Asosiy » 2013 Fevral 14 » O'YIN TAHLILI
09:45 O'YIN TAHLILI | |
 Avvaldan kutilganidek, "Santiago Bernabeu"da juda chiroyli va murosasiz o'yin ko'rdik. 90 daqiqa qanday o'tganligi sezilmadi. Feliks Brix hakamlar brigadasi tomonidan boshqarilgan nimchorak final dastlabki uchrashuv jangovar durrang bilan yakun topdi. Ochig'i deyarli barcha futbolchilarga ijobiy baho berish ma'qulroq bo'lsa kerak: 1. Diego Lopez. Yaxshi o'ynadi. Faqat bitta vaziyatda 34'da to'pga chiqishda xatoga yo'l qo'yganligini hisobga olmasa, qolgan vaziyatlarda o'zini ko'rsatdi. Raqibning bir qancha xavfli zarbalarini bartaraf etdi. O'yinning so'nggi daqiqasida van Persining paslatib bergan zarbasini qaytardi va ko'nglimiz taskin topdi. Tan olish kerak bu o'yinda Kassilyas kerak edi, sardor sifatida kerak edi. 2. Alvaro Arbeloa. Himoyada unga ancha qiyin bo'ldi, raqibning deyarli 3 hujumchisi unga bosh og'riq bo'ldi. Hujumda jamoa yurishlariga ishtirok etdi, raqib tomondan pozitsiyasiga ko'ra Kagavaga imkoniyat bermadi. 3. Rafael Varan. Jarohatdan keyingi yomon o'yin emas. 18'da hujumda jarima maydoni ichida yordam berdi, 36'da Denni Uelbekdan to'pni changyutgichday yulib oldi. 55'da yana Denniga imkon qoldirmadi. 4. Serxio Ramos. Sardor, lekin baribir Iker bo'lolmaydi. Ko'zga ko'rinarli hujumni qaytara olamadiyu, lekin xato qildi. 20'da Runi oshirgan burchak to'pini qarshi olishda Uelbekni o'tkazib yubordi va darvozamizga gol kiritildi. 5. Fabio Koentrau. Eng yaxshi futbolchilardan biri. Ham himoya, ham hujumda to'p surishdek mas'uliyatli ishni bajardi. O'yin boshida raqib darvozasiga o'ng oyoqda bergan zarbasini mo'jiza qutqardi desa bo'ladi. Bir necha marta assistenlik vazifasini bajardi, 46'da aynan Ronalduga shunday to'p oshirdi, ammo raqib himoyachisi halal berdi. 6. Di Maria. "Real" tarkibida aynan shu futbolchi eng yaxshi bo'ldi desak mubolag'a bo'lmasa kerak. Bir necha holatda raqib futbolchilarini dog'da qoldirdi, darvoza tomon xavfli zarbalar berdi, kiritilgan golga ham u assistent bo'ldi, bu ko'rsatkich chempionat doirasida Anxelda 4 ta bo'ldi. 90' harakat qilsa, balki... Esimizdan hali uzoq chiqmasa kerak, uning harakatlari evaziga berilishi lozim bo'lgan penalti Brix tomonidan bee'tibor qoldirildi. 7. Sami Xedira. Tayanch zonani yomon qo'riqlamadi, vaqti-vaqti bilan hujumda qatnashdi. 80'da ancha xavfli zarbasini darvozabon qaytara oldi. 8. Xabi Alonso. Sami bilan qo'sh qo'rg'on bo'ldi. Uning harakatlaridan og'riq his etishini payqash qiyin emasdi. Shunday bo'lsada raqibni to'xtatib turdi, hujum davomida ajoyib paslari bilan bizni xayajonga solib turdi. 9. Mesut Ozil. Ajoyib harakatlar qildi desak bo'ladi. Bir narsani hisobga olish kerakki, manchestrliklar himoyasi uni qattiq qo'riqladi. Shunday bo'lsada, Rafaelni bir necha bor o'zining texnikasi evaziga dog'da qoldirdi, o'yin oxirlarida u jarohat oldi va hujumdagi bosim susaydi. 