2002-yilda 16 yoshli Luka Modrich zagrebning „Dinamo" jamoasi bilan shartnoma imzoladi. Ammo yoshlar tarkibida bir mavsum toʻp surganidan soʻng, „Zrinski" jamoasiga ijaraga berib yuborildi. Luka u yerda oʻzining iqtidorini tezda namoyish etdi va 18 yoshida Bosniya premyer ligasining eng yaxshi oʻyinchisi nomini qoʻlga kiritdi. Keyingi yili u yana boshqa bir jamoaga, xorvatiyaning „Inter Zapreshich" jamoasiga ijara berildi. U yerda esa u „Xorvatiya futbolining umidi" nomiga ega boʻldi. 2005-yili „Dinamo"ga qaytgach, Modrich jamoa bilan tuzgan shartnomasini 2015-yilgacha uzaytirdi.

2008-yil 26-aprelda Modrich anglyaning „Tottenxem Hotspur" jamoasi bilan oldindan kelishuvga erishdi, jamoaga qoʻshilguncha u tibbiy koʻrikdan oʻtishi va Buyuk Britaniyada ishlash uchun ruxsatnoma olishi kerak edi. Shartnoma 6 yilga moʻljallangan boʻlib, transfer summasi 16,5 mln. funt sterlingni tashkil etdi. Bu transfer summasi jamoa uchun rekord boʻldi, undan oldin rekord summa 2007-yilda harid qilingan Darren Bent transferiga tegishli edi.

2012-yil 27-avgustda Modrich madridning „Real" jamoasi bilan 5 yilga shartnoma imzoladi. Ispaniya jamoasi xorvat uchun 35 mln. funt sterling toʻladi. U Real tarkibida 19 raqamli maykada toʻp suradigan boʻldi. Luka „Real" safidagi debyutini 29-avgustda jamoaning azaliy raqibi boʻlgan Barselonaga qarshi kechgan Ispaniya superkubogi musobaqasi uchrashuvida oʻtkazdi. Oʻyin 2:1 hisobida „Real" foydasiga hal boʻldi va Luka kelganiga ikki kun boʻlganiga qaramay, Ispaniya superkubogi sohibi boʻlishga erishdi. Chempionlar ligasidagi birinchi uchrashuvi 18-sentabrda Manchester Sitiga qarshi kechdi. Luka oʻzining birinchi golini 2012-yil 3-noyabrda „Real Saragosa"ga qarshi kechgan uchrashuvda kiritishga muvaffaq boʻldi. Ushbu oʻyinda yana bir jamoaning yangi aʼzosi Maykl Essien ham oʻzining birinchi golini nishonladi. Oʻyin natijasiga koʻra, „Real Madrid" 4:0 hisobida gʻalaba qozondi.

Terma jamoadagi faoliyati

Luka Modrich Xorvatiya terma jamoasidagi o'zi debyutini 2006-yil 1-martda Shveysariyaning Bazel shahrida Argentina terma jamoasiga qarshi kechgan uchrashuvida o'tkazdi. 2008-yili Luka Xorvatiyaning yil o'yinchisi deb tan olindi. 2011-yil 11-oktabrda o'zining terma jamoa safidagi 50-nchi uchrashuvini o'tkazdi.

Erishgan natijalari

Jamoalardagi

• Yevropa chempionati ramziy terma jamoasi: 2008
• Xorvatiya chempioni: 2006, 2007
• Xorvatiya superkubogi sohibi: 2006
• Xorvatiya kubogi sohibi: 2007
• Ispaniya superkubogi sohibi: 2012

Shahsiy

• Bosniya birinchi ligasi yil o'yinchisi: 2003
• Xorvatiya futboli umidi (yillar bo'yicha): 2004
• Xorvatiya birinchi ligasi yil o'yinchisi: 2008
• Tottenham Hotspur jamoasi mavsum o'yinchisi: 2010/11

Wikipedia.org saytidan foydalangan holda Chamartin (Zafarjon) tayyorladi.