Assalomu aleykum aziz futbol ixlosmandlari va saytimiz foydalanuvchilari! Yevropada futbol ayni qizg`in pallada, bugun butun dunyo nigohi Ispaniya va Angliyaga qaratilgan desak mubolag`a bo`lmaydi. Boisi boshqa mamlakat chempionatlaridan farqli ravishda bu yerda chempion nomi hozirgacha aniq emas va bu hol oxirgi turgacha davom etish ehtimoli ancha yuqori.

Bugun sizlar bilan Angliya emas, sevimli jamoamiz qatnashayotgan Ispaniya chempionati haqida gaplashamiz. Maqola nega aynan bunday nomlangani hammangizni qiziqtirayotgan bo`lsa ajab emas, bilasiz, Ispaniyada mavsum yakunida kuchli to`rttlik Chempionlar ligasida, 5-6 o`rin esa Yevropa ligasi yo`llanmasiga ega bo`ladi. Shu boisdan ham mazkur maqola shu klub triolariga atalgan. Kim kuchli degan savolga baho berish hammaning o`ziga havola!



1. “Real Madrid” (Cristiano Ronaldo – Karim Benzema – Gareth Bale) 94 gol + 47 uzatma = 141 ochko

Ispaniya chempionatida: Ronaldo 31+10, Benzema 17+9, Bale 14+13.
Ispaniya kubogida: Ronaldo 3+1, Benzema 2+1, Bale 1+1
Chempionlar ligasida: Ronaldo 16+3, Benzema 5+5, Bale 5+4

Reytingning 1-pog`onasida “Real”ning triosi. Benzema - Bale - Ronaldo (BBC). Ushbu mavsumda mazkur uchlik boshqa triolarga qaraganda ancha sermahsul mavsum o`tkazishmoqda. Ushbu trio Ancelottining asosiy mavsumdagi asosiy qurollaridan bo`ldi desak aslo mubolag`a bo`lmaydi. 94 gol + 47 uzatma bunga yaqqol misol bo`la oladi. “Real” uchligida jamoa yetakchisi Ronaldo gol kiritish poygasida birinchi bo`lsa, jamoadoshlariga golli uzatmalar berishda esa Bale trioning qolgan vakillariga qaraganda yaxshiroq natijaga ega. Mavsum yakunigacha Ancelottining super uchtaligi o`z ko`rsatkichlarini 150 taga yetkazib olishsa ham ajab emas. Buning uchun ularga omad tilaymiz!



2. “Barcelona” (Lionel Messi – Sanches – Pedro) 82 gol + 42 uzatma = 124 ochko

Ispaniya chempionatida: Messi 28 + 11 Sanches 18 + 10 Pedro 15 + 10
Ispaniya kubogida: Messi 5 + 0 Sanches 4 + 0 Pedro 3 + 0
Chempionlar ligasida: Messi 8 + 11 Sanches 0 + 0 Pedro 1 + 0

Reytingning 2-pog`onasida “Barca”ning mashhur triosi - Messi-Sanchez-Pedro. Ko`rib turganingizdek, mavsum boshida katta umidlar bilan jamoaga jalb etilgan Neymar bu uchlikga kira olmadi. Boisi Sanchez va Pedrolar unga nisbatan yaxshiroq natijaga egaklar. “Barca” klubi yetakchisi Lionel Messi jamoadoshlaridan har jabhada yaxshiroq ekanligini isbotlab kelmoqda, darvozani nishonga olish va jamoadoshlariga golli uzatmalar berishda ham u qolganlarga nisbatan yaxshiroq natijaga ega.



3. “Sevilla” (Kevin Gameiro – Karlos Bakka – Ivan Rakitic) 57 gol + 30 uzatma = 87 ochko

Ispaniya chempionatida: Gameiro 15+5 Bakka 14+7 Rakitic 12+11
Ispaniya kubogida: Gameiro 0+0 Bakka 0+0 Rakitic 0+0
Yevropa ligasida: Gameiro 6+3 Bakka 7+1 Rakitic 3+3

Reytingning kuchli uchtaligi “Sevilla” jamoasi triosi tegishli. Gameiro – Bakka – Rakitic. Ispaniya turnir jadvalida beshinchi o`rinda borayotgan jamoaning to`purarlari, Ispan triolari bahsida kuchli uchlikdan joy olishga muvaffaq bo`lishdi. Mazkur trio o`z taqibchilaridan atiga 3 ochko oldinda vaholanki mavsum oxirigacha imkoniyatlar bir xil. ikkita o`yin primeroda, bitta o`yin evropa ligasi bahsida “Benfica”ga qarshi o`tkazishadi.

