Asosiy » 2013 Fevral 27 » Futbolchilarimiz o'yinini tahlil qilamiz.
15:17 Futbolchilarimiz o'yinini tahlil qilamiz. | |
 Kechagi klassiko shukuhi hali hamon biz muhlislar qalbidan ko'tarilgani yo'q... Ushbu o'yinda jamoamiz g'alaba qozonib barchamizga ajoyib hissiyotlarni taqdim etdi. Shunday hissiyotlar og'ushida futbolchilarimiz o'yinini tahlil qilib ularga tegishli baholarni berishga harakat qilaman. D.LOPEZ - 8.0. U kecha shu bahoga loyiq o'yin ko'rsatdi, hamda sardorimiz yo'qligini deyarli bildirmadi. Diego 2 ta ajoyib seyv hamda Messi birga bir chiqib ketayotganda ajoyib harakatlarni bajardi. To'pga chiqib borishlarni ham o'z vaqtida bajardi. R.VARAN - 9.5. Bu futbolchining o'yinini ko'rgan muxlis 19 yoshga kirganligiga ishonmasa kerak. Kecha o'yinda juda sovuqqonlik bilan o'ynab, deyarli Messiga "non" qoldirmadi. Shu bilan birga u jamoamizning 3-golini kiritib, Barsani nakautga uchratdi. U 10 balga loyiq edi, lekin Albaning golidagi mas'uliyatni Arbeloa bilan o'z bo'yniga olish kerak edi. Shunday o'sishda davom et Rafa. S.RAMOS - 8.5. Himoyada bexato , sardorlarga xos o'yin ko'rsatdi. Varan bilan birgalikda Messi to'liq qurolsizlantira oldi. A.ARBELOA - 8.5. Shu yigitning o'yinlari o'tkan yilgiga nisbatan ancha ijobiy tomonga o'zgarganini ko'rishimiz mumkin. U ham kecha deyarli bexato o'ynab Inyesta va Albani 90 daqiqa davomida yopa oldi, lekin ularni bir safar e'tibordan chetda qoldirdi. Natijasi gol. O'yin davomida himoyani o'ylab unchalik hujumlarga o'tib ketmadi. F.KOENTRAU - 8.5. O'yin boshidagi hayajonini hisobga olmasak Fabio o'yinni eng yaxshilaridan biridir. Chap qanotda Pedroni jarima maydonchasiga kirishga yo'l bermadi. Bir bir chiqib borgan vaziyatida gol urganida o'yin bundanda yirikroq natija bilan tugarmidi. XEDIRA - 9.0 Xedira haqiqiy qo'rg'on. Bu buzg'inchi yigit o'yin davomida Xabi akasi bilan birgalikda Barsa hujumlarini buzaverib charchamadi, keyingi o'yinlarda ham charchamasin. To'p nazoratini raqibga topshirib o'zlari bemalol o'yinni nazorat qilishdi. 2-golda ham Dimariyaga to'pni yetkazib bergan ham Xedira edi. X.ALONSO - 8.5. Doimgidek maydon markazida zanjir tashkil etdi, uning uzoq masofadagi paslari deyarli bexato chiqdi. Sport formasi hali tiklanmanga Xabi o'rnini Pepega bo'shatib berdi. A.DIMARIYA - 9.0. Keyingi klassikoni o'tkazib yuborishini bilgan Dima ushbu uyinga alohida yondoshdi. Har bir to'p uchun oxirigacha kurashdi. Qanoti juda fa'ol bo'lib, himoyada Arbeloaga yordam berib turdi. 2- golda barcha ishni bajarib berdi, lekin Ronni ham to'g'ri joy tanlashi orqali ushbu gol yaratildi. M.ÖZIL - 9.0. Bu turk yigiti jismoniy tomonida baquvvat bo'lganda bormi... Ha mayli, uning o'yinlarini ko'rib zavqlanyapman. Texnikasi a'lo darajada. Busketsni har kuyga sola oldi. Keyingi klassikoda ham undan shunday yuqori tempdagi o'yin kutib qolamiz. RONALDO - 9.5. Tarifga til ojiz. 1-golni o'zi ishladi, 2-golida joy tanlashi, golni his qilishiga qoyil qolish kerak. Bu portugal Madrid muxlislari yuragidan chuqur joy egallagani aniq. Maydonda kimligini isbotladi(ba'zilargina buni bilishni hohlashmaydi). Adashmasam bu gollar uning 2013 yildagi 17 goli edi. Shu ruhda davom et Ronni. HIGUAIN - 7.0 To'g'risi uni maydon hech taniy olmayapman, deyarli ko'rinmadi o'yin davomida. Benzema bilan yomon o'ynash bo'yicha kim o'zarga o'ynashayotgandek tasavvur paydo bo'lmoqda. Sport formangni tezroq tikla Pipito, bo'lmasa jamoadan ketishing mumkin. Axir jamoadagi o'rni kafolatlanmaganu... KALYEXON - 4.0 Doimgidek maydonga nima uchun tushganini bilmaydi nazarimda. To'p uchun kurashganini ham ko'rmadim. PEPE - 4.0 Antimessi bu uyinda bir narsa bilan esda qoldi, u ham bo'lsa o'yin oxirlarida ikki jamoa o'rtasidagi janjalga sababchi bo'lib qolishi mumkin edi. Kayfiyati a'loligi ko'rinib turdi(tug'ilgan kun ta'siri bo'lsa kerak). ESSIYEN - 4.0. Markazni mustahkamlashga yordam berdi, lekin o'yinga kirisha olmadi. O'yinning eng yaxshi "o'yinchisi" - MAURINIYO - 10. Rourani 3 yurishdayoq mot qildi. Barsa epidemiyasiga qarshi qo'llagan chora-tadbirlari oxirgi yillarda o'zini oqlamoqda. Shanba oqshomida ham jamoamizda mana shunaqa shiddatli o'yinlarni kutib qolamiz. Omad siz-u bizni hamda jamoamizni aslo tark etmasin. HALA MADRID ! OLG'A REAL ! JAMSHID JABBOROV | |
|
| |
| Barcha fiklar: 16 | |||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 24 RO'YXATDAN O'TMAGAN FOYDALANUVCHILAR: 24 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||
0
