Asosiy » 2013 Fevral 28 » MOURINHO NIMA UCHUN "BENAZIR"?
21:43 MOURINHO NIMA UCHUN "BENAZIR"? | |
 Joze Mariu dush Santush Mouriniyo Felish (portugalcha José Mário dos Santos Mourinho Félix) butun Yer yuzidagi insonlarning qiziqishiga sabab bo'lgan, qaysi jihatlari uchun. Yetuk murabbiyligi, ba'zilar uchun omadli ekanligi yoki barchaga mavhum qarorlar qabul qilishi bilanmi? Aniq javob aytish mumkin emas. Shunday bo'lsada "benazir" deya baholangan Joze haqida ba'zi hayotiy varaqlarni "titkilab" ko'ramiz. Joze futbol olamiga murabbiylik ilmini o'rganishga erta kirib keldi. Darvozabon, murabbiy Felix Mourinhoning o'gli otasidan 17 yoshdayoq murabbiylik sir-asrorlarini o'rgana boshladi. To'g'ri u katta futbolda bo'lmadi, katta klublar bilan ham ishlamadi, lekin uning buguni tub darajada o'zgarib ketdi. Bunga nima sabab? Hech nima, menimcha uning o'zi sababchi... Katta futbolga kirib kelishi "Benfica"dan yoshlar jamoasidan boshladi, Joze 1997-yil Ser Bobbi Robson "Barselona”ni boshqarganda Mour unga yordamchi bo'ldi. Hozirgacha Joze Robsondan ko'plab bilimlarni olganligini tan oladi. 2000-yil Ser "Newcastle” murabbiyligiga o’tgach assistentlikka Jozeni chorladi, ammo u rad etdi. Futbol olamida 2000-yilga kelibgina bosh murabbiy sifatida "Benfica" va "Lyeriya”da ish boshladi. "Benfica”da 3,5 oy ishladi, ammo klub prezidenti uni klubdan ketishini istadi, ishlaridan qoniqmadi, lekin prezident buni shunday izohlaydi "Joze Mourinhoni chetlatish futboldagi hayotimning eng katta xatosi”, -deydi. Umuman bugun uning murabbiylik davriga hali 13 yil bo'lgan ekan. Portugaliyada 1-yilda "Lyeriya” jamoasi 5-o'rinni egalladi, yomon yurish emasdi. Ikki yil o'tib Joze "Portu" kursisini egalladi va 3 yillik shartnoma imzoladi. Birinchi yilda mamlakat kubogi va UEFA kubogini yutib oldi, 2-yil esa Chempionat g'olibi va nufuzli Chempionlar ligasini maxf etdi. 3 yilda 4 ta kubok kim uchun chin, kim uchun hazil??? 2004-yil Joze yangi marralar uchun Angliyaga "Chelsea" boshqaruvini qo'lga oldi. Ulkan qat'iyat! Murabbiy foydali "tozalash" va qayta tiklanish amalga oshirdi. Qisqa fursatda London klubi qudratini namoyish eta boshladi. Natija ancha yuqori. Ikki yilda ikki bor Angliyada tengsiz bo'ldi. Kamlik qiladi deysizmi, adashasiz! 50 yil deganda qayta tiklangan bu unvon hazilakam muddat emas! 2004/05-yillardagi mavsumda turnirda 95 ochko bilan rekord o’rnatadi. Jozening bir jihatiga qoyil qolaman, bosh murabbiy bo'lsa-da o'z qarori uchun rahbariyat bilan "sen-men"ga borishga ham tayyor, amal yoki pul uchun "kamtarlik niqobi" unga yot. "Chelsea"da shunday bo'ldi. Klub xo'jayini Roman Abramovich bilan oradagi aloqa sovidi, Joze o'ylab ham o'tirmay "Inter"ga jo'nab qoldi. O'shanda Milan klubi ham TOP jamoa emasdi, balki kuchli 10 likka kirar... "Inter"da qo'lga kiritilgan yutuqlarni juda yaxshi bilasiz. Balki ko'pchilikni xabari yo'qdir, Joze italyan tilini o'rganish