Assalomu Aleykum, hurmatli saytimiz foydalanuvchilari! Maqolamizning bugungi sonida Ronaldo va Messi qarama-qarshiligini sizlarga taqdim etamiz. XXI asr dunyo futbolida Ronaldo va Messi asri bo`lmoqda desak aslo mubolag`a bo`lmaydi. Bunga bitta misol qilib “Oltin to`p”ni olaylik. Ikki futbolchi mana 6 yildirki “Oltin to`p”ni hech kimga bermay kelmoqda. Cristiano ilk bor “Man Utd” klubi safida “Oltin top”ni qo`lga kiritgan edi va Cristianoning “Real” safiga o`tishi, Ronaldo - Messi duelini yanada qizg`inroq tus olishiga zamin yaratdi.

Mana besh yildirki bu qarama-qarshilik o`rtasiga to`siq bo`ladigan futbolchi topilmayapdi. Albatta bu mavsum ham bundan mustasno bo`lmadi. Shu boisdan www.real-madrid.uz sayti ortda qolgan mavsum davomidagi ikkala futbolchi statistikalarini sizlarga hovola etadi.

Ispaniya chempionatida:

Messi: 31 o`yin – 28 gol +12 uzatma.

Kartochkalar: 2+0. 2504 daqiqa.

Ronaldo: 30 o`yin – 31 gol + 10 uzatma.

Kartochkalar: 4+1. 2540 daqiqa.

Ispaniya chempionatida Messi bitta uchrashuv oshiq, 31 uchrashuvda 28 gol urgan bo`lsa, Ronaldo 30 o`yinda 31 gol urishni uddasidan chiqqan. Jamoadoshlariga golli uzatma berishda argentinalik futbolchi biroz yetakchilik qilmoqda, u jamoadoshlarining 12 goliga mualliflik qilgan, portugaliyalik futbolchi esa 10 bora jamoadoshlariga aniq golli uzatma bera olgan. Ko`rib turganingizdek gol urish borasida Ronaldo, jamoadoshlarini to`p bilan taminlash borasida Messi kichik ustunlikga ega. Hakamlar tomonidan ogohlantirish borasida ham ustunlik portugaliyalik futbolchi tomonida 2 ga 4+1.

Ispaniya Kubogida:

Messi: 6 o`yin – 5 gol +0 uzatma.

Kartochkalar: 2+0. 477 daqiqa.

Ronaldo: 6 o`yin – 3 gol + 0 uzatma.

Kartochkalar: 2+0. 497 daqiqa.

Ispaniya kubogida har ikkala futbolchi ham bir xil 6 ta o`yin o`tkazishgan. Ana shu uchrashuvda Messi 5 marta, Ronaldo esa 3 marta raqiblar darvozasini ishg`ol etishga muvaffaq bo`lgan. Ikkala futbolchi ham mazkur turnirda jamoadoshlariga golli uzatma bera olishmagan. Ispaniya kobogida gol kiritish borasida kichik ustunlik argentinalik futbolchi tomonida. Sariq kartochkalar borasida ham tenglik 2 x 2.

Ispaniya Super kubogida:

Messi: 2 o`yin – 0 gol +0 uzatma.

Kartochkalar: 0+0. 136 daqiqa.

Ronaldo: 0 o`yin – 0 gol. 0 daqiqa.

Kartochkalar: 0+0. 0 daqiqa.

Ispaniya Super kubogi doirasidagi qarama-qarshilikga e`tabor bersak, Madridning “Real” jamoasi bu turnirda ishtirok etmaganligi sababli Ronaldo ham bu turnirda hech qanday ko`rsatkichga ega emas. Messi esa 2 o`yinda ishtirok etib raqiblar darvozasiga birorta ham gol urmagan holda maydonni tark etgan. Kim bilsin, Messi o`rnida Ronaldo bo`lganda, balki kerakli natijaga erishgan bo`larmidi?

Chempionlar ligasida:

Messi: 7 o`yin – 8 gol + 0 uzatma.

Kartochkalar: 0+0. 630 daqiqa.

Ronaldo: 11 o`yin – 17 gol + 4 uzatma.

Kartochkalar: 1+0. 993 daqiqa. Chempionlar ligasida portugaliyalik futbolchi katta ustunlik bilan yetakchilik qilmoqda. Ronaldo 11 uchrashuvda 17 bora raqiblar darvozabonlarini ranjitgan, argentinalik futbolchi esa 7 uchrashuvda 8 bora bu ishni amalga oshira olgan. Portugaliyalik futbolchi jamoadoshlarining 4 goliga mualliflik qilgan bo`lsa, argentinalik futbolchi birorta ham golli uzatma berishni uddalay olmagan.

Mazkur turnirda Ronaldo gol urish bilan bir qatorda golli uzatmalar berishda ham raqibidan yaqqol ustunlik qilmoqda. Bundan tashqari ogohlantirishlar borasida ham Ronaldo oldinda 1 x 0.

Umumiy:

Messi: 46 o`yin – 41 gol + 12 uzatma.

Kartochka: 4. 3747 daqiqa.

Ronaldo: 47 o`yin – 51 gol + 14 uzatma.

Kartochka: 7+1. 4030 daqiqa.

Barcha turnirlarda qayd etgan natijalariga taxtalib o`tsak, Messi mavsum davomida 46 uchrashuvda 41+12, Ronaldo 47 uchrashuvda 51+14 natijalarni qayd etishgan. Buni qarangki, har ikkala holatda ham Ronaldo raqibiga qaraganda ustun ekaniga guvoh bo`lamiz. Messi faqatgina Ispaniya kubogida kichik ustunlikga erishgan (5 x 3). Qolgan barcha turnirlarda Ronlado Messiga yetakchilikni boy bermagan.

Xulosa o`rnida shuni ham aytish joizki, bundan natijadan keyin ortda qolgan mavsumda Ronaldo o`z raqibi bo`lmish Messidan yaqqol ustun desak aslo yanglishmagan bo`lamiz. Bu qarama-qarshilik futbolchilarning oyoqlari harakatida ekan, bu raqobat hali ancha davom etishi aniq. Shunday ekan, bu statistik natijalar yillar o`tgan sari yaxshilanishiga aslo shubha qilishmasak ham bo`ladi. Zero, Ronaldo va Messi yaqin orada gol urishdan to`xtashlari dargumondir.

www.real-madrid.uz

Xodjiyev Doniyor (DaNuSh)