Assalomu aleykum hurmatli futbol ihlosmandlari va saytimiz foydalanuvchilari! Hozirgi kunda yozgi transfer oynasi ham ancha faollashib qoldi. Shu sababdan, maqolamizning bu galgi sonida aynan shu masalaga e`tibor qaratamiz.  Hozirda jamoamiz hujumchilarga ehtiyoj sezyotgani barchamizga ma`lum va  bu o`ringa katta ehtimol bilan yagona nomzod sifatida Radamel Falcaoni e`tirof etishimiz mumkin.

Ana shunday jamoa tomonidan jiddiy qiziqishlar bildirilayotgan qator futbolchilarning ortda qolgan mavsum davomidagi statistikalarini www.real-madrid.uz sayti sizlar havola etadi!

Radamel Falcao. “Monaco”. Markaziy hujumchi

Umumiy: 

• 19 o`yin – 1500 daqiqa;
• 11 gol + 1 uzatma.
• 5 sariq kartochka.

Fransiya chempionatida:

• 17 o`yin – 1393  daqiqa;
• 9 gol + 0 uzatma.
• 5 sariq kartochka.

Fransiya kubogida:

• 2 o`yin – 107 daqiqa;
• 2 gol + 1 uzatma.
• 0 sariq kartochka.

Kolumbiya terma jamoasining 28 yoshli hujumchisi "El Tigre" ortda qolgan mavsum boshidan “Monaco” klubi sharafini himoya qila boshlagani barchamizga ma`lum. Bu mavsum futbolchi uchun kutulganiday bo`lmagani kunday ravshan. Radamel “qizil-oqlar" tarkibida mavsumning atiga yarim qismini o`tkazishga muvoffaq bo`ldi. Falcao fransuzlar tarkibida 19 uchrashuvda maydonga tushib, raqiblar darvozasini 11 bor ishg`ol etgan va jamoadoshlarining bitta goliga mualliflik qilgan. Hakamlar tomonidan 5 marta ogohlantirilgan.

Debyut mavsumligini va klub safida 19 uchrashuvda maydonga tushganini hisobga olsak, bu hujumchi uchun yamon natija emas. Biz Falcaoni Madridning “Atletico” klubi safida qanday o`ynaganini hozir ham yaxshi eslaymiz. U Ispaniya klublari safida gol urish poygasida faqat Ronaldo va Messi emas, balki, boshqa futbolchilar ham borligini isbotlay olgan edi. Bu gapimizga uning “Atletico” safida 29 ta gol urgani yaqqol misol bo`la oladi. Balki bu futbolchi jarohat olmaganida, butun mavsum davomida maydonga tushganida, balkim bundan ham ko`p gol urgan bo`larmidi?

James Rodriguez. “Monaco” Hujumkor yarim himoyachi

Umumiy: 

• 43 o`yin – 3305 daqiqa;
• 16 gol + 17 uzatma.
• 2 sariq kartochka.

Fransiya chempionatida:

• 34 o`yin – 2643 daqiqa;
• 9 gol + 14 uzatma.
• 1 sariq kartochka.

Fransiya kubogi +  liga kubogida:

• 4 o`yin – 262 daqiqa;
• 1 gol + 1 uzatma.
• 0 sariq kartochka.

Jahon chempionatida:

• 5 o`yin – 400 daqiqa;
• 6 gol + 2 uzatma.
• 1  sariq kartochka.

Kolumbiya terma jamoasi  yetakchisi bo`lgan Falcaosiz ham Jahon chempionatida barchani hayrat sola oldi, desak aslo yanglishmagan bo`lamiz. Buning asosiy sababchilaridan biri esa shak – shubhasiz 22 yoshli Rodriguez hisoblanadi. Oldiniga “Monaco” klubida to`purar bo`lgan futbolchi, endilikda Jahon chempionatida ham bu natijani qaytarishga yaqin turibdi.

Rodriguez “qizil-oqlar" tarkibida 43 uchrashuvda maydonga tushgan va raqiblar darvozasini 10 bora “o`qqa” tutgan. Bundan tashqari jamoadoshlariga 15 ta golli uzatma berishni uddasidan chiqqan. Yarim himoyachi va yosh iqtidor egasi uchun bu havas qilgudek natija. Klubi oldida o`z xizmatini bekami – ko`z qilib bajargan futbolchining keyingi e`tibori terma jamoasi bilan Mundialga qaratildi.

