Asosiy » 2013 Mart 11 » O'YIN TAHLILI, "CELTA" 1-2 "REAL"
09:54 O'YIN TAHLILI, "CELTA" 1-2 "REAL" | |
 Vigoliklar ustidan qozonilgan irodali g'alaba bilan barchani qutlaymiz! Biz uchun oxirgi ikki hafta omadli kechmoqda. Shu an'ana davom etaversin. Madridning "Atletico"si kechagi uy o'yinida sansebastianliklarga imkoniyatni boy bergach biz uchun uzoq kutilgan 2-pog'ona qo'lga kiritildi. Endi "Celta"ga qarshi futbolchilarning o'yiniga izoh beramiz. Oldindan shuni aytish mumkinki, Qirollik klubida charchoq alomatlari sezildi va bu boshqalarga ham ta'sir etgandek tuyuldi. Lopez. Bu darvozabon Iker bilan raqobatga kirishgan shekilli. Mazkur turda ham u o'zini yuqori darajada namoyon etdi. O'yinning 1'dayoq u jamoasini qutqardi, 10'da ketma-ket raqibni shiddatli zarbasini bartaraf eta oldi. Faqatgina 68'da to'pga chiqishda xato qildi va vaziyat tezda to'g'irlangach jamoadoshlaridan uzr so'radi. Albiol. U bilan bir juft esda qolarli voqea bo'ldi: birida 42'da taktik jihatdan raqib hujumini to'xtatdi, ikkinchisida esa yuqorida 68'da Lopez qilgan xatoni tuzatib, darvoza dahlsizligini saqlab qoldi. Essien. Michel universal o'yinchiga aylanmoqda. U faqat hujumda va darvozada to'p surmadi xolos. Bu turda u o'ng qanot himoyasiga egalik qildi, aytish mumkinki, o'zini yaxshi his etgan holda, bu qanotlardan hujumlarni kamaytirib bordi. Pepe. Bilasizmi, u maydonda har bir o'yinda yaxshi o'ynaydi, o'zini o'tga-cho'qqa uradi, ammo ko'pincha omadsizlikka duchor bo'ladi. Bu odat "Celta" bilan ham sodir bo'ldi. 63'da raqib to'purari Aspasia tepgan to'p Pepega tekkan holda darvoza to'ridan joy topdi. Aspasia 10-golini Madridga kiritgan holda eslaydigan bo'ldi. Marcelo. Kim qanday fikrda bilmadigu, lekin mazkur o'yinda chap qanot himoyachida o'sish ko'rdik, u tezligi va texnikasini ancha tiklamoqda, lekin to'la emas. Ayniqsa uchrashuv boshida namoyish etgan brazilcha texnikalari bizni quvontirdi, hujumda ham ishtirok etdi. Imkon boricha u mas'uliyat bilan harakatda bo'ldi, axir u sardor sifatida jamoasini boshlab tushgan edi. Raqib darvozasi tomon katta xavf ham solib turdi, shunday davom et Marcelo! Callejon. Qani klassikoda ajoyib o'yin o'tkazgan Jose? - Yo'q. Yana avvalgi holatiga qaytdi-qo'ydi. 42' birga-bir holatni yo'qqa chiqardi. Ancha harakatchan, biroq u jamoaga naf bermasa bir pulga qimmat. Nima derdik? O'z ustida ishlasin. Khedira. Tayanch yarim himoya egasi o'z vazifasini bajardi, lekin Mourinho unda charchoq alomatlirini sezgacha, Samini qiynashni istamadi. 2-bo'limda o'zgartirildi. Yomonmas Sami, hujumda ham yaxshi ishtirok etdi, hatto zarba ham berdi, faqat darvozabongina Vigoni qutqarib qoldi. Modric. Xorvat xavbeki hujum chizig'ini to'p bilan to'ldirib borishga harakat qildi. Shuni tan olish kerakki, vigoliklar o'yinda yuqori himoyalanish namoyish etdi. 1-bo'lim yarmiga qadar 8 ta sun'iy o'yindan tashqari holat hujumlarni chippakcha chiqardi. Ozil. Noodatiy tarzda Mesut murabbiy xohshi bilan 90' maydonda to'p surdi va shuning uchun o'yin oxirida ancha holsilandi. Kurashlar davomida Mesut o'z texnikasini ko'rsatdi, bir qancha hujumiy uzatmalar yaratdi. Ronaldo. Ko'p hollarda maydon egalari uni quvlamasdan, o'yindan tashqari holatga qoldirishga erishishdi. Lekin baribir o'z hisobiga dubl yozib qo'ydi. Endi uning hisobida La ligada 26 ta, jamia musobaqalarda 42 ta goli bor. U 1-bo'limda o'z imkoniyatini Benzemaga tuxfa etishni istagandi, ammo uzatmasi omadsiz chiqdi. 41'da bosh bilan bergan zarbasi darvoza to'siniga tegdi. Benzema. Bir yil oldingi 30 ga yaqin gol urgan Karim qayoqda qoldi ekan? O'yinda davomida uning texnikasi pand berdi, to'pni his etish, hujumni oldindan sezish qobiliyati nihoyatda pasaygan. 45, 55 va 59'larda bergan zarbasi o'shamadi. Higuain. Gonzalo ham bu mavsum u qadar yaxshi o'yin boshlay olmadi, lekin oxirgi bahslarda u tobora o'zini yuqoriga o'stira bormoqda. 66'da Karimning o'rniga tushib, hujum chizig'ini baquvvatlashtira oldi. Agar 86' va qo'shimcha vaqtda yakkama-yakka holatda to'p kiritsa, nur ustiga a'lo nur bo'lardi. Bu yerda Pipito yaxshi o'ynadi, lekin "Celta" posboni undan ham zo'r o'ynagan edi. Kaka'. Mourinhoning ishonchini oqladi. Maydon bo'ylab nozik uzatmalar bera boshladi. Uning mehnati evaziga penalti ishlandi va "Real" hisobni oshirdi. Afsuski hakam qo'shib bergan vaziyatda 3 futbolchini chalg'itib, jarima maydonchasiga yorib kirgandan so'ng bergan zarbasi gol bo'lganda, haftaning eng chiroyli gollarinda biriga aylanardi. Alonso. Sami bilan ikkinchi bo'limda joy almashdi. Bundan maqsad Jose ikki markaziy devorni jismonan me'yorda saqlash bo'ldi. Xabi 2-bo'limni kuchaytirdi, uzatmalar amalga oshirdi va albatta o'rta chiziqni ushlash bilan sezilarli darajadi "Celta" hujumini qaytarib turdi. Hakam Javier Estrada o'yinni buzishni istamadi va "Real"dan 1 ta, "Celta"dan 2 ta futbolchiga sariq kartochka ko'rsatdi. O'yin qahramoni: shubhasiz bu nomga Vigo posboni J.Varas munosib, u kamida 7-8 ta golli vaziyatni yo'qqa chiqardi. O'yin omadsizi: bu borada yaqqol da'vogar topa olmadik, nisbatan K.Benzemani joylashtirishga qaror qildik. RM_CRISHTU_7 | |
|
| |
| Barcha fiklar: 13 | ||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 84 RO'YXATDAN O'TMAGAN FOYDALANUVCHILAR: 84 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||
0
