Asosiy » 2013 Yanvar 31 » O'YINDAN KEYINGI TAHLIL
03:47 O'YINDAN KEYINGI TAHLIL | |
 Biz yana futboldan lazzat oldik, drammatik, emotsional tuyg'ularga boy, kiprik qoqishga ulgurmagan uyqusiz ko'zlar bilan fantastik to'qnashuv guvohiga aylandik. Hisob adolatli bo'ldi desak mubolag'a bo'lmaydi. Xo'sh bu bahsda madridliklardan kim qanday o'ynadi: 1. Diego Lopez. Debyut. O'tkazib yuborilgan golda uning hecham aybi yo'q. Dastlabki uchrashuvni klassikoda boshladi, naqd 2 ta vaziyatda jamoamizni goldan qutqardi. 2. Arbeloa. Birninchi bo'limda Alvaro biroz bo'shashdi, ikkinchi bo'limda ancha faol harakat qildi va bir qancha vaziyatlarda hujumlarga chek qo'ydi. Tan olish kerak biroz qaltis holatlarga aralashib qoldi. 3. Karvaliyu. Oldingi bahslarda u o'zini yaxshi tomondan namoyish etgandi. Biroq birinchi 45 daqiqalikda so'zsiz keskin xatolar yaratdi. Sariq kartochka ishlab oldi, darvozabonga to'pni oshirishda xatoga yo'l qo'yib raqibga uni "sovg'a" qildi, o'yinning ikkinchi yarmida ancha o'ziga kelib oldi. 4. Varan. Hech qanday qarshiliksiz bu 19 yoshli yulduzni 10 ballik sistemada 9 ball bersa ham kam. Ko'rdingiz, u ko'plab hujumlarni qaytara oldi, Pedro, Iniesta, Messilardan to'pni "yulib ketdi", yakkama-yakka holatlarni sovuqqonlik bilan bartaraf etdi va eng kulminatsion nuqtasi - u javob goli muallifi bo'ldi. 5. Essien. Varanga sherik desak xato bo'lmasa kerak. O'ziga xos bo'lmasada, tezkor o'ynadi, ham himoya, ham hujumda qatnashdi, pas berishlarda u sodda o'ynadi, lekin e'tibor qildingiz u Iniesta va Messilarni bir necha marta to'psiz qoldirdi. 6. Kalyexon. Jamoada eng xunob bo'lgan vakilimizdan biri. Yoshlik qilib asablarini jilovlay olmadi, oddiy vaziyatda kartochka ishlab oldi. Raqib tomonidan kiritlgan golda ham aybdor aynan shu Xose bo'ldi. His-xayajonlari klassikoga tayyor emasligini ko'rsatdi. 7. Modrich. Xosening o'rniga tushdi va aytish mumkinki, uning joyini qoplay oldi, maydonga tushishi bilan faollikka kirishdi. Raqibga bosim uyushtirishda faol qatnashdi. 8/9. Xedira va Alonso. Bu ikkala qo'rg'onimizni birga izohlashga qaror qildik. Sababi La liganing 21-turida Essien va Modrich bu ikki zaxiradagi qalqonlarimiz o'rnini bosa olmadi, lekin klassikoda Sami va Xabilar o'z formasida emas edilar. Sami qarshi hujumda raqib futbolchilari kamchilik bo'lib qolganda tezkorlikni birdan tushirib yubordi va xavfli hujum amalga oshmadi, Xabi esa asabiy o'ynadi, kartochka ishlab oldi, lekin keskin xatolarni yuzaga keltirishmadi. 10. Ozil. Avvaliga o'yini ochilishi qiyin bo'ldi, keyinchalik, ayniqsa 2-bo'limda juda faol o'ynadi, bir necha raqiblarni sarosimaga qo'yishga intildi. Albatta u o'yin qahramonlaridan biri, Varanning goliga shedevr pasi bilan assistentga aylandi. 11. Ronaldu. O'yini ochilmgan, 7-bor qatorasiga klassikoda gol ura olmagan, lekin kamida 2 ta to'p kiritishi mumkin bo'lgan omadsiz yetakchi bo'ldi. Sardor sifatida u bosiq o'ynadi va "xavfli kartochka"dan o'zini asray oldi, balki bu ham ta'sir etgandir. Shu qatorda Roni himoyada ham yordamlashganligi o'rinli. 12. Benzema. Ex Karim... To'p uchun kurashlarda matonatli harakat qildi. Ajoyib vaziyatlarda to'pni darvozaga yo'llay olmadi va sheriklarga so'nggi hujumlar uchun paslarni qizg'andi. 13. Iguain. Pipito uchun golli holatlar bo'lmadi, hujumlarni boshlashda orqaroqda harakat qildi, uning o'zini tutishi ehtiyotkorona bo'ldi. To'p uchun kurashda unda Benzemadagi kabi hislat yo'q, mo'tadil xarakter namoyish etdi. O'yin omadsizlari: Kalyexon va Ronaldu. O'yin qahramoni: Bunga 100% Rafael Varan munosib. RM_CRISHTU_7 | |
|
| |
| Barcha fiklar: 26 | 1 2 » | |||||||||||||||||||||||||||||||||||||||||||||||||||||||||||||||||||||||||||||||
KIRISH
mediabay.uz
Timer
keyingi uchrashuv
so'ngi uchrashuv
La liga jadvali
Liga to'purarlari
SUHBAT
lex.uz
saytda
ONLINE: 74 RO'YXATDAN O'TMAGAN FOYDALANUVCHILAR: 74 MADRIDISTLAR: 0
Mobil ko'rinish
RONALMADRID (ADMINISTRATOR) © 2024
| ||||||||||||||||||||||||||||||||||||||||||||||||||||||||||||||||||||||||||||||||
0