Yosh iqtidor egasi Mundilada ham o`zini qanday futbolchi ekanini ko`rsata oldi. U terma jamoasi bilan chorak finalgacha yetib kela oldi va Jahon chempionatida 6 gol urgan holda yaqqol to`purarga aylandi. Rodriguezga 6 gol urishi uchun 5 o`yinning o`zi yetarli bo`ldi.

Toni Kroos. “Bayern”. Tayanch va hujum orti yarim himoyachisi

Umumiy: 

• 55 o`yin – 4300 daqiqa; 
• 4 gol + 10 uzatma.
• 7 sariq kartochka.

Germaniya chempionatida:

• 29 o`yin – 2072 daqiqa;
• 2 gol + 4 uzatma.
• 6 sariq kartochka.

Germaniya kubogi + super kubogida:

• 7 o`yin – 643 daqiqa;
• 1 gol + 2 uzatma.
• 0 sariq kartochka.

Chempionlar ligasida:

• 12 o`yin – 987 daqiqa;
• 1 gol + 2 uzatma.
• 1 sariq kartochka.

Klublararo jahon chempionatida:

• 2 o`yin – 118 daqiqa;
• 0 gol + 0 uzatma.
• 0 sariq kartochka.

Jahon chempionatida:

• 5 o`yin – 480 daqiqa;
• 0 gol + 2 uzatma.
• 0 sariq kartochka.

Kroos klubi safida maydonga tushish bo`yicha eng yaxshi natijaga ega hisoblanadi. Germaniyalik 24 yosh futbochi "Bayern" safida 50 uchrashuvda ishtirok etgan. Ana shu uchrashuvlarning barchasida raqiblar darvozabonini 4 marta ranjita olgan va jamoadoshlariga 10 ta goliga mualliflik qilgan. Hakamlar tomonidan esa  7 bora ogohlantirish qobul qilib olgan.

Kroos o`z terma jamoasi safida ham asosiy tarkib futbolchilaridan biri bo`lib turibdi. Jahon chempionatida beshta uchrashuvda maydonga tushgan va ikki bora jamoadoshlarini to`p bilan ta'minlagan.  Uning natijasiga baho berish barchaning o`ziga havola qilamiz! 

Arturo Vidal. “Juventus”. Yarim himoyachi

Umumiy: 

• 48 o`yin – 3843 daqiqa;
• 18 gol + 9 uzatma.
• 11 sariq kartochka.

Italiya chempionatida:

• 32 o`yin – 2447 daqiqa;
• 11 gol + 7 uzatma.
• 8 sariq kartochka.

Italiya kubogi + super kubogida:

• 2 o`yin – 180 daqiqa;
• 0 gol + 1 uzatma.
• 1 sariq kartochka.

Chempionlar ligasi + Yevropa ligasida:

• 11 o`yin – 981 daqiqa;
• 7 gol + 1 uzatma.
• 3 sariq kartochka.

Jahon chempionatida:

• 3 o`yin – 235 daqiqa;
• 0 gol + 0 uzatma.
• 1  sariq kartochka.

O`zining faoliyatidagi ajoyib damlarini o`tkazayotgan Chili terma jamoasining 27 yosh futbolchisi mavsum davomida klubi safida 45 uchrashuvda maydonga tushishga erishgan. Ana shu uchrashuvlarda Vidal 18 marta raqiblar darvozasiga to'pni aniq joylab qo`ya olgan va jamoadoshlariga 9 bora golli uzatma ham bergan. Yarim himoyachi bo`lishiga qaramasdan, uning bu natijasiga ba'zi hujumchilar havas qilsa arzidi. Arturo sariq kartochkalar olishda ham yetakchi futbolchilardan hisoblanadi. Uning hisobida 10 ta sariq kartochka bor.

Jahon chempionatidagi o`yinlariga bunday baho bera olmaymiz. Vidal uchta uchrashuvda maydonga tushib birorta gol ham, golli uzatma ham bera olmagan, aksincha, hakam tomonidan bir bora ogohlantirilgan xolos.

Antuan Griezmann. “Real Sociedad”. Hujumkor yarim himoyachi

Umumiy: 

• 50 o`yin – 3689 daqiqa;
• 18 gol +  5 uzatma.
• 5 sariq kartochka.

Ispaniya chempionatida:

• 35 o`yin – 2667 daqiqa;
• 16 gol + 4 uzatma.
• 5 sariq kartochka.

