Asosiy » 2013 Fevral 27 » BIR PIYOLA "BARSA" CHOY USTIDA
21:00 BIR PIYOLA "BARSA" CHOY USTIDA | |
 O'yinni deyarli barcha ko'rdi, ayrim sabablar tufayli uchrashuvni ko'rmaganlar ham internet orqali videoroliklarni ko'rishgandir. Aytish o'rinli, qaysiki, "Real Madrid" azaliy raqibiga qarshi biz juda sog'ingan o'yinni namoyish etdi, bu shunchaki g'aroyibotdek. Maqolaning nomini "Bir piyola "Barsa" choy ustida" deb nomlashda Kataloniya klubini pastga urmoqchi emasmiz, shunchaki "ko'k-anorranglilar"ning ayrim intervyulari va o'yinlari haqida so'z yuritish uchun antiqaroq nom o'ylab topdik. Madrid klubi ajoyib o'yindan so'ng safarda, 90000 kishidan ortiq ulkan bosim orasidan g'alabani yulib ketdi. E'tibor qildingiz, Pique 12'da Ronaldoga nisbatan qo'pollik ishlatganda, katalonlar buni hazm qila olishmadi, vaziyatni simuliyastsiya sifatida baholadilar, bir pas tortishuvlar yuzaga keldi, kamiga Ronaldoning yiqilganida raqiblar uning qo'l bilan o'ynaganini ko'rsatishdi. Malyenko hakamligidagi o'yin jamoamiz uchun ancha omadli, faqat 1 ta mag'lubiyatni hisobga olmasak. Biz hakamlar brigadasidan mamnunmiz, agar haqqoniy penalti belgilanmaganda bormi, o'yin boshqacha kechishi mumkin edi, tezkor gol, "Real"ning ichki dvigatelini maksimal darajada ishga tushirib yubordi. CR7 penalti tepayotganda mezbon muhlislarining xayqirig'idan menman degan futbolchi ham fikrlarini bir joyiga yig'a olmasa kerak, TV ortida turib bu ovozlar, xushtaklardan inson xayiqadi, Ronaldochi, albatta yo'q, juda sovuqqonlik va ishonch bilan kiritilgan gol! Qirollik klubi nomiga yarasha mudofaa barpo etdi, odatiy bo'lganidek qarshi hujumlar bizga juda-juda foyda berdi. Ikkinchi gol kiritilishida yashin tezligini ko'rdik. "Barsa" o'ta xavfli hujum uyushtirish arafasida edi, bosim ostida qolgan madridliklar o'zini yo'qotmadi, Xedira kutilmaganda to'pga qarshi chiqdiyu zarb bilan Di Maria tomon aniq uzatma berdi. Shaxsan men kutmagandim Angelning Puyoldan o'tib ketishini, lekin bu kecha Karlesdan hamma o'tib ketdi. Angel tezlik bilan Puyolni ortda qoldira boshladi, keyin aqlan himoyachini o'tib ketishini kutdiyu, darhol to'pni o'ziga tortdi, zarba qaytarildi, ammo Ronigol uni darvozaga mixlab ketdi. Qariya Puyol esa oyoqlarini yozgancha maydonda qoldi. Uchinchi gol "Barsa"ni naqd "SHOK" holatiga tushirdi, operatorlar qanday lavhalarni namoyish etdi eslang-a... Juda xayajonli, maroqli kadrlar, Rafael Varane javob uchrashuvida ham gol urdi, tasanno, "Real"ning mitti yulduzi barchani ko'zini qamashtira oldi, u to'pga sakraganda huddi CR7 dek harakat qildi, salkam 1 metr sakrab tizzalarini Puyolning boshigacha ko'tardi, kamiga Varane bo'yi uzun emasmi, ofarin Jozening "sehrli qartasi". Joze deganda, Rafaning aynan u tomon golni nishonlashga oshiqqani, ikkovlon quchoqlashib sakrab-sakrab hursandchilik qilishlarichi, ta'sirli epizod, Mourinhoni anchadan buyon bu holatda ko'rmagandik (so'nggi bor ChLda "Man City" darvozasiga Ronaldo tomonidan oxirgi daqiqalarda g'alaba goli urilganda Joze o'zini maydon maysasi bo'ylab uloqtirgandi, huddi hujumchilardek). Dastlabki ikki golni "benazir" qanday xotirjamlik bilan qabul qildi-ya?! Ex Zidan munosib voris uchun senga RAXMAT! Raqib tomonidan kiritilgan yagona golda Ramos Albani qo'yib yubordi, ko'rinishdan sardor penalti ishlab qo'yishdan xayiqqandek ko'rindi. Albatta tan olish kerak bu holatda Iniesta uzatmani qoyilmaqom tarzda yetkazgan edi. Endi intervyularga yuzlanamiz. O'tgan o'yinda Arbeloa va Messi o'rtasida xunuk voqea bo'lib o'tdi. Leo uyalchanglik, kamtarlik niqobi ostida Arbeloani xaqorat qildi. Jurnalistlar tomonidan buning sababi so'ralganda Leo lom-mim demadi, demak aybdor o'zidir! Jordi Roura, Xavi va Messilar bu borada so'ralganda o'z