Endi navbat Di Maria, Illarramendi, Toni Kroos hamda James Rodriguezlarga...

Angel di Marianing bu mavsumda boshqa klubga o`tishi bir qancha nashrlar tomonidan e`tirof etilyotgani barchamizga sir emas. Angel kelasi mavsumda qaysi klubda to`p suradi, qaysi klub sharafini himoya qiladi, hozircha bu barchamizga qo`rung`u. Lekin hozirda Di Maria Madridda va u "Real" futbolchisi hisoblanadi. Biz esa har doim uning madridist bo`lib qolishini xohlaymiz. Uning ortda qolgan mavsumdagi yorqin o`yinlari va maydondagi harakatlari barchamizni bu xohishimizni yanada jonlantirmoqda. Angel qolgan jamoadoshlariga qaraganda kam maydonga harakat qilgan bo`lsada, kerakli o`yinlarda o`zini ko`rsata oldi.

Oldiniga Ispaniya kubugidagi, keyinchalik Chempionlar ligasidagi o`yinlari (barchaning xayolida u maydonda o`ziga xos raqs turini amalga oshirganday edi) hech birimizni yodimizdan ko`tarilganicha yo`q. Di Maria 3772 daqiqa davomida 11ta gol va 25 bora jamoadoshlariga golli uzatma bera olgan. Uning bu ko`rsatkichari tahlil qilsak, u yarim himoyadagi eng foydali o`yinchilardan bir sanaladi. Terma jamoasi bilan birga Jahon chempionatidagi xizmatlari ham maqtovga loyiq, u tomondan 118-daqiqada Shvetsariya darvozasiga kiritgan yagona gol Argentinani keyingi bosqichga olib chiqqan edi.

"Real Madrid" safida o`zining debyut mavsumini o`tkazgan Illarramendi haqida ehtirosli gaplar aytish qiyin. Albatta Illarra yosh va uni oldinda yorqin kelajak kutmoqda. Futbolchining individual mahoratiga yuqori baho berib bo`lmaydi. Ammo Ancelotti unda qandaydir hislat borligini sezgan ko`rinadi, yosh iste`dodga yetarlicha ishonch bildirdi va unga maydonda harakat qilish imkonini berdi. Illarra ham bunga javoban, 2499 daqiqa maydonda harakat qilib, 3ta gol va 1ta golli uzatma berishni uddasidan chiqqan. Bu esa yosh iste`dodning debyut mavsumi bo`lganligi  uchun tanqid qilmaslik uchun yetarli bo`ldi. Agar e`tibor qiladigan bo`lsak, Illarra mazkur natijaning o`zidayoq Khedira va Alonsolar bilan bemalol bellasha oladi, o`z o`rnida biz ham bunga ishonmog`imiz darkor. Bir narsa aniqki, hozirda unga o`zini ko`rsatishi uchun keragicha o`yin amaliyoti yetishmayotganday. Nima bo`lganda ham Illarradan murabbiy nimadir kutayotgani aniq. 

O`zining ajoyib o`yinlari bilan "Bayern" va Jahon chempionatining eng yaxshi o`yinchilaridan biri bo`lgan Toni Kroosga jamoamiz jiddiy qiziqish bildirdi. Nemis klubi safida 4300 daqiqa davomida 4ta gol va 10ta uzatma berishni uddasidan chiqqan bo`lsa, Jahon chempionatida qisqa fursat ichida, 7ta uchrashuvda 2 gol va 4 golli uzatma berishni uddasidan chiqa olgan. Endilikda esa ana shunday futbolchi "Real Madrid" sharafini himoya qiladi. U yangi jamoasiga yaxshi kirishishiga, o`zining eng yuqori formasiga kirishiga va faoliyatidagi eng yaxshi damlarni o`tkazishiga ishonamiz! 