uchun kuniga naqd 5 soatdan dars olardi. Bu ancha og'ir yuklama, lekin til bilishi shuncha muhimmidi, ha albatta shunday! Joze aynan futbolchilarga to'g'ridan-to'g'ri fikrlari, qalbidagi hislarini tushuntirishni istardi, haqiqatdan ham u kuchli PSIXOLOG! U shu qadar o'yinchilar qalbiga yo'l topgandiki, ivuarlik hujumchi Didier Drogbaning aytishicha futbolchilar "... uning uchun oyoqlarini sindirishga ham tayyor edi". Joze "Inter"ni birinchi yildayoq Italiya chempioni qildi. U keyingi Italiya futboli tarixida birinchi bo'lib "trebl" qayd etdi, ya'ni uch kubok - chempionat kubogi, Italiya kubogi va Chempionlar ligasi kubogini yulqib ketdi. Chempionlar chempioni bo'lish 45 yil ichidagi birinchi g'alaba bo'ldi, tanaffus qariyb yarim asr-a! Yana bir statistika shuki, u bu ligani ikki klub bilan yutib olgan tarixdagi 3-shaxs hisoblanadi (Ernest Xeppel va Ottmar Xitsfelddan keyin). Bugun "Real" safida rekord o'rnatish uchun jon berib kurashmoqda. Bu borada unga xayrixohmiz! Ulkan yutuqlar FIFA tomonidan ham munosib ko'rildi, 2010-yil o'tgan mavsum uchun eng kuchli murabbiy sifatida tan olindi. 2010-yil 28-may kuni Mourinho shasht bilan "Real Madrid"ga tashrif buyurdi. Joze birinchi yildayoq "Real" 18 yil deganda sog'inchli Ispaniya kubogini jamoasi bilan yutib oldi. U 4 mamlakatda 4 kubokni qo'lga kiritgan tarixdagi yagona shaxsdir: Portugaliya, Angliya, Italiya va Ispaniya. Bundan tashqari u tarixga to'rtta boshqa klublar bilan Chempionlar ligasi yarim finaliga chiqqan yagona murabbiydir. 2012-yil 3-mayda "Real” 32-Ispaniya chempionligini qo’lga kiritdi. Bu mavsumda Madrid klubi chempionatda 38 o’yindan 32 tasini yutib olib 100 ochko to’pladi, bu ham bir rekordga aylandi. 2012/13-yillar mavsumni "Barselona”dan Super kubokni yutib olishdan boshladi, biroq mavsum u qadar omadli kechmadi, ayni paytda Qirollik klubi turnir jadvalida 3-o’rinda bormoqda. Bunga ikkita asosiy sabab bor: bulardan birinchisi asosiy futbolchilarning ketma-ket jarohati sababli "Real”ning o’yindagi qudrati va falsafasining oqsab qolishi, ikkinchisi esa Jozening qaysarona qarori. Barcha, xususan biz ham uni asosiy tarkibga Iker o’rnida Adan, Kaka’ o’rnida Callejonlarning maydonga tushirilishini atayib klubni orqaga tortish deya tushundik. Ammo bu ayrim futbolchilarimizning "Real”da Jozedan o’zlarini ustun bilganligiga javoban jazo, ham psixologik o’z ustida ishlashga majbur etdi. Bu qarorlardan keyin klub ochkolar yo’qotdi, lekin "yaxshi ot keyin chopadi” deganlaridek mavsumni ikkinchi yarmini ko’tarinki ruhda olib bormoqda. U klubga kim xo’jayin ekanligini isbotladi. Ushbu qaror futbolchilarni qo’lga olish uchun muhim bo’ldi. Hatto prezident Perez ham "qaysar”ga qarshilik qilmadi. Blankoslarning sobiq himoyachi Ivan Helguera yaqindagina "Jozening yuzlarida charchash va xorg’inlik bor…”, -degan edi. Negadir biz unda bu tuyg’ularni ilg’amadik, axir tabiatan Joze mukammal va juda jiddiy inson. Kubok doirasida "Barselona”ga qarshi javob uchrashuvi oldidan bukmekerlar va boshqa ko’pchilik mutaxassislar, katalon klubi a’zolari keyingi bosqichga "ko’k-anorranglilar” chiqishini dabdabali kuylay boshladilar. Lekin kamina o’yin oldidan Jozening bergan intervyusidan xayratlandim, u shunday dedi: "Keyingi bosqichga albatta biz chiqamiz!”