10. Crishtiano Ronaldo. Aynan raqibning asiri u bo'lishi kerak edi. Tan olish kerak uni professional darajada qo'riqlashdi, lekin Roni o'ziga qiyin vaziyatlarda imkon qidirib topardi. Umuman olganda sobiq jamoasiga qarshi o'ynash va 30'da gol kiritish, uni hurmat yuzasidan nishonlamaslik maqtovga munosib bo'lsa kerak. O'sh vaziyatda va yana bir bosh bilan bergan zarbada havoda bir dam "pauza" saqlaganiga nima deysiz? Sharhlovchi D.Fayziyev ham buni e'tiborsiz qoldirmadi, Ronaldu supermenga o'xshab ketdi. 11. Karim Benzema. Blankoslarning hujum chizig'i so'zsiz bu yil ancha kuchsizlangan. Benzema o'zini yaxshi his etmadi. Joze uni to'p uchun kurashda ustun kelishi uchun ham unga imkon bergandi. Karimning esa harakatlarida ma'no ko'rmadik. Haqiqatdan bizga Falkao yoki Kavani kerak. 12. Pepe. Holsizlanib qolgan va jarohat bezovtalagan Alonso o'rnida tayanch himoyani qo'riqlab turdi. O'zini odatdagidan ancha tarbiyali tutdi, keskin to'qnashuvlar yuz bermadi. Boshqa nuqtada yomon o'yin ko'rsatmadi. 13. Higuain. U ham kuchli o'yin namoyish etmagandir, lekin Benzemaga nisbatan ancha faol bo'ldi, sheriklari tomon raqib jarima maydonchasi bo'ylab paslar berdi. O'zi ham hujumda ishtirok etdi. Dastlabki daqiqalardan maydonga tushsa, ehtimol foydasi ko'proq bo'lardi. 14. Luka Modric. Har safar bu xorvat xavbekiga ta'rifimiz bir-biriga o'xshash bo'lib qolmoqda, boshqacha qilib aytganda, uning o'yindagi samaradorligi juda past, deyarli o'yinda ko'rinmay qoldi. "Real"ning omadsiz transferlaridan biri Luka bo'lsa kerak. O'yinda "Real" katta ustunlik qildi, ammo samaradorlik darajasi biroz past bo'ldi. Hisobsiz burchak to'plarining birortasi Manchsetr jamoasi himoyasi tomonidan qo'yib yuborilmadi. 37'da to'plar nisbati 56x44%, 87'da 55x45%, darvoza tomon xavfli vaziyatlar 61'gacha katta ustunlik bilan biz tomonga - 20x9, 78'da paslar nisbati 209x197 va bunda ham ustunlik jamoamiz tomonda edi. Ikki klubning bir-biriga bo'lgan hurmati, raqibning Madridda muhlislar tomonidan hurmat qilinishi, biror marta keskin to'qnashuv bo'lmaganligi bizga maroqli futbol ko'rish imkonini berdi. Do'stlik g'alaba qozondi. Davomini esa "Old Trafford"da ko'ramiz. O'yin qahramoni. Bunga hammadan ham 8 ta ajoyib seyvlari bilan raqib posboni David de Xea munosib, e'tiroz bo'lmasa kerak. O'yin omadsizi bu o'yinda bo'sh qoldirildi. Unga "munosib" futbolchi yo'q. Hurmatli muhlis, kamchiliklar bo'lsa, ularning o'rnini o'z fikr-mulohazalaringiz bilan to'ldirsangiz biz hursand bo'lamiz! RM_CRISHTU_7 | |
|
| |
| Barcha fiklar: 16 | |||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 2 RO'YXATDAN O'TMAGAN FOYDALANUVCHILAR: 2 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| |||||||||||||||||||||||||||||||||||||||||||||||||||||||||||||||||||||||||||
0
