Asosiy » 2013 Fevral 24 » Darvozabon - yarim jamoa
22:31 Darvozabon - yarim jamoa | |
Assalomu alaykum xurmatli fanatdoshlar. Bugundan boshlab mazkur blogimizda sizlarga jamoamizda faoliyat yuritayotgan futbolchilar haqida qisqacha ma'lumotlar yetkazib borishga harakat qilaman. Bu meni ilk maqolam, kamchiliklar bo'lsa ma'zur tutasiz.  IKER KASILYAS To'liq ismi Iker Casillas Fernández. Tavallud sanasi 20-may, 1981 Tavvalud joyi Madrid,Ispaniya Bo'yi 185sm. Laqab Don Iker, Ikerman Ampluasi darvozabon. Yoshligida a'zo bo'lgan klublari: 1990–1998 1998–1999 1999– 2000 Real Madrid yoshlari, Real Madrid C Real Madrid B. 1999– Real Madrid 420(0) Milliy terma jamoa 2000– Ispaniya 121 (0). Iker Kasilyas Fernandes 20 may 1981 yilda Madridning Mostoles shaharchasida tug'ilgan. Ispaniyalik futbolchi, darvozabon, Real Madrid jamoasi va Ispaniya terma jamoasi sardori, Yevropa chempioni (2008, 2012), Jahon chempioni (2010), Ispaniya terma jamoasida eng ko'p o'yin o'tkazgan o'yinchi hisoblanadi.  Kasilyas 20 may 1981 yili Madridda tug'ildi. Otasi Xose Luis Kasilyas ta'lim vazirligi ishchisi, onasi esa sartarosh edi. Uning ota-onasi Navalakruz (Avila) dan ko'chib kelishgan edi. Iker hali bolaligida u Baskda yashadi, lekin u har doim Madridni o'zining qadrdon shahri deb hisoblardi. Kasilyasning o'zidan yetti yosh kichkina Unay degan ukasi bor. U CD Mostoles klubi sharafini himoya qiladi. Iker 8 yoshida Realga kelib qo'shildi va butun faoliyatini shu jamoada o'tkazmoqda. Kasilyas Ispaniya terma jamoasida o'ynadi va u 1999 yili Meridiana kubogi va yoshlar o'rtasida jahon chempionatida g'alaba qozondi. 1999/2000 yildagi mavsumda o'zini ko'rsata oldi — u jarohatlangan Bodo Illgner o'rniga maydonga tushdi va Chempionlar ligasi finalida Valensiya bilan bo'lgan o'yinda jamoadoshlariga yordam berib, chempion bo'lishga erishdi. Tez orada Kasilyas o'z jismoniy holatini yo'qota boshladi va uning o'rniga asosiy tarkibda Sezarmaydonga tusha boshladi. Lekin Iker o'zining asosiy tarkibdagi joyini Chempionlar ligasi finalida Bayer bilan bo'lgan o'yinidan so'ngyana qaytarib oldi. Ushbu o'yinda maydonga tushganidan so'ng, bir necha chiroylik "Seyv”larni amalga oshirishi orqali uning jamoasi 2:1 hisobida g'alaba qozonishiga sabab bo'ldi. 2002/03 mavsumda darvozabon birinchi raqam ostida maydonga tusha boshladi va hech qanday jarohatlarsiz Chempionlar ligasida 15 ta o'yinda, milliy chempionatda 38 ta o'yinda o'z jamoaning sharafini himoya qildi va jamoa chempionlikka erishdi. 2003/04 mavsumda u atigi bir dona o'yinni o'tkazib yubordi. Lekin bu narsa Qirollik klubiga yordam bermadi. O'sha mavsumda chempionlikni saqlay olmadi va Ispaniya kubogi finalida mag'lubiyatga uchradi. Iker Realdagi faoliyati davomida 5 marta Ispaniya chempionligiga, 1 marta (2011) Kopa del Rey va 4 marta Ispaniya super kubogi, 2 marta(1999/00, 2002/3) CHL g'olibligiga erishdi. Jamoamizning o'tkan yilgi yutuqlariga o'zining beqiyos hissasini qo'shdi. MILLIY TERMA JAMOADAGI FAOLIYATI. Shvedlar bilan o'yindagi debyutidan so'ng, u zahira darvozabon sifatida EURO-2000 yuborildi va u musobaqada birorta ham o'yinga tushirilgani yo'q. Ikki yildan so'ng, Yaponiya va Janubiy Koreyadagi jahon chempionatidagi o'yinlarda Santyago Kanisaresning dublyori bo'lishi kerak edi. Lekin Kanisares so'nggi lahzalarda jarohat olishi va tarkibdan chiqib ketishi Kasilyasning jahon chempionati final bosqichida debyut qilishiga (Paragvayga qarshi o'yin) zamin yaratdi. U irlandlar bilan bo'lgan o'yinda qahramonga aylandi – ispanlar penaltilar seriyasida g'alaba qozonib, chorakfinalga yo'l olishdi. Iker EURO-2004 saralash bosqichida 8 ta o'yinda maydonga tushdi va u o'yinlarda 4 ta gol o'tkazib yubordi. Shuningdek, Kasilyas turnirning final bosqichida ham asosiy darvozabon bo'ldi va guruh bosqichidan turnirni tark etishdi. EURO-2008 musobaqasida u terma jamoa sardori bo'ldi va musobaqadagi barcha o'yinlarda ishtirok etdi (Gretsiya bilan bo'lgan, hech narsani hal qilmaydigan o'yindan tashqari). Ular bu musobaqada g'alaba qozonib, Yevropa chempioni nomiga sazovor bo'lishdi. Jahon chempionati-2010da ham terma jamoa sardori bo'ldi va bu musobaqada ham g'olib bo'lib, tarixda birinchi marta Ispaniya terma jamoasini jahon chempioni bo'lishiga katta hissa qo'shdi. FIFA esa Iker Kasilyasni Jahon chempionatidagi eng yaxshi darvozabon deb tan oldi. Iker faoliyati davomida bir necha marta dunyoning eng yaxshi darvozaboni deb topildi. Real Madrid va Ispaniya tj ning sardori Iker jurnalist Sara Karbonera bilan birgalikda nikohdan o'tishgan. Hozirgi kunda jarohat girdobiga tushib qolgan sardorimizga jarohatidan tezroq tuzalib, oldingi formasini tiklab olishiga tilakdoshmiz. ANIMO IKER ! wikipedia.org va horijiy saytlardagi ma'lumotlar asosida JAMSHID JABBOROV tayyorladi | |
|
| |
| Barcha fiklar: 12 | |||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 24 RO'YXATDAN O'TMAGAN FOYDALANUVCHILAR: 24 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||
0
