Asosiy » 2013 Fevral 28 » Zidan tuhfasi
19:27 Zidan tuhfasi | |
 Futbolchilarimizni tanishtirib boruvchi loyihamiz davom etadi. Bugungi qahramonimiz jamoamizdagi 2 raqam sohibi, Kataloniyani ko'z yoshlarga qoldirgan, bugungi OAVlarining nigohidagi bo'ydor "mitti yulduz" - Rafael Varandir. Shaxsiy ma'lumot. To'liq ismi: Raphael Varane Tavallud sanasi: 25-aprel, 1993 (19 yoshda) Tavvalud joyi: Lil, Fransiya. Bo'yi - 191 sm. Ampulasi - himoyachi. Joriy klub - Real Madrid. Raqami - 2. Rafael Varan (frans. Raphaël Varane; 25-aprel 1993, Lil, Fransiya) — fransiyalik futbolchi, Ispaniyaning "Real Madrid" jamoasi o'yinchisi. Markaziy himoya chizig'ida o'ynaydi, lekin u erkin himoyachi vatayanch yarim himoyachi chizig'ida ham o'ynay oladi. Fransiyaning yoshlar terma jamoasi safida to'p suradi. 2010-yil 6-noyabrda "Lans"ning asosiy jamoasiga "Monpelye" jamoasiga qarshi o'yinga chaqirildi. U hafta davomida jamoa bilan birgalikda mashg'ulot olib bordi va asosiy tarkibdagi markaziy himoyachi Allaydin Yaxya jarohat olganligi sababli Varan asosiy tarkibda maydonga tushdi. U o'sha o'yinda 90 daqiqa harakat qildi va jamoasi 2:0 hisobida g'alaba qozondi. Keyingi ikki "Marsel" va "Lil" bilan bo'lgan uchrashuvlarda Varan boshqa yosh o'yinchilar qatorida zahira o'rindig'ida o'tirishga majbur bo'ldi. "Real Madrid" tarkibida uchta yarim himoyachi bilan shartnoma imzolagandan so'ng, "Real Madrid" himoya chizig'ini ham kuchaytirish uchun yosh fransuz Rafael Varan bilan shartnoma imzoladi. 2011-yil 27-iyunda Varan „Real" bilan 6-yillik shartnoma imzoladi. 2011/12 mavsum Varan Ispaniya chempionatidagi debyutini "Rasing"ga qarshi kechgan o'yinda nishonladi. U 90 daqiqa harakat qildi va o'yin 0:0 hisobida tugadi. Keyingi "Rayo Valekano" bilan bo'lgan o'yinda ham Varan asosiy tarkibda maydonga tushib, 90 daqiqa harakat qildi va 67-daqiqada o'zining "Real" safidagi birinchi golini kiritdi. O'sha o'yin 6:2 natijasi bilan „Real" foydasiga hal bo'ldi. Ispaniya chempionatida u jami 9 ta o'yinda ishtirok etdi, 7 marta o'yinni to'liq o'tkazdi va 2 marta o'yinning o'rtalarida o'yinga tushdi. U birorta ham kartochka olmadi. Chempionlar ligasida Varan 4 ta o'yinda ishtirok etdi: 3 tasi guruh bosqichida va 1tasi yarim final o'yinida. Ispaniya kubogida Rafael jami 2 ta o'yinda maydonga tushib, bitta gol urishga muvaffaq bo'ldi. 2012/13 mavsumda Varan 2 raqam bilan boshladi. Uning bu mavsumdagi ilk o'yinlari La liga doirasida Deportivaga, ChLda esa Manchester Sitiga qarshi to'g'ri keldi hamda himoyada bexato o'ynadi. Oktyabr oyida jamoamizga paydo bo'lgan "jarohat sindromi" Varanni katta sahnaga chiqishiga zamin yaratdi. "Real"dagi barcha qanot himoyachilari jarohatlanganida Pepe bilan Rafa markaziy himoyadan, Ramos o'ngda qanotdan, Essiyen esa chap qanotdan joy olishdi. Shu ko'rinishda jamoamiz ChLda Borussiya D hamda laligada Malyorkaga qarshi harakat qildi. Varan barchaning ishonchini oqladi. Yanvar oyida Pepening safdan chiqishi Rafaelni "portlashiga" zamin yaratdi. Himoyaning markazidan muqim joy egalladi, hamda oxirgi 2 klassikoda 2 ta gol urib butun dunyo nigohini o'ziga tortdi (xorijiy saytlarga e'tibor bering). Terma jamoadagi faoliyati Varan 17 yoshgacha Fransiya terma jamoasiga chaqirilgan, lekin u rasmiy o'yinlarda ishtirok etmagan. 2010-yil 24- avgustda u 18 yoshgacha Fransiya terma jamoasi safida Daniya termasiga qarshi birinchi marta o'yinga tushdi. U o'zining debyut o'yinida o'z goli bilan jamoasiga yordam bera oldi. 2011-yil 3- fevralida u Fransiya yoshlar terma jamoasiga Slovakiya bilan bo'ladigan o'yin uchun tarkibga chaqirildi. U bu chaqiruvni o'zi uchun katta syurpiz bo'ldi deb izoh berib o'tdi. U slovaklarga qarshi o'yinda 90 daqiqa harakat qildi, o'yinning so'nggida fransuzlar 3:1 hisobida g'alaba qozonishdi. 21 yoshgacha Yevropa chempionati Varan 2013-yilda o'tadigan yoshlar o'rtasidagi Yevropa chempionati saralash bahslarida Latviya yoshlar terma jamoasiga qarshi kechgan uchrashuvda debyut qildi. Fransiya 3:0 hisobida g'alaba qozondi. Huddi shu hisob bilan Ruminiya yoshlar terma jamoasi ustidan g'alaba erishdi. Shuningdek, Varan mehmonda o'tgan Ruminiyaga qarshi kechgan uchrashuvda, Qozog'iston yoshlar terma jamoasi bilan o'tgan va Slovakiya yoshlar terma jamoasiga qarshi kechgan uchrashuvlarda ishtirok etdi. So'nggi o'yinda u gol urishga erishdi. Shundan so'ng, fransuzlar yana bir marta Latviya yoshlar termasini o'z maydonlarida yana 3:0 hisobida mag'lubiyatga uchratishdi. Birinchi terma jamoa 2012-yil 9-avgust kuni Varan Fransiya terma jamoasining Urugvay terma jamoasiga qarshi kechuvchi o'yinida qatnashadigan o'yinchilar ro'yxatiga birinchi marta qo'shildi. Bosh murabbiy Didye Deshamp Varan bilan birgalikda klubdoshi Karim Benzemani ham o'yin ro'yxatiga kiritgan edi. Varan... Haqiqatdan bu yigit noyob iqtidor sohibi. Ushbu iqtidori orqali butun dunyo nigohini o'ziga qarata oldi. Maydonda juda sovuqqon, tartibli o'yin ko'rsatuvchi bu tezkor yigitni jamoamizga olib kelgan Zidanga hamda rahbariyatga rahmat. Keyingi el-klassikolarda hamda super klassiko (MU-RM)da Rafadan hamda jamoamizdan ajoyib o'yin kutib qolamiz. Erishgan natijalari Jamoada. Ispaniya chempioni (1): 2011/12 Ispaniya superkubogi sohibi (1): 2012 Wikipedia.org saytidan foydalanib JAMSHID JABBOROV tayyorladi. | |
|
| |
| Barcha fiklar: 21 | ||||||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 19 RO'YXATDAN O'TMAGAN FOYDALANUVCHILAR: 19 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||||||||||
0
