14:37 Kamaslik Fir'avn
Futbolchilarimizni tanishtirib boruvchi loyihamiz davom etadi. Bu loyiha bir qancha vaqt davomida chiqarilmadi, bu holat uchun siz madridistlardan uzr suragan holda bugungi qahramonimiz bilan tanishing - KAMASLIK FIR'AVN. To'liq ismi :Sergio Ramos García. Tavallud sanasi: 20-mart, 1986 (27 yoshda). Tavvalud joyi: Kamas, Sevilya, Ispaniya. Bo'yi: 184 sm, vazni 81 kg. Laqabi: Tarzan Ramos, Bo'ri, Kentavr, Kamaslik Fir'avn. Ampluasi: himoyachi Serxio Ramos Garsia (isp. Sergio Ramos García; Kamas, Sevilya, Ispaniya) — ispaniyalik futbolchi, Real Madrid C.F. jamoasi va Ispaniya milliy terma jamoasi himoyachisi. Faoliyati Serxio 14 yoshida Sevilya jamoasining ko’rigidan o’tdi va o’shanda o’zini yaxshi ko’rsatdi. Tez oradan klubning yoshlar jamoasida o’ynashni boshladi. 2002/03 mavsumda Ispaniya chempionatining ikkinchi divizionida ishtirok etayotgan Sevilyaning rezerv jamoasida bitta o’yin o’tkazdi. 2003/04 mavsumda Ramos zahira jamoasida 25 ta o’yin o’tkazib, bitta gol urgan holda jamoaning asosiy o’yinchisiga aylandi. 2004-yilning boshida o'sha vaqtdagi Sevilyaning murabbiyi Xoakin Kaparros Ramosni asosiy jamoaning tarkibiga qo’shdi. 2004-yil 1 fevralda Ramos Primeradada Deportivo jamoasiga qarshi debyut o'yinini o'tkazdi. O'sha yilning yozida Ispaniya yoshlar terma jamoasi bilan 19 yoshdan katta bo'lmaganlar o'rtasidagi Yevropa chempionatining g'olibi bo'ldi. 2004/05 mavsumda Serxio Primerada 31 ta o'yin o'tkazdi va 2 ta golning muallifiga aylandi. Shuningdek, UEFA kubogi o'yinlarida ham o'ynadi. Mavsum oxiriga kelib, Serxio chempionatning kashfiyoti sifatida tan olindi. 2005-yil 26 martda Ramos Ispaniya terma jamoasining Xitoy terma jamoasi bilan kechgan uchrashuvida terma jamoadagi birinchi o'yinini o'tkazdi. U 18 yoshda edi va Ispaniya terma jamoasida o'ynagan eng yosh o'yinchiga aylandi. Biroz muddatdan so'ng, 2006 yilgi Jahon chempionati saralash bahsidagi Serbiya va Chernogoriya bilan bo'lgan o'yinga asosiy tarkibga kiritildi. O'sha vaqtdan buyon u Luis Aragones jamoasining asosiy himoyachisiga aylandi. 2005-yilning yozida madridning "Real” jamoasi 27 million yevroga Ramosni xarid qildi. Barselona va Manchester Yunitedlar ham uni o'z tarkibida ko'rish istagida edi. JCh-2006 o'tganiga sal kam bir yildan bo'lganidan so'ng, Serxio "Real” tarkibida faoliyatidagi birinchi katta titul, Ispaniya chempionligini qo'lga kiritdi. Yevro-2008ning saralash bahslarida 12 o'yindan 11 tasida ishtirok etdi va 2 ta gol urishga muvaffaq bo'ldi. Mazkur turnirning g'olibiga aylanib, Ispaniya terma jamoasi bilan Yevropa chempioni unvoniga sazovor bo'ldi. 2010-yilgi Jahon chempionatida ham jamoasining har bir o'yiniga tushib, jamoadoshlariga yordam berdi. Finalda Gollandiya bilan 1:0 hisobida g'alaba qozonib, Ispaniya tarixida birinchi bora Jahon chempioni nomiga sazovor bo'ldi. Serxio esamusobaqaning ramziy terma jamoasiga kiritildi. 2011-yil 17-mayida "Real” bilan shartnomasini 2017-yilgacha, yiliga 4.5 million yevro maosh bilan uzaytirdi . 2012-yil 7 yanvarida Ramos o'zining Ispaniya chempionatidagi 250-chi uchrashuvini o'tkazdi. Shaxsiy hayot Serxio Ramosning qallig'i: Telecino telekanalining reportyori Lara Alvarez hisoblanadi. O'yin uslubi Ramos har xil pozitsiyalarda yaxshi o'ynay oladi. "Real” murabbiylari ham uni bu xususiyatidan ko'plab foydalanashiadi. Masalan, ba'zi o'yinlarda u tayanch yarim himoyachi vazifasini bajargan. So'nggi vaqtlarda Ramos markaziy himoyada o’ynayapti. Davom etayotgan mavsumda ajoyib harakat qilayotagan Ramos ba'zi hollarda o'yin qahramoniga aylanmoqda: Selta bilan o'yinda hakamni haqorat qilishi oqibatida 4 o'yinga deskvalifikatsiya, Rayoga qarshi o'yinda esa 60 soniya ichida 2 ta sariq kartochka olishi. Bu holatlar uni qiziqqon futbolchi ekanligidan dalolatdir. Hozirgi kunda jamoa sardori hisoblanadi va maydonda sardorlarga hos harakatlarni amalga oshirmoqda: oxirgi el klassikodagi goli bunga yaqqol misol. Ramos Seviliya tarkibida 2004-05 yillarda 39 ta o'yinda o'ynab 2 ta gol urgan, Real tarkibida esa 252 ta o'yinga maydonga tushib 32 ta gol urgan. Terma jamoa safida 99 o'yinda maydonda harakat qilib 8 ta gol muallifiga aylangan. Erishgan natijalari Yevropa chempioni: 2008, 2012 Jahon chempioni: 2010 Ispaniya chempioni: 2006/07, 2007/08, 2011/12 Ispaniya kubogi: 2010/11 Ispaniya superkubogi sohibi: 2008, 2012 19 yoshgacha Yevropa chempioni:2004 SHAXSIY. La Liganing yil kashfiyoti : 2005 Yevropa sport jurnallari ramziy jamoasi: 2007/08, 2011/12 FIFA World XI: 2008, 2011, 2012 UEFA Yilning ramziy jamoasi: 2008 FIFA Jahon Chempionati 2010: Castrol Index g'olibi. FIFA Jahon chempionati yulduzlar jamoasi:2010 UEFA Yevro 2012: Castrol EDGE Index g'olibi. UEFA Evropa turniri ramziy jamoasi: 2012 JAMSHIDSHOH
1 2 3 4 5 Toifa: Futbolchilar \| Ko'rilgan: 869 \| Qo'shdi: JAMSHIDSHOH \| O'rnlar: 2.3/3