Assalomu aleykum hurmatli saytimiz mehmon va foydalanuvchilari! Barchamizga ma`lum ortda qolgan mavsum davomida “Bayern” va "Monaco" klubi sharafini himoya qilgan Toni Kroos va James Radriguezlar endilikda “Real Madrid” sharafini himoya qiladi. Shu kungacha, deyarli eng kuchli yarim himoya chizig`i bizda bo`lsa-da, Tonining kelishi esa yarim himoyani  tom ma`noda yanada kuchaytirib yuborishi turgan gap. Shu boisdan maqolamizning bu galgi sonida “Real Madrid” yarim himoyachilari haqida mulohaza yuritamiz. Albatta maqola faqatgina shaxsiy fikr bilan emas, aksincha, futbolchilarning statistik ma`lumotlariga asoslangan holda yozilgan.

Aynan kimlar haqida? Bular - Xabi Alonso, Sami Khedira, Luka Modric,  Angel di Maria, Asier Illarramendi, Toni Kroos, James Radriguezlardir. Ancelotti ulardan qaysilariga ko`proq ishonch bildiradi va kimlar zahira o`rindiqida o`tirishga majbur bo`ladi. Shu kabi oddiy, Ammo, barchangizni qiziqtirayotgan savollarga mazkur maqola orqali ozgina bo`lsada javob topishizga yordam beramiz!

Quyidagi jadvalda keltirlgan raqamlar orqali futbolchilarning individual harakatlarini bilib olishimiz mumkin! Futbol mutaxassislari 2013/2014 yilgi mavsumdagi futbolchining har bir harakat 10 ball bergan holda uning iqtidorini baholashgan. 

Alonso ortda qolgan mavsum davomida maydonda qilgan ishlarini ushbu raqamlar yordamida bilib olishimiz mumkindir, shunday bo`lsa-da uning statistikalarini sizlarga taqdim etamiz...

Ko`rib turganingizdek, Alonso hujumkor o`yinchi emas, u ortda qolgan mavsumda 42 o`yinda atiga 1ta gol va 1ta to`p uzatmani amalga oshira olgan. Ammo Xabi hujumlarni to`xtatish, o`yini sezish va yaratuvchanlik qobiliyatlari juda yuqori. Shu boisdan ham bu Ancelottiga qo`l kelishi mumkin va murabbiy unga ishonch bildirishi mumkin.

Jahon chemionatini bekam-u ko`z o`tkazgan germaniyalik yulduz, shak - shubhasiz bu mavsumda "qaymoqranglilar" tarkibida  eng kam maydonga tushgan futbolchi hisoblanadi. Albatta buning asosiy sababi, o`sha barcha futbolchilarning ashaddiy raqibi - jarohatlardir. Khedira 1375 daqiqa maydonga tushgan va 1ta gol, 1ta top uzatma bera olgan. Jahon chempionatida esa 450 daqiqada ichida mazkur natijaga erisha olgan. Uning jarohatidan bunchalar tez forih bo`lishini hech kim kutmagan va ishonmagandi ham, lekin uning Jahon chempionatidagi o`yinlarini kuzata turib shuni aytishimiz memkinki, Sami buni uddaladi, u barchasini yenga oldi.

Bu futbolchi haqida ko`p gapirishning hojati yo`q. Modric barchamiz uchun birdek super mavsum o`tkazdi. Uning yuqorida keltirilgan raqamlar ostida yashirilgan individual mahoratidan ham, buni bilib olishimiz mumkin. Modric himoya va hujum o`rtasida uzilmas zanjir vazifasini bajardi desak aslo mubolag`a bo`lmaydi. U jamoa tarkibida 4068 daqiqa maydonga tushib 2ta gol va qo`shimchasiga 10ta golli uzatmani amalga oshira oldi. Bu uning hujum vakillariga ko`rsatgan bevosita yordami edi.

Endi uning tayanch yarim himoya va hujumkor yarim himoyachi o`rnida ko`rsatgan o`yinlariga e`tibor qaratsak, hujimni buzish, to`pni jamoadoshlariga behato uzatish, o`yinni sezish, maydon markazidagi yaratuvchanligi va to`p uchun kurash olib borish borasida Luka 37.5 ball bilan, "Man City" vakili Yaya Touredan 38.5 ball bilan ikkinchi o`rinda bormoqda. Bunday holatda hech ikkilanmasdan Modricni yarim himoyada dunyoning eng kuchli futbolchilaridan biri deyishimizga yetarlicha asos bor.

Xodjiyev Doniyor (DaNuSh)