Kroos himoyachilarga ham, hujumchilarga ham birdek yordam bera oladigan futbolchilar sirasiga kiradi. Bu borada uning barcha ko`rsatkichlari deyarli bir xil. Bu esa Ancelotti uchun ayni muddao bo`lishi aniq. "Real" muxlislari jamoaning har bir futbolchilaridan juda ko`p narsa kutishi tabiiy, lekin Toni o`zining debyut mavsumini qanday ruhda o`tkazadi, qanday ishlarni amalga oshiradi, hozircha bu barchamizga qorong`u. Ishonamizki, "Nemis mashinasi" mavsum oxirida mavhum bo`lib turgan barcha savollarimizga ijobiy javob beradi deya umid qilamiz!

Qirollik klubi yozgi transferlar vaqtida super o`yinchilarni xarid qilishiga barcha muxlislar o`rganib qolganmiz. Bu mavsum ham bundan mustasno bo`lmadi. Kalumbiyalik 23 yoshli yulduzning xarid qilinishi barcha muxlislarni dilini birdek xushnud etdi. Buni stadion tribunalaridagi bir xil ovoz bilan James! James! James! degan xayqiriqlardan payqash qiyin bo`lmadi. Buni ko`rib, go`yoki jamoaga ikkinchi Cristiano kelgandek taassurot uyg`onadi kishida. James ham huddi Di Mariadek yarim himoyada juda foydali o`yinchidir. U "Monaco" safida 10ta gol urgan va jamoadoshlarining 19ta goliga assistentlik qilgan. Jahon chempionatida esa 6ta gol bilan yaqqol peshqadamlik qilib, to`purar bo`lishiga  5ta o`yin yetarli bo`ldi. Jamesda o`yinni ko`rish, sezish va tezlashtira olish qobiliyati juda yuqori. Bu Ancelottiga qarshi hujumda o`ynash uchun qo`l kelib qolishi mumkin.

Bunday ma`lumotlarni keltira turib shuni aytish mumkinki, oldin ham  havas qilgudek yarim himoyaga James va Krooslar kelishi, raqiblarni qo`rquviga sabab bo`lgan bo`lsa ne ajab. Albatta barchasi Ancelotti va uning qanday taktika qilishiga bo`gliq. Biz ortda qolgan mavsum davomida uning qanday murabbiy ekanligiga yana bir bor guvoh bo`ldik. Maurinhoning tezkor qarshi hujum taktikasi bilan Ancelotticha taktikaning qorishmasini ko`rdik. Natija esa kutganimizdan ham a`lo darajada.

      Bu mavsumda murabbiydan nimalar kutamiz? Futbolni murabbiylar ikkita g`oya asosida olib borish mumkin. Birinchisi mudofaaviy, ikkinchisi hujumkor o`yin bilan. Albatta bular vaziyatga qarab amal qilinadigan holat. Xo`sh, mudofaaviy o`yinni kimlar bilan amalga oshirish mumkin? O`ylashimcha buni Khedira, Alonso, Illara va Modriclar bilan birga amalga oshirish mumkin. Ular hujumlarni buzishda yorqin o`yin ko`rsatadigan futbolchilardir. Yarim himoya bilan bir qatorda bevosita himoyachilarga ham yordam bera olishadi.  Bunday taktika jamoa yutayotgan va raqiblar bosimni kuchaytirgan taqdirdagina amal qilinish mumkin. Bordi-yu buning aksi bo`lsachi? Jamoa mag`lubiyat yuz tutayotgan bo`lsachi?

Bunday holatda murabbiy hujumni kuchaytirish maqsadida Angel di Maria, Toni Kroos, James Radriguez va Luka Modriclarning xizmatidan foydalanishi mumkin. Maydon markazida mazkur o`yinchilardan tuzilgan trio har qanday raqib himoyachilariga bevosita tahdid solishi mumkin. Nima bo`lganda ham barchasi Ancelottining qo`lida, u murabbiy va mutaxassisdir. Biz esa muxlis sifatida uning fikrlarining bir qismi bilan o`rtoqlashdik xolos.

Mavsum boshlanishiga ham sonoqli haftalar qolmoqda, shunday ekan azizlar jamoa va murabbiyni qo`llashda davom etaylik.

¡Hala Madrid!  ¡Hala Ancelotti! 

Xodjiyev Doniyor (DaNuSh)