Asosiy » 2013 Mart 2 » O'YINDAN KEYINGI TAHLIL
23:11 O'YINDAN KEYINGI TAHLIL | |
 Bizga ajoyib g'alabani taqdim etgan irodali "Real Madrid"ga minnatdorchilik bildiramiz. Bu - faqatgina FANTASTIKA! Endi futbolchilarimizni muhokama etamiz: Lopez. Darvozabonga odatda baho berish juda qiyin. Chunki posbon kamdan-kam holda o'yin taqdirini hal qiladi, to'g'rirog'i jamoasini himoya qiladi. Diego o'rta darajada maydonda namoyon bo'ldi. Faqatgina 18' da kiritilgan golda to'pni qaytarish mumkin bo'lgan vaziyatda dog'da qoldi. Varane. Bu yorqin yulduz yana gol urganda bormi... Lekin maydonda amalga oshirgan natijasi bundan kam emas: 17'da Messi, 49'da Pedro, 54'da yana Messi, 57' Villani to'xtatib qoldi, 72'da havodagi to'pni ilib ketdi. Eng yaxshi futbolchilardan biri aynan Rafa bo'ldi. Pepe. Bu beshavqat himoyachi oxirgi vaqtlarda bizni xayron qoldirmoqda, yaxshi ma'noda. Ilgarigidek keskinlik unda yo'q. Klassikoda shunday bo'ldi, tayanch nuqtani band etgan portugaliyalik to'p ustasi yuqori o'yin namoyish etdi. 41'da keskin xavfni qaytara oldi va ayniqsa Morataga hovadan uzatgan to'pi shedevr chiqdi, Iniestanikidan qolishmaydigan san'at asari. Ramos. Uchrashuv davomida unda negadir xotirjamlik yo'q va shu sabab xatolar qildi. Masalan uning aybi bilan gol o'tkazib yuborildi, 29'da raqibga bir-bir vaziyat uchun imkon berib, yana uni tuzatdi, 32'da to'pga xato tashlandi va 52'da sariq kartochka. Lekin va lekin uning barcha aybini kiritgan goli yuvib ketdi, chunki bu "El Clasico" edi. Bu uchrashuv har bir gol oltindan ham qimmatlidir. Barakalla sardor! Coentrao. Birinchi bo'limda juda faol bo'ldi. 15'da Pedro, 24'da ham xatarni bartaraf etishda uning hissani baland. Dastlabki daqiqalardan aynan uning oldida Ronaldoning yo'qligi ancha charchab qolishiga sabab bo'ldi va joyini bo'shatib berdi. Essien. Joze o'zgacha yurish qildi, Pepe yarim himoyada, Michel esa himoyada qoldi. Essien bilan bog'liq katta voqeliklar bo'lmadi, ammo tartibli o'yin ko'rsata oldi. Benzema. Haqiqatdan ham Karimning ishlari u qadar yaxshi emas. Hujumda tezkorlik yo'q, pala-partishlik tez-tez ko'zga tashlandi, shu sabab ikkinchi bo'limda almashtirildi. Faqat u kiritgan o'ta muhim gol butun Madrid xayrixohligiga sabab bo'ldi. Modric. Siz mavsumni kuzatib bormoqdasiz. Luca o'yini davomida faol, biroq foydasiz harakatlar amalga oshirardi. Bu o'yinda - klassikoda o'z darajasini tiklagandek bo'ldi. Ikkinchi golda assistentlik qildi. Aynan shu holatga e'tibor qilishi joiz, chunki Modric har 10 ta uzatmani kamida 8 tasini yetarli balandlikka ko'tara olmaydi. Bu o'yinda esa aksincha! Kaka'. Braziliyalik xavbekni o'zini ko'rsata olishini intizorlik bilan kutgandik. Futbolchi o'yin oldidan ham bu uning uchun muhim ahamiyat kasb etishini aytgandi. O'yini afsuski ochilmadi. Keyingi bahslarda yordam bera olishini kutamiz. Morata. Foydali yurish qilgan futbolchi tezkor ilk golda assistent bo'ldi. Ortdan nazar tashlasak, Alvaro o'yinga tushgan har bir uchrashuvida yo gol uradi yo assistent bo'ladi. Harakatlari biroz sekin bo'lsada, raqibga yaxshigina bosh og'riq bo'ldi. Callejon. Jose haqida necha marta tahlil kiritgan bo'lsak, birdek salbiy taassurot qoldirgandi. Klassikoda esa unga yuqori baho beramiz. Joze o'yin oldidan unga kuchli aqliy hujum qilgan ko'rinadi. Ayniqsa uning himoyadagi ishlari ancha yurishdi. 42'da Albani hujumda to'xtatdi, bir vaziyatda raqib himoyasini ham yorib o'tishga erishdi. Shu o'yiningni yo'qotma Jose. Khedira. Zaxiradan bu "Real" Alpomishining paydo bo'lishi katalonlarning o'rta chiziqdagi hukmronligiga barham berdi. Arbeloa. Zaxiradan maydonga tushib, jismoniy imkoniyatlarini ko'rsatdi. Garchi sariq kartochka ishlagan bo'lsada, raqib forvardi Alexisni yakkama-yakka vaziyatga chiqishini aqlan cheklab qo'ydi, boshqa iloj yo'q edi. Ronaldo. "inCR7ible"ning maydonga kirib kelishi, o'yindagi motorni teskari aylantirib yubordi. Sezdingizmi garchi raqibi Leo kutilmaganda gol ursada, ammo o'yinda kam ko'zga tashlandi. Ronining qadam qo'yishi bilan Leoni butkul o'yingohda yo'qotib qo'ydik. Xullas so'nggi ikki klassikoda Leo Ronaldoga munosib bo'la olmadi. Cristiano tomonida 3 ta jarima zarbasi, nafaqat raqibni, balki Madrid muhlislarini ham bir zum muzlatib qo'ydi. U - PROFESSIONAL! Hurmatli muhlis! Agar qarshi bo'lmasangiz o'yin qahramoni sifatida Jose Mourinhoni tanlasak! Klassikodagi g'alabalarda uning bosh rolda bo'lishi muhim ahamiyat kasb etdi deyish mumkin. Omadsiz futbolchi bu - butun bahs davomida "Barsa"ni qutqargan, qahramon bo'lishga yaqin turgan posbon V.Valdes. U jamoasini bir necha bor qutqardi, ammo penalti berilmagan vaziyatda qizil kartochka ishlab oldi, alam qilsa kerak. Penalti haqiqatdan ham bor edi, lekin bu raqibning jazosi bo'lganligini nasib qilsa ertangi maqolamizda tushuntirishga harakat qilamiz! RM_CRISHTU_7 | |
|
| |
| Barcha fiklar: 28 | 1 2 » | |||||||||||||||||||||||||||||||||||||||||||||||||||||||||||||||||||||||||
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 14 RO'YXATDAN O'TMAGAN FOYDALANUVCHILAR: 14 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||||
0
XAXAXAXAXAXA SHUNAQANGI MAZZA QIVOMANE LN BARSACHILANI NERVINCHIT QILIWINI KORIB BIR QOPAMAS 100 Qop semirib ketvomman
