfiyatda tashrif buyirishmoqda. MURABBIYLAR. Joze Mauriniyo: murabbiyimiz haqida mish- mishlar ayni damda matbuotda "bolalagan" desak ham bo'laveradi. Chunki har kungi xabarlarda Maurni Realdan Chelsiga, MSga, PSJga, Interga o'tkazib, shartnoma imzolatib qo'yishmoqda. Joze esa Madridda baxtiyor ekanligini hech yashirmayapti. Ertangi o'yinda albatta benazir tomonidan ishlab chiqilgan sxemalar asosida jamoamiz o'yin ko'rsatishadi. ChL dagi qolgan barcha o'yinlarda g'alaba qozonish chempionatda imkoniyati qolmagan jamoamiz va mish mishlarga chek qo'yish uchun "mister"ga juda muhimdir. Fotix Terem. Galatasaroyni bir necha yil oldin o'rtamiyona jamoalar ichidan yana yetakchi klublar qatoriga qo'shgan mutahassisdir. Uning qo'l ostida jamoa ajoyib o'yinlar namoyish etib, bir qator sovrinlarni yutib oldi. Galatasaroyni ushbu bosqichga yetib kelishida ushbu mutahassisning o'rni juda kattadir. O'z interyularida mag'lubiyatga uchramaydigan jamoalar yuqligini bir necha bor ta'kidlagan. RONALDU - B. YILMAZ. Ertangi bahsda e'tiborni katta qismi ushbu ikki futbolchiga qaratilishi tabiiy. Ikki bombardirni hisobida ChL bahslarida 8 tadan gol bor. Demak ertaga ular tomonidan uriladigan gol(lar) ularning birini to'purarlar bahsida oldingi olib chiqadi.(agar Messi bugun tun 1 tadan ortiq gol ura olmasa.). Bu bahsda albatta Cr7 ga omad tilaymiz. JAMOALARNING CHL DAGI O'YINLARI. Real: jamoamiz ChL dagi 8 ta o'yinda 4 ta g'alaba, 3 durrang va 1 mag'lubiyatni qayd etgan. To'plar nisbati: 18-11. Ko'rib turganizdek, yuqoridagi natija bizning jamoaga hos bo'lmagan natijadir, lekin jamoalar nomlari birma bir sanalganda buning aksini ko'rishimiz mumkin. Eslasangiz, birgina mag'lubiyatni jamoamiz Germaniyada, Borussiyadan qabul qilib olgan. Galatasaroy: jamoa 8 ta o'yinda 4 g'alaba, 2 durrang, 2 mag'lubiyat natijalarini qayd etgan. To'plar nisbati: 11:9. Urilgan 11 ta goldan 8 tasiga Yilmaz mualliflik qilgan. U to'p kiritgan o'yinlarda jamoasi mag'lubiyat nima ekanligini bilmayapti. Demak, ertaga jamoamiz Burakka to'p kiritishga imkon bermasligi kerak. BUKMEKRLAR. Bukmekrlar ushbu bavs favoriti sifatida jamoamizni tilga olishmoqda. 10 bet 1.15=8.00=16.75 bet-at-home 1.15=7.50=14.00 titan 1.14=8.50=17.00 pinnacle 1.17=8.90=19.65 unibet 1.14=8.50=18.00. IMKONIYATLAR. Real Madrid 75:25 Galatasaroy. Jamoamizning 10- ChL kubogi uchun bo'lgan intilishlari, hohishlari hamda jamoalarning imkoniyatlari va saviyalari yuqorida belgilan imkoniyatni keltirib chiqarmoqda. Ammo barchasi maydonda hal bo'ladi. OXIRGI O'YINI. 2011.08.25. Real 2:1 Galatasaroy. Gollar: RAMOS, Benzima - Selchuk Inan. Ushbu o'rtoqlik bahsi bundan 2 yil oldin Madridda bo'lib o'tgandi va unda jamoamiz g'alaba qozongandi. HAKAMLAR. Ushbu bahsni Norvegiyalik Sven Moen boshqarib boradi. U xalqaro maydonlarda unchalik shuxrat qozonmagan, lekin jamoamiz o'tkan yilgi mavsumda bitta o'yinini boshqarib borgan, unda jamoamiz 0:1 hisobda g'alaba qozonishgan. JAMOAMIZNING TAXMINIY TARKIBI: D.Lopes= Koentrau, Ramos, Varan, Arbeloa= Alonso, Xedira= Ronaldu, O'zil, Di Mariya= Higuain. Ushbu bahsda jamoamizdan ajoyib o'yin va g'alaba kutib qolamiz. Omad siz-u bizni hamda jamoamizni aslo tark etmasin. Hala MADRID! Manba: soccer.ru, championat.com hamda galatasaray.org saytlaridagi ma'lumotlar asosida tayyorlandi. JAMSHIDSHOH | |
|
| |
| Barcha fiklar: 24 | 1 2 » | ||||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 11 RO'YXATDAN O'TMAGAN FOYDALANUVCHILAR: 11 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||||||
0