“Atletico” esa ikkita o`yin primeroda o`tkazsa, bitta chempionlar ligasida o`z hamshaharlari bo`lmish “Real” ga qarshi o`tkazishadi. Bu klub vakillari o`rtasida hozircha kurash yakuniga yetganicha yo`q.

$IMAGE3$

4. “Atletico Madrid” (Diego Costa – David Villa – Raul Garcia) 67 gol +17 uzatma = 84 ochko

Ispaniya chempionatida: Costa 27+3, Villa 13+5, Garcia 9+4
Ispaniya kubogida: Costa 1+0, Villa 1+0, Garcia 4+0
Chempionlar ligasi: Costa 8+1, Villa 0+0, Garcia 4+4

Reytingning 4–pog`onasida “Atletico” vakillari. Costa – Villa – Garcia bormoqda. Ispaniya chempionatida peshqadamlikni saqlab kelayotgan jamoa yetakchi futbolchilar to`purarlik bobidagi natijalari aytarli darajada yaxshi emas. Albatta futbolda jamoaviy o`yin muhim va qaysidir ma`noda bu klub o`zining o`yinlari orqali gapimizning nechog`lik to`g`ri ekanini isbotlashmoqda. “Real” va “Barca” triosi erishgan natijalar maqtovga loyiq, lekin ularning harakatlari jamoani chempion qilishga yetarlicha zamin yarata olmadi.



5. “Real Sociedad" (Antoine Griezmann – Carlos Vela – Imanol Agirretxe) 47 gol +17 uzatma = 64 ochko

Ispaniya chempionatida: Griezmann 16+4, Vela 15+12, Agirretxe 7+1
Ispaniya kubogida: Griezmann 3+0, Vela 2+0, Agirretxe 0+0
Chempionlar ligasida: Griezmann 3+0, Vela 1+0, Agirretxe 0+0

Reytingning 5–pog`onasidan “Real Sociedad” triosi Griezmann – Vela – Agirretxe joy oldi. Oldingi mavsumda 4–o`rinni egallab Chempionlar ligasi ishtirokchisiga aylangan jamoa bu mavsumda ham yomon natija qayd etmayapdi. Jamoa Yevropa ligasi yo`llanmasini allaqachon hal qilib qo`ygan. Ushbu trio vakillari orasida eng yaxshi natija Griezmannga tegishli. Bu mavsum futbolchi jamoa ishtirok etgan barcha turnirlarda gol kiritishga muvaffaq bo`lgan. Hattoki, ma`lum muddat Primero to`purarlar bahsida yetakchilikni ham o`z qo`liga ola-olgan edi.



6. “Athletic Bilbao” (Aritz Aduriz – Ibai Gomez – Markel Susaeta) 33 gol +24 uzatma = 57 ochko

Ispaniya chempionatida: Aduriz 16+9, Gomez 8+2 Susaeta 6+13
Ispaniya kubogida: Aduriz 2+0, Gomez 0+0, Susaeta 1+0

Reytingning oxirgi pag`onasi “Athletic” vakillariga nasib etdi. Aduriz – Gomez – Susaeta. Mavsumdagi yurishlarini ikkita turnirda boshlagan jamoa, keyingi mavsumda Chempionlar ligasi qatnashchilari safiiga o`zlarini ham kiritib qo`ydi. Ikkita turnirda ishtirok etishiga qaramasdan, jamoa vakillari ancha yaxshi harakat qilishgan. Bir necha yillardan buyon jamoa to`purari, o`z o`rnida jamoaning yuragiga aylanib borayotgan Aduriz bu mavsumda ham jamoanining asosiy yetakchilaridan biri bo`lmoqda. Uning hisobida 16 gol+9 uzatma bor.

Xulosa o`rnida shuni ham aytish joizki, Ispaniyada birinchi o`rinda borayotgan “Real” triosini Yevropa mamlakatlardagi chempionatlar doirasiga olib chiqadigan bo`lsak, mazkur natija bilan BBC yaqqol oldinda bormoqda. Undan keyin esa “Barca” triosi va kuchli uchlikka “Liverpool” triosi yakun yasab beradi. Ular qayd etgan natijasi quyidagicha:

Luis Suarez – Stiven Gerrard – Daniel Sturridge: 69 gol + 38 uzatma = 107 ochko. "Liverpool" vakillarining bu natijasi Angliyada birinchi pog`onadan, Yevropada esa uchinchi pog`onadan joy olishi uchun yetarli bo`ldi.

Ancelotti qo`l ostida BBC mavsum yakuniga yetguniga qadar o`z ko`rsatkichlarini yanada yaxshilashiga ishonamiz va bu borada ularga omad tilaymiz!!!

iHALA MADRID!

www.real-madrid.uz

Xodjiyev Doniyor (DaNuSh)[/size][/size]