19:18 Klassik futbol: 3-qism. Gigantlar to'qnashuvi.
Bugun tunda futbol qirollari yana to'qnashmoqda. Ha, bu o'yinni butun dunyo tomosha qilishadi. O'yinga bo'lgan qiziqish jahon chempionatlari finaliga bo'lgan qiziqishlardan aslo kam emas. ChL finali oldidan final nomini olga ushbu bahsda MU vs REAL MADRID, FERGUSSON vs MAURINIYO, RONALDO vs "Old trafford"dagi muxlislar to'qnashishadi. Bu bahsda favorit yo'q, g'olib esa finalgacha borish ehtimoli yuqoridir. JAMOALAR. "MU" so'ngi 20 yillikda bir xil tempda o'ynab kelayotgan dunyodagi eng kuchli jamoalardan biridir. Hujumlari juda ham shiddatli tus olgan bu jamoa hozirgi kunda primer ligada 1-o'rinni egallab, "Man.City" dan 12 ochko ilgarilab ketgan hamda chempionat tugashiga 10-tur qolganida qizil iblislarning chempion bo'lishiga hech kim shubhalanmayapti. Chempionat doirasidagi 28-turda MU Norvichni "Orzular teatri"da yirik hisobda mag'lub etib, ChL 1/16 bosqichiga a'lo kayfiyatda yetib kelmoqda. "REAL MADRID" Jamoamiz haqida ko'p va ho'p yozishimiz mumkin. Realni Barselona ustidan 2 marta ketma ket g'alaba qozonishi futbolchilarimizning kayfiyatini a'lo darajaga ko'tarib yuborgani shubhasiz. Ular ham shu kayfiyatda Manchesterga tashrif buyirishdi. MURABBIYLAR. Bu bahsda dunyoning eng kuchli murabbiylari to'qnash kelishadi. FERGUSSON. Fergi amakini bugungi o'yinda tuzib qo'ygan yashirin taktikalari bahs davomida namoyon bo'ladi. U haqiqiy tirik afsona, murabbiylar uchun haqiqiy namuna. O'yin davomida jamoamiz o'yinchilari, ayniqsa CR7 ni qanday to'xtatish kerakligini matbuot anjumanida qayta qayta takrorladi. O'yinda Fergi amakining tajribasi ham asqotishi mumkin. MOURINIYO. U haqiqiy strateg, psixolog. Bu hususiyatlarini u Barsa bilan bo'lgan 2 o'yinda to'la to'kis ko'rsatib bera oldi. Uning 3 davlat jamoalari bilan ChLni yutib olishga bo'lgan, hamda jamoamizni 10-chl kubogini qo'lga kiritishdagi ishtiyoqi o'yin shiddatiga o'z ta'sirini o'tkazishi tabiiy. U interyularida Manchesterga faqat g'alaba uchun kelganligini aytib o'tdi va biz ham jamoamiz g'alabasiga ishonib qolamiz. TAXMINIY TARKIBLAR. MU: 1-4-2-3-1. DiXea, Evra, Vidich, Ferdinan, Rafael, Kleverly, Kerrik, Kagava, Runi, Valensiya, Van Persi. "Man.Utd" bugungi o'yinda sifatli himoyaga etibor berib, ko'proq qarshi hujumdan foydalanishi mumkin. "Real Madrid": 1-4-2-3-1. Lopez, Koentrau, Varan, Ramos, Arbeloa, Xedira, Alonso, Ronaldu, O'zil, Dimariya, Higuain. Bugun bahsda jamoamiz doimiy taktikasidan foydalanishi ehtimoli yuqori. Chunki "Man.Utd" Old Traffordda, muxlislar qarshisida himoyaviy o'yin ko'rsatish ehtimoli juda past. Ronaldo vs "Man.Utd". Albatta bugungi bahsda eng kup bosim albatta jamoamiz gol mashinasiga tushadi. Chunki u sobiq jamoasidan ketgandan beri birinchi marta sevimli muxlislari qarshisida "ORZULAR TEATRI"da maydonga tushadi. U haqiqiy profissional, nima qilish kerakligini yaxshi biladi. Ronaldu ushbu uyinda 10 yil oldin Ranoldo qayd etgan natijani takrorlashiga tilakdoshmiz. BUKMEKRLIK IDORALARI. Bu safargi bahsda bukmekrlar jamoamiz imkoniyatlarini yuqori baholashmoqda. Axir xalqimizda "Sutdan og'zi kuygan qatiqni ham puflab ichadi" degan ibora bor. BOSH HAKAM- Turkiyali Junayid Chaqir. Bahsni "Sport" Tv, "ntv+futbol", "ntv" jonli efirga uzatadi. Ushbu o'yinda albatta jamoamiz "Real Madrid"ga omad tilab, ajoyib ga'labani qo'lga kiritishini kutib qolamiz. Omad siz-u bizni hamda jamoamizni aslo tark etmasin. Soccer.ru saytidan foydalanildi. JAMSHID JABBOROV
1 2 3 4 5 Toifa: Chempionlar ligasi \| Ko'rilgan: 840 \| Qo'shdi: JAMSHIDSHOH \| O'rnlar: 5.0/1