. Qanday ishonch bu? Nimaga asoslandi? Bu yana bir psixologik zarba bo’lsa kerak, bu ishonch Madrid super klubiga ham o’ziga bo’lgan ishonchni qayta baxsh etgan bo’lsa neajab?! Ayni paytda "Real” Ispaniya kubogi finaliga "Atletico”ga qarshi to’p suradi, yana bir kubok yaqinlashmoqda, bu yog’iga bor e’tibor Chempionlar kubogini zabt etishdir. Quyida mulohazalarga yakun yasagan holda Joze Mourinho qayd etgan statistik ma’lumotlarni qisqacha keltiramiz: "Portu” Portugaliya chempionati g’olibligi: 2002/03, 2003/04 Portugaliya kubogi: 2002/03 Portugaliya Super kubogi: 2003 Chem ligasi: 2003 "Chelsea” Premer-liga g’olibligi: 2004/05, 2005/06 Angliya kubogi: 2006/07 Futbol ligasi kubogi: 2004/05, 2006/07 Angliya Super kubogi: 2005 "Inter Milan” Italiya chempionati g’olibligi: 2008/09, 2009/10 Italiya kubogi: 2009/10 Italiya Super kubogi: 2008 Chem ligasi: 2009/10 "Real Madrid” Ispaniya Primerosi g’olibligi: 2011/12 Ispaniya kubogi: 2010/11 Ispaniya Super kubogi: 2012 …. bu yog’i nasib endi yana 2 ta kubok yutadi. Shaxsiy ko’rsatkichlari: 2 bor Portugaliyada eng yaxshi murabbiy 2 bor Angliyada eng yaxshi 3 bor Angliyada oyning eng yaxshisi 2 bor Italiyada eng yaxshi 1 bor "Oltin kursi” sohibi 2 bor Migel Munioz mukofoti egasi 2 bor UEFAning yil murabbiyi 4 bor UEFAning eng yaxshi jamoasi 2 bor Yevropada eng yaxshi murabbiy 1 bor FIFAning yil murabbiyi 4 bor klubning eng yaxshi murabbiyi 3 bor "World Soccer Magazine” bo’yicha yilning eng yaxshisi 2 bor Xorijiy mamlakatda portugal bo’lgan eng yaxshi murabbiy 1 bor "BBC Sports Personality” bo’yicha eng yaxshi murabbiy 1 bor "La Gazzetta dello Sport”ning "Yil erkagi” 1 bor dunyoning "International Sports Press Association” bo’yicha eng yaxshisi 1 bor "Globe Soccer Awards” bo’yicha eng yaxshi murabbiy Xo’sh klublar bilan 13 yillik murabbiylikda 19 ta nufuzli kubok, 34 ta shaxsiy sovrinlar buyuk murabbiyning "benazir” deya atalishi uchun kamlik qiladimi??? Maqolamizni yuzingizda bir dam kulgi paydo bo'lishi uchun Jozening iborasini keltiraman: "Agar aqlli inson haqida gap ketsa, o'zim haqimda gapira boshlayman". JOZE "REAL" BILAN QOL! SEN BUNGA MUNOSIBSAN! Barchangizga va "Real Madridga" omad yor bo'lsin, kamchilik va xatolar bo'lsa oldindan uzr so'rayman! RM_CRISHTU_7 | |
|
| |
| Barcha fiklar: 27 | 1 2 » | ||||||||||||||||||||||||||||||||||||||||||||||||||||||||||||||||||||||||||
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 18 RO'YXATDAN O'TMAGAN FOYDALANUVCHILAR: 18 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||
0