Ispaniya kubogida:

• 7 o`yin – 387 daqiqa;
• 3 gol + 1 uzatma.
• 0 sariq kartochka.

Chempionlarda:

• 8 o`yin – 635 daqiqa;
• 1 gol + 0 uzatma.
• 0 sariq kartochka.

Jahon chempionatida:

• 5 o`yin – 297 daqiqa;
• 0 gol + 0 uzatma.
• 0  sariq kartochka.

Fransiyalik 23 yosh futbolchi haqida ham huddi shunday fikr yuritsak bo`ladi. Klubi safida 50 uchrashuvida 18 gol urib, jamoadoshlariga 5 ta golli uzatma berishga erishgan futbolchi, jahon chempionatida 5 uchrashuvda aytarli hech qanday ko`rsatkichga ega bo`la olmagan. Lekin klubi safidagi o`yinlari to`g`risida hech ikkilanmasdan maqtovlar aytsak arziydi. Buni bitta misol qilib Qirollik klubi safida harakat qilayotgan hujumchi Benzemadan faqatgina bitta gol kam urganini misol qilib ko`rsatishimiz mumkin. Futbolda hujumchi bilan yarim himoyachini gollar soniga qarab ajratish ham mumkinku, to`g`rimi?

Kiko Casilla. “Espanol”. Darvozabon

Ispaniya chempionati + kubogida:

• 41 o`yin – 3683 daqiqa;
• 51 gol o'tkazib yuborgan.
• 1 sariq + 1 qizil kartochka.

“Espanol” sharafini himoya qilayotgan, aslida Madridning “Real” klubi tarbiyalanuvchisi Casillaga jamoamiz qiziqish bildirayotganligi to`g`risidagi xabarlarni barchamiz borligi hammamizga ma`lum. Ispaniyalik 27 yosh darvozabon 41 o`yinda 51 gol o`tkazib yuborgan bo`lsa, qo`shimchasiga hakam tomonidan bitta sariq va qizil qartochqaga loyiq deb topilgan.

Keylor Navas. “Levante”. Darvozabon

Ispaniya chempionati + kubogida: 40 o`yin – 3430 daqiqa; 40 gol. 3 sariq + 1 qizil.

Jahon chempionatida: 5 o`yin 390 daqiqa 2 gol. 1 sariq.

Yana bir Ispaniyaning “Levante” klubi darvozasini qo`riqlayotgan darvozabon haqida iliq fikrlar aytish o`rinli deb hisoblayman. Navas Casillaga qaraganda ancha yaxshiroq natija qayd etgan. Navas 40 ta o`yinda 40 bora o`z darvozasidan gol o`tkazib yuborgan va hakam tamonidan 3 marta sariq, bir marta qizil kartochka bilan siylangan.

Kosta-Rikalik 27 yoshli posbon Jahon chempionatida 5 o`yinda maydonga tushib, 2 ta gol o`tkazib yuborgan. Bu gollardan bittasini penaltidan o'tkazib yuborganligini hisobga olsak, uni Jahon chempionatidagi eng yaxshi darvozabonlardan biri deyishimiz mumkin.

Hozirgi kunda bizda ajoyib darvozabonlar borligini hech birimiz inkor eta olmaymiz. Lekin ularning bittasi 34 yana bittasi 33 yoshni qoralab qo'yishgan. Bunday yoshdagi darvozabonlarni unchalik katta deyishimiz ham noo`rindir, ammo ertasini o`ylagan kam bo`lmaydi.  Har qanday vaziyatda ham bu ikkala darvozabonlardan birining o`rniga yosh darvozabonning bo`lishi barchamizni ko`nglimizni xotirjam qilgan bo`lardi.

Xulsa o`rnida shuni aytish joizki, shaxsan kamina bizga Falcao, James Rodriguez va Vidal kabi hujumkor o`yinchilar kerak deb o`ylayman. Boisi, "Real Madrid" qarshi hujumda yorqin o`yin ko`rsatadigan jamoa hisoblanadi. Bunday hujumkor o`yinni ana shunday tezlik va gol urishni xush ko`ruvchi futbolchilar bilan yanada mukammal qilish mumkin. Zotan eng zo`r jamoa, eng tezkor va shavqatsiz hujum chizig'i, eng ko`p sovrinlar, eng yaxshi va "galakticos" futbolchilari ham aynan bizda, "Real Madrid"da bor!

Manba: www.real-madrid.uz

Xodjiyev Doniyor (DaNuSh)