intervyularida "... biz buni muhokama etmaymiz, bunga javobni o'yinda namoyish etamiz", -deya qudratini ko'z-ko'z qildi, lekin amaldagi natijani hammamiz ko'rdik. Qani o'sha jarangdor ovozda o'shqirgan jurnalistlar? Ular ikki klub nomini unutib Ronaldo:Messi nomlari ostida hisob-kitob qilardilar. Lekin hozirgi futbolda kim qirol ekanligi ma'lum bo'ldi, avval ham ma'lum bo'lgan va yana bir bor isbot qilindi. Agar ayrim kuchlar tilida gapirsak, Roni-Leo 2:0. Klassikolarda 6 o'yinda ketma-ket gol ursa, 6 o'yinda ketma-ket "Camp Nou"da to'p kiritsa, shunda ham Cristiano haqida shubha bilan qarash mumkinmi? Qani bu narsalarni FIFA tushunsa... Roni aytgan edi "Oltin to'pni olmasam xafa bo'laman, lekin bu o'yinimga ta'sir etmaydi, ... o'z ustimda ishlashda davom etaman". Messi o'yindan keyingi ertalabki mashg'ulotlarda qatnasha olmabdi. Isitmasi chiqibdi, bu psixologik zarbadan keyin bo'lsa kerak. "Real"ga qarshi La liga doirasidagi navbatdagi klassikoda tuzalishi kutilayotgan ekan. Xavi "Real"dan qabul qilingan uchrashuvni qattiq zarba sifatida tan olmadi va bu narsa "Milan" bilan o'yinda bizni kuchli o'ynashga da'vat etadi deb bilmoqda. Ha milanliklar "nonini berib qo'yishni kutib turibdi-da..." Italiya klubida ham g'alaba, ham katalonlarning "Real"dan uchralgan mag'lubiyati uchun ikki hissa futbolchilar shijoatini oshirib turibdi, kamiga "Barsa" ruhan siniq holatda, yana ham mazkur o'yinni ko'ramiz kim irodali... Xavi o'z fikrida La ligadagi klassikoda "... boshimizni tik tutadigan natijani qayd etishga harakat qilamiz", -deydi. U askiyachi shekilli, Primerodagi o'yin endi nimani hal qiladi, axir bundan 3 kun o'tib "Real" Manchseterga ketadiku, biz uchun Kubok marrasi deyarli hal etildi, endi navbat Chempionlar kubogi uchun shahdam qadam tashlashdir. Kechagi o'yinda yagona gol muallifi Jordi Alba ham Xavining fikriga qo'shildi, lekin raxmat tan olganligi uchun: "... biz yuzimizga og'riqli zarba qabul qildik". Sergio Busquets shunday dedi: "Biz xato qildik... ". Lekin kurashga to'ymagan futbolchi "Real" bilan navbatdagi o'yinni "... bu unvon uchun kurashda umumiy yutuq uchun muhim", ha, Busquets ham hazilkash yigit ekan... Cesc Fabregas "Albatta biz yomon kayfiyatdamiz, lekin ertadan ishlashimiz kerak", shu qatorda Cesc endi ChL va Primero kurashini davom ettirish kerakligi, kubok yurishi ular uchun yakunlanganligini aytib o'tdi. Eslaysizmi, u ""Real" o'ta xavfli raqib", -deya intervyu bergandi, bu yana bir bor isbot bo'ldi. Fabregas kamtarliging uchun raxmat! Jordi Roura "Bizni qanday o'yin kutayotganligini bilib oldik, raqib futbolchilari sifatli hujumlar amalga oshirdi...". Ex Roura, ungacha "Real"dan kuchsiz o'yin kutganmidingiz? Yoki hujum va qarshi hujumda blankoslar TOP darajali klubligini bilmasmidingiz? U ham askiyachi ekan. Maqolaning oxirini yoqimtoy qahramonimiz Cristiano Ronaldo so'zlari bilan yakunlashni joiz topdim: "Biz juda yaxshi o'yin qilishga erishdik. Biz raqibdan juda zo'r o'ynadik. "Barselona" bilan o'yin har doim ham muhim, lekin bunisi alohida. Keyingi o'yin bunchalik muhim emas, chempionatda katalonlar bilan hisobda katta farq bor. "Barselona" ustidan g'alaba muhim, chunki bu bizga ChLda "Old Trafford"da "Man Utd" qarishi olg'a borishda qatiyatlik baxsh etadi". Ronaldo juda haq, istaymizki shunday yutuqlarga boy kurash "Real"ni tark etmasin va bu yil Chempionlar ligasi hamda Ispaniya kubogini futbolchilarimiz boshi uzra samoga mag'rur holda baland ko'tarishsin! Kamchilik va xatolar bo'lsa hammangizdan uzr so'rayman! RM_CRISHTU_7 | |
|
| |
| Barcha fiklar: 28 | 1 2 » | ||||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 67 RO'YXATDAN O'TMAGAN FOYDALANUVCHILAR: 67 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||||